Téléchargement du document

Documents linguistiques galloromans
Corpus : (Corpus_Temp)
Responsable du corpus : -
Édition de la charte : -

P1260063201

S.l. [Paris] - 1260, juin

Type de document: Lettre patente ; confirmation de vente

Objet: [1] Pierre Gontier, garde de la Prévôté de Paris, [3] notifie que Guy d'Erbloi et Jeanne sa femme, veuve de Guillaume dit Bateste, [4] ont vendu à l'abbé et à l'abbaye de Saint-Denis-en-France [5] la moitié de quatre hôtises qu'ils avaient à Aubervilliers (Seine-Saint-Denis) [6] rapportant douze sous, une mine d'avoine et deux poules de rente par an. [8] De plus, ils ont vendu à la même abbaye toutes les rentes qu'ils avaient dans le même lieu en raison de leur droit de voirie de même que [10] leur part de la redîme qu'ils avaient en la grange de Franconville (Val-d'Oise); [11] le tout au prix de 28 lbs. par. [13] Les vendeurs renoncent de manière définitive à tout droit qu'ils pourraient réclamer et [15] garantissent la vente en la soumettant à la justice du prévôt.

Auteur: Pierre Gontier, garde de la Prévôté de Paris

Disposant: Guy d'Erbloi chevalier, Jeanne sa femme

Sceau: Prévôté de Paris

Bénéficiaire: L'abbé [Mathieu de Vendôme] et l'abbaye de Sant-Denis en France

Autres Acteurs:

Rédacteur: Prévôté de Paris

Support: Original parchemin, jadis scellé du sceau sur double queue de la Prévôté de Paris (ne subsistent que les bandes de parchemin arrachées)

Lieu de conservation: Paris AN: S 2241 - Saint Denis, n° 3

Édition antérieure: Videsott 2020, 295-297

Commentaire:

1 À touz ceus qui ces letres verront ,/ 2 Pierre Gontier guarde de la prevosté de Paris ,/ saluz ./ 3 Nous fesons à savoir \2 que par devant nos vindrent mesire Guy d ' Erbloi chevalier et ma dame Jehanne sa fame jadis fame feu Guillaume dit Bateste ,/ \3 escuier ,/ requenurent et affermerent par devant nos 4 que il avoient vendu et quité dés or en avant à touz jours \4 à religieus homes l ' abbé et le convent de Saint Denis en France · 5 la moitié de quatre hostises que il disoient que \5 il avoient à Hauberviler joimgnens d ' une part à la meson feu mon seigneur Aden chevalier · de Hauberviler · movens \6 du comquest de la devandite madame Jehanne ./· 6 La quele moitié des quatre hostises vaut douze · sos · de par .//,/ une mine \7 d ' aveinne · et deus gelines de rentes chascun an si comme il disoient ,/· à rendre chascun an au termes desouz nomez ,/ 7 c ' est \8 à savoir · sis · sos le diemenche devant la feste saint Desnis · et dedens les huiteves de Noël les autres · sis · sos · et la \9 mine d ' aveinne et les deus gelines chascun an si comme il disoient ,/ renduz à Hauberviler ./· 8 Derechief cil mesire Guy \10 d ' Erbloi chevalier et madame Jehanne sa fame requenurent par devant nos qu ' il avoient vendu et quité perpetuement \11 aus devandiz religieus · toutes les rentes qu ' il disoient qu ' il avoient à Hauberviler par la resom de la moitié de \12 toute la voierie asise · entre la ruele par où l ' an vet à Paris · et le ruissel de Hauberviler ./· 9 En la quele \13 moitié de la dite voierie quicomques i a meson ou avroit ,/ il est tenuz à rendre par la resom de la moitié de la \14dite voierie demie mine d ' aveinne · et demie geline · chascun an · le diemenche devant la feste saint Denis à ceus \15 qui la moitié de la devant dite voierie seroit · en la devandite vile de Hauberviler ,/· si comme cil mesire Guy \16 et madame Jehanne sa fame disoient ,/· la quele moitié de la dite voierie muet du conquest de la devandite \17 dame si comme il disoient ./· 10 Derechief cil mesire Guy et madame Jehanne fame de celui Guy requenurent que \18 il avoient vendu et quité à touz jours aus devandiz religieus toute la moitié du redisme que il avoient \19 si comme il disoient en la granche de Francourvile · asise ou fié des diz religieus si comme il disoient ,/· les queles \20 choses toutes movens du fié et de la seigneurie des devant diz religieus et du conquest de la dite madame Jehanne · \21 si comme il disoient ./· 11 Cil mesire Guy d ' Erbloi chevalier et madame Jehanne sa fame requenurent que il avoient vendu et \22 quité dés or en avant à touz jours au devandiz religieus · pour vint et huit · lbz . · de par ./ qu ' il ont eüz et receüz et \23 dont il se tindrent a_paié par devant nos ./· 12 Et promistrent par devant nos par leur loiaus creans que il les \24 devandites choses vendues guarentiront ,/ deliverront et deffendront · dés or en avant à touz jours aus \25 devandiz religieus contre touz ,/ en jugement et hors jugement ,/ aus us et aus coustumes de France ./· 13 Et que \26 il ,/ es dites choses vendues ,/ riens ne reclameront dés or en avant par droit d ' eritage ,/ de conquest ou de douay\27re ou par autre droit quiex qu ' il soit ,/ ne ne feront reclamer par autre ./· 14 Et que il contre la devant \28 dite vente et quitence ne vendront dés or en avant ne ne feront venir par autre ./· 15 Et quant \29 à droite guarendie porter des devandites choses vendues aus devant diz religieus ,/ dés or en avant à touz \30 jours li devandit mesire Guy et madame Jehanne sa fame ont soumis et obligié eus et leur hoirs à jousti\31cier aus prevos de Paris ./· 16 Et en tesmoing de ceste chose ,/ nos ,/ à la requeste des devant diz vendeeurs avons \32 mis en ces letres le seel de la prevosté de Paris ./· 17 Ce fu fet l ' an de l ' incarnacion nostre Seigneur \33 · mil ·CC· et soissante ,/ ou mois de juing ./