Téléchargement du document

Documents linguistiques galloromans
Corpus : (Corpus_Temp)
Responsable du corpus : -
Édition de la charte : -

P1268023201

S.l. [Paris] - 1268 (n. st.), fevrier

Type de document: Lettre patente ; XXXXX

Objet: [1] Étienne Boileau, garde de la prévôté de Paris, [3] notifie que Huitasce chevalier, dit Bonnemin, [4] a vendu à l'abbé et à l’abbaye de Saint-Denis-en-France [5] 16 livres de parisis de rente par an. [6] Le prix de vente est établi en 240 livres de parisis que le vendeur a reçu et dont il se tient satisfait. [7] Il renonce de manière définitive à tout droit qu’il pourrait réclamer et [9] garantit la vente [10] soumettant tous ses biens à la justice du prévôt, [11] en particulier un moulin qu’il possédait en la ville de Sèvres. [12] En plus, il renonce expressément à toutes les réserves qui pourraient exister contre la vente [13] et le garantit à nouveau soumettant tous ses biens à la justice du prévôt. [14] Ensuite, sa femme Philippe [15] confirme de sa part la vente, [18] renonçant à son tour de manière définitive à tout droit qu’elle pourrait réclamer.

Auteur: Étienne Boileau, garde de la Prévôté de Paris

Disposant: Huitasce chevalier, dit Bonnemin; Philippe sa femme

Sceau: Prévôté de Paris

Bénéficiaire: L'abbé [Mathieu de Vendôme] et l'abbaye de Sant-Denis en France

Autres Acteurs:

Rédacteur: Prévôté de Paris

Support: Original parchemin, jadis scellé d'un sceau sur double queue de la Prévôté de Paris (il ne reste que les fissures pratiquées dans le parchemin)

Lieu de conservation: Paris AN: S 2250A1 – Saint Denis, n° 13

Édition antérieure: Lespinasse/Bonnardot 1879, XIII-XIV, notes

Commentaire:

1 À touz ceus qui cez lettres verront ,/ 2 Estienne Boiliaue garde de la prevosté de Paris ,/ salut ./· 3 Nous fesons à savoir que par devant nous \2 vint mon_seingneur Huitace ,/ dit Boennemyn ,/ chevalier ,/ demourant à Argentueill ,/ 4 et requenut en droit soi avoir vendu et en non de vente \3 avoir otroié à religieus homes ,/ à l ' abbé et au couvent de Seint Denys en France ,/ \4 5 seze libz . de par . de rente chacun an ,/ avec tout le droit et la \5 seingnourie et la proprieté et possession que il avoit ou pooit avoir en cez choses devant dites ;/· 6 les quiex seze libz . de par . desus dites le devant \6 dit chevalier avoit et recevoit touz les anz en la bourse à l ' abbé de Seint Denys devant dit mouvanz ,/ de l ' eritage du devant dit chevalier ,/ si comme il di\7soit ,/ pour le pris de deus cenz et quarante libz . de par .//,/ 7 les quiex deniers desus diz le dit chevalier a eüz et receüz en pecune nombree des devant \8 diz l ' abbé et le couvent de Seint Denys ,/ si comme il disoit ,/ et dont il se tint plainement pour_paiez par devant nous ./ 8 Et promist par devant nos \9 et par son leal creant ,/ le devant dit chevalier que contre la devant dite vente par lui ne par autre ne vendra dés hore en avant en nule \10 menniere ou tans qui est à venir ./ 9 Ençois la devant dite vente garantira ,/ deffendra aus devant diz religieus contre touz et à touz jors ./ \11 10 Pour les quex choses toutes desus dites tenir et fere et leaument garder du dit chevalier aus devant diz religieus ,//, li devant diz chevaliers a obligié et \12 soumis aus devant diz religieus soi et ses hers et touz ses biens muebles et non muebles ,/ presenz et à venir ,/ où qu ' il soient et où porront estre trouvez ,/ \13 11 et especiaument un moulin que li devant diz a ,/ si comme il dit ,/ en la vile de Sevre ./· 12 Et a renuncié le dit chevalier en ce fet à l ' exception de la pecune desus \14 dite non eüe ,/· à l ' exception de tricherie et à l ' exception de decevance de droit pris outre la moitié ,/ et à toutes exceptions ,/ droit escrit et non escrit ,/ afferanz à \15 lui ou à afferir ,/ par les queles le dit chevalier peüst venir contre les choses devant dites ,/ à toutes ou en aucunnes d’iceus ./· 13 Et quant à ce tenir fermement le dit \16 chevalier a obligié et soumis lui et toz ses biens muebles et non muebles ,/ presenz et à venir ,/ où qu ' il soient ,/ à jousticier à nous ou à noz successeurs ./· 14 Enseurquetont vint \17 par devant nous ma_dame Felipe famme du devant dit chevalier ,/ 15 volt et loua et otroia et quita de sa boenne volanté ,/ non mie à ce contrainte de la volanté et de \18 l ' auctorité du dit chevalier son mari ,/ si comme ele disoit ,/ 16 toutes les choses desus dites ,/ toutes enssemble et chascune par soi ,/ et tout le droit qu ' ele i - avoit ou pooit \19 avoir ,/ par la reson de douere ou par queconque autre reson que ce soit ./· 17 Et promist par devant nous et par son leal creant la dite ma_dame Felipe ,/ \20 par la volanté et par l ' assentement du devant dit chevalier son mari ,/ que contre la devant dite quitance ne vendra par lui ne par autre en nule menniere \21 que ce soit ou tans qui est à venir ./· 18 Et a renuncié la dite ma_dame Felipe à l ' exception de tricherie et de paour et à toutes autres exceptions \22 et deffenses ,/ queles que eles soient ,/ par les queles ele porroit venir contre les choses desus dites en toutes ou en aucune ./· 19 En temoing \23 de ce ,/ nous avons mis le seel de la prevosté de Paris en ces lettres 20 l ' an de - l ' incarnation nostre Seingneur mil \24 deus cenz et soissante et sept ,/ ou mois de fevrier ./