Téléchargement du document

Documents linguistiques galloromans
Corpus : (Corpus_Temp)
Responsable du corpus : -
Édition de la charte : -

P1266023201

S.l. [Paris] - 1266 (n. st.), fevrier

Type de document: Lettre patente ; confirmation de vente

Objet: [1] Étienne Boileau, garde de la prévôté de Paris, [3] notifie que Jean dit le Flament, Henri dit de Saint-Denis et Geneviève sa femme, Marie sœur dudit Jean le Flament et Geneviève, enfants du feu Jean le Flament, jadis bourgeois de Paris, [4] déclarent que l'abbesse et l'abbaye de Lonchamp ont acheté d’eux des terres assises en leur censive et seigneurie. [5-14] Les terrains en question sont énumérés, localisés et mentionnés avec leur rendement. [15] Les vendeurs confirment la vente à l’abbesse et à l’abbaye soulignant le caractère volontaire de la cession. [19-22] Comme Jean et Marie, enfants du feu Jean le Flament, ont trois frères plus jeunes qui n'ont pas encore l'âge legal, Agnès, Pierre et Guillaume, ils s'engagent pour eux qu'ils respecteront la vente une fois qu'ils auront atteint la majorité et [22] à titre de garantie supplémentaire, Pierre et Nicholas li Flament sont nommés garants de la convention avec l'abbesse et l'abbaye.

Auteur: Étienne Boileau, garde de la Prévôté de Paris

Disposant: Jean dit le Flament, Henri dit de Saint-Denis et Geneviève sa femme, Marie sœur dudit Jean le Flament et Geneviève, enfants du feu Jean le Flament, jadis bourgeois de Paris

Sceau: Prévôté de Paris

Bénéficiaire: L'abbesse [Agnès II d’Harcourt] et l'abbaye de Lonchamp

Autres Acteurs: Pierre et Nicholas li Flament

Rédacteur: Prévôté de Paris

Support: Original parchemin, jadis scellé d'un sceau sur double queue de la Prévôté de Paris (il ne reste que les fissures pratiquées dans le parchemin)

Lieu de conservation: Paris AN: L 1020 – Longchamp, n° 21

Commentaire:

Verso: De la terre amortie des Flamens (d'une première main) ; Des terres Genevieve la ... (illisible, d'une deuxième main)

1 À touz ceus qui ces lettres verront ,/ 2 Estienne Boiliaue garde de la prevosté de Paris ,/ salut ./ 3 Nous fesonz à savoir que en nostre presence establi ,/ Jehans diz le Flamens ,/ Henris \2 dit de Seint Denis et Genevieve sa famme ,/ et Marie suer du dit Jehan le Flament et Genevieve ,/ enfanz jadiz de feu Jehan le Flament ,/ jadiz bourgois de Paris ,/ 4 affermerent et \3 requenurent en droit par devant nos que religieuses fammes ,/ l ' abbeesse et le couvent et l ' abeie de l ' Umilité Nostre Damme des Sereurs meneurs encloses delez Seint Cloot · avoient \4 achetees terres si desouz nommees ,/ assises ,/ si comme il disoient ,/ en la censive et en la seingnorie des devanz diz Jehan le Flament ,/ Genevieve ,/ Marie et Agnés ,/ Pierre et Guillaume en\5fans de feu Jehan le Flament devant dit ./ 5 C ' est à savoir trente et trois arpens et un quartier et sis perches ,/· à vint et huit deniers de chier cens ,/· des quex sis arpens \6 et demi furent Garnier Corel ,/· à cinc deniers de cens ,/ joignans aus terres feu Jehant Flament ,/ si comme l ' en dit ./· 6 Derechief deus arpens qui furent aus meziaus de Seint \7 Cloot à deus deniers de cens joignans aus terres de la abeie desus dite ,/ si comme l ' en dit ./ 7 Derechief quatre arpens et trois perches qui furent Marguerite de Moin \8 joignans aus terres qui furent Garnier Corel entre l ' abeie devant diz et Neulli à deus deniers de cens ,/ si comme l ' en dit ./· 8 Derechief un arpent qui fu Nicholas Harae entre \9 les terres Garnier Corel à trois maailes de cens ,/ si comme l ' en dit ./· 9 Derechief quatre arpens qui furent Pierre Mare et trois perches entre les terres qui furent feu Henri \10 Dampierre et les terres Garnier Corel à huit deniers de cens ,/ si comme l ' en dit ./· 10 Derechief quatre arpens et demi et demi quartier qui furent à la famme feu Jehan Hy\11acelin joignans au chemin de Serainnes par où l ' en va à Paris à deus deniers de cens ,/ si comme l ' en dit ./ 11 Derechief quatre arpens qui furent Haimeri de Monmastre \12 joignans au port de Serainnes et à la terre feu Henri d ' Ancuerre ,/ si comme l ' en dit ./ 12 Derechief un arpent qui fu Michiel Herout joignant à la terre Nicholas Harae ,/ si \13 comme il se comporte duques à Sainne et d ' autre part et aus terres qui furent Pierre cha[r] ^[1] de pre à trois maailles de cens ,/ si comme l ' en dit ./ 13 Derechief trois quartiers qui \14 furent Michiel Herout joignans aus terres aus malades de Seint Cloot et aus terres feu Henri d ' Ancuerre et aus terres de Lonchamp ,/· c ' est à savoir de la dite abeie ,/ \15 si comme l ' en dit ./ 14 Derechief sis arpens qui furent Pierre Mare joignans à la terre de l ' abeie desus dite ,/ si comme l ' en dit ,/ à deus deniers de cens ./ 15 Les quex terres desus \16 dites toutes ensamble et chascune par soi les devanz diz Jehan le Flament ,/ Henris et Genevieve et Marie ,/ pour ceste chose establi par devant noz ,/ reconnurent \17 eus avoir donné et otroié de leur bonne volonté non pas à ce parforcié et de leur certainne science aus devant dites religieuses fammes ,/ à l ' abeesse et \18 au couvent du devant dit liu et à leur moustier à avoir et à tenir dés ore endroit juques à touz jours des devant dites religieuses fammes et \19 au moustier de iceles en main morte sans [...] ce ^[2] de vendre ou deli [...] ^[3] ou de [mettre] [h]ors ^[4] de leur main sauf le droit le roy ./ 16 Et reconnurent en\20droit nulle seignorie ,/ nulle proprieté ,/ nulle [...] ction ^[5] à [...] [dev]ant ^[6] dites [...] ^[7] quarante lbz . de par . que le devanz diz \21 Jehan le Flament ,/ Henris ,/ Genevieve et Marie on[t] [...] re]ceüs ^[8] en den[iers] [...] ^[9] par devant nos et ont renuncié à l ' eucep\22tion de ce qu ' il n ' hont eü et receü les deniers devans diz ./· 17 Et promistrent par devant [...] ^[10] les choses devant dites en encontre \23 aucune par reson d ' eritaige ou par reson de douaire ou par autre reson quelle qu ' elle soit ne [...] ^[11] ne par autres ou tans qui est \24 à avenir ./ 18 Et que il les devant dites terres à la devant dite abbeesse et au couvent devant dit ga[rantiront] [et] ^[12] assureront et deffanderont toutes les fois que mestiers \25 leur en sera contre touz à avoir et à tenir en main morte ,/ si comme il est dit par desus ./ 19 Et promistrent li devanz diz Jeh[an] [le] [F]lamens ^[13] et Marie sa suer sur leur \26 creant donné par desus que il feront tant et procuront envers Agnés ,/ Pierre et Guillaume meneurs freres et suer [...] ^[14] et de Genevieve et Marie que tantot \27 comme il vendront à aaige loial ,/ que il aus meneurs devanz diz les devant dites choses toutes ensamble et chascune par soi feront faire et otroier et agreer à estre \28 en main morte et leur feront donner leur foi que il encontre les choses desus dites ou encontre aucunes ne vendront en nul droit ou tans qui est à avenir ./ \29 20 Et en ont obligié quant à ce à la devant dite abbeesse et au couvent eus et leur biens ,/· et volent qu ' il soient especiaument obligiés à la devant dite abbeesse et au \30 couvent ./ 22 Et pour plus grant seurté fere et avoir et à procurer des choses devant dites envers lez diz enfans meneurs à tenir et à acomplir les choses desus dites quant \31 il vendront à droit aaige ,/ si comme il est dit desus ,/ Pierers li Flamens et Nicholas ses freres vindrent par devant nos et s ' establirent pleges chascun pour le \32 tout envers l ' abeesse et le couvent desus diz ./ 23 Et quant à ce tenir fermement li devanz diz Jehanz li Flamanz ,/ Henris et Marie et Genevieve et les pleges desus \33 diz ont obligié et soumis eus et touz leur biens muebles et non muebles presens et à_venir ,/ où qu ' il soient ,/ à justicier aus prevoz de Paris ./ 24 En temoing de ce ,/ nous \34 avons mis le seel de la prevosté de Paris en ces lettres 25 l ' an de l ' incarnation nostre Saigneur ·M·CC· soissante et cinc ou mois de fevrier ./

Notes de transcription
^[1] Pliure dans le parchemin
^[2] Trou dans le parchemin .
^[3] Illisible .
^[4] Trou dans le parchemin .
^[5] Trou dans le parchemin .
^[6] Trou dans le parchemin .
^[7] Illisible .
^[8] Trou dans le parchemin .
^[9] Trou dans le parchemin .
^[10] Trou dans le parchemin .
^[11] Trou dans le parchemin .
^[12] Encre effacée .
^[13] Encre effacée .
^[14] Trou dans le parchemin .