Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : F. Dubosc

docNorm101

1297

Type de document: charte: vente de rente

Objet: Acte de vente passé devant le vicomte de Coutances: Robert Costart vend une rente annuelle aux religieux de La Luzerne.

Auteur: vicomte de Coutances

Disposant: Robert Costart, d'Agon

Sceau: auteur; Robert Costart

Bénéficiaire: l'abbaye de La Luzerne

Support: fragment du sceau et contre sceau de la vicomté de Coutances; fragment du sceau de Robert Costart.

Lieu de conservation: original perdu

Édition antérieure: Dubosc, 1878, Cartulaire Factice de l'Abbaye de La Luzerne, n^oCLIV, p. 142-3; SCRIPTA. Base des actes normands médiévaux, 2010-19, dir. P. Bauduin, CRAHAM-MRSH, acte n^o4369.

1 Carta Roberti Costart, de Blainvilla.
2 À tous ceus qui ces letres verront et orront, 3 le visconte de Coustances saluz. 4 Sachent touz que endroit present par devant nos, 5 Robert Costart d'Agon de son grei recognut 6 soi avoir vendu, otroié et delessié à fin 7 à l'abbé et au convent de la Luiserne 8 trois boisseax de forment à la mesure de Coustances d'anuel rente à la feste saint Michiel, trois mailles et une geline à Noël et dies eus à Pasques, o l'ommage de Johanete fille Raoul le Suor, 9 sus une meson et sus tout le tenement que ele tenoit de lui en la parroisse de Blainville o tout le droit et la justice que ledit Robert i avoit et povoit avoir et devoit 10 pour quatre livres de torneis, donc ledit Robert se tint pour bien paié par devant nos; 11 à tenir, à avoir et à porseer audit abbé et au convent et à lor successors ladite rente o l'ommage, la justice et le droit dessus diz bien et em pes des$ore$en$avant sanz nul contredit. 12 E sont et seront tenuz ledit Robert et ses hers audit abbé et au convent et à lor successors lesdictes choses garantir, delivrer et deffendre encontre tout en bone foi 13 ou aillors value à value eschangier se mestier en estoit, et fornir et fere valer ladicte rente se dechié i avoit. 14 Et à cen, ledit Robert obliga par devant nos tout son heritage en quel lui que il soiet, soit en terres, en rentes et en mesons et en toutes autres choses; 15 et ne le porront ledit Robert ne ses hers vendre, engagier, chargier de rente ne metre hors de lor mains que il ne soit obligié à cen. 16 E quant à cen tenir et aemplir asdiz abbé et au convent et à lor successors, ledit Robert obliga par devant nos soi et ses hers, son cors à tenir prison et touz ses biens meubles et non meubles, presenz et à venir, où que il soient, à vendre et à despendre par la justice le roy por deffaute d'enterigner les choses dessus dites, 17 et pour les couz et les despens rendre et restorer qui en seroient fez donc le portoor de ces lectres seroict creu par son serement sanz autre preuve. 18 E renunça ledit Robert à tout privilege de croiz prise et à prendre et à toutes exceptions et deffenses de fait et de droit. 19 E en tesmoing de cen, nos avon mis à ces letres le seel de la viscontei de Coustances o le seel audit Robert sauf le droit nostre sire le roy et autri. 20 Cen fut fait l'an de grace mil .CC. nonante et sept, le lundi devant la Saint Valentin.