[vers une autre interface]
|
Téléchargement du document fichier xml fichier pdf |
Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : F. Dubosc
docNorm107
1298
Type de document: charte: vente de terre
Objet: Acte de vente passé devant le tabellion du roi: Michel Veier et Asceline, sa femme, vendent aux religieux de Montmorel une pièce de terre pour quarante sous tournois.
Auteur: vicomte d'Avranches
Disposant: Michel Veier et Asceline, sa femme
Sceau: auteur; Michel Veier et Asceline
Bénéficiaire: l'abbaye de Montmorel
Autres Acteurs: Michel le Roillée, tabellion du roi
Support: sceaux absents
Lieu de conservation: original perdu
Édition antérieure: Dubosc, 1878,
2 À touz ceus qui ces presentes letres verront et orront, 3 le visconte d'Avrenches saluz. 4 Sachent tous que par devant Michiel le Royllé tabellion juré nostre sire le rei, recognurent 5 Michiel Veier et Asceline sa fame o l'auctoritei de li, 6 que eus aveient vendu 7 à hommes religios et honestes l'abbei et le covent de Montmorel 8 por quarante souz de torneis et les ventes, 9 scil est assaveir une piece de prei par reson de ladite Asceline, assise en la paroisse Saint Aubin de la Terre Gaste entre la terre Amete la Pescharde d'une partie et d'autre, 10 e une piece de terre assise entre la terre esdiz religios d'une partie et la terre Sanson Auverei, d'autre, 11 à tenir et à porseier en dreit heritage esdiz religios et à lor successors, sanz empeschement desorenavant desdiz Michiel et Asceline ou de lor heirs 12 qui sunt tenuz et lor hers lesdites pieces de prei et de terre esdiz religios et à lor successors garantir, delivrer et defendre contre touz et en touz lieus et gardeir de couz et de damages, 13 ou aillors en lor propre heritage en queil lieu que il seit, value à value eschangier se mestier esteit. 14 E jura ladite Asceline que elle encontre ceste vente n'ira desorenavant en aucune maniere. 15 E, que ce seit ferme et estable à fin et à touz jorz, à la requeste des parties ces letres ont estei seelees eu seel de la viscontei d'Avrenches oveques les sceaux esdiz Michiel et Asceline, sauf le dreit le rey et autre. 16 Ce fut fet en l'an de grace mil doux cenz nonante et oict, le lundi d'emprés la Chandelor.
