Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : V.-R. Hunger

docNorm102

1297

Type de document: charte: reconnaissance de devoir

Objet: Devoirs de Jean de Pirou à l'égard de l'abbaye du Mont-Saint-Michel.

Auteur: Jean, seigneur de Pirou

Disposant: auteur

Sceau: auteur

Bénéficiaire: l'abbaye du Mont-Saint-Michel

Lieu de conservation: original perdu (jadis Archives de la Manche)

Édition antérieure: Hunger, 1908, Histoire de Verson, p. 27.

1 À toz ceus qui verront ces letres, 2 Jehan seignor de Pirou, chevalier salu. 3 Sachent toz que je suis tenu à delivrer 4 hommes religieux l'abbé et le couvent du Mont Saint Michel et 5 à les garder de toz damages envers notre seignor le roy de France, d'un service de chevalier por la terre de Bretevile sus Oudon en Beessin. 6 Item, et du servise de chevalier par seze jorz et les deus parz d'un jor, du fieu d'Ardevon en Avrenchain, deuz desdiz religieux à notre seignor le roy, 7 desquex servises fere lesdiz religieux sunt semons à cest ost à Sanzliz. 8 Et por ceu fere, lesdiz religieux m'ont donné et paé sis vinz livres de tornois, 9 en tele maniere que se il avient que l'ost soit rappelé, il m'en demorra la moité por aler jusques au lieu où l'ost est ou sera semons. 10 Et se l'ost est rappelé sanz soi movoir et sanz aler au lieu, il m'en demore des or en droit le quint, et le sorplus je suis tenu rendre asdiz religieux à la Saint Michel prochaine à venir. 11 Et se il avient que l'ost passe la receite fete des chevaliers et des servises, tot l'argent devant dit me demorra sanz ceu que lesdiz religieux d'ileques en avant m'en puissent riens demander. 12 Et à ceu tenir et emplir asdiz religieux, je oblige moi et mes hers et toz mes biens sanz venir encontre par quel reson que ceu soit. 13 Et ceu je senefi à toz par ces letres seelees de mon seel 14 eu jor de diemenche devant Bonoisons, l'an [de] grace mil deus cenz quatre-vinz et dis et sept.