Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : Ch. de Beaurepaire et al.

docNorm089

1294, février (n. st.)

Type de document: charte: renonciation

Objet: Renonciation par Oedeline, femme de Jean Corde, au droit qu'elle pouvait avoir, à raison de douaire, etc., de contester la validité d'une vente faite, par son mari et elle, d'une pièce de terre, à un nommé Michel le Sage.

Auteur: Guillaume Aseros, vicomte du Neufchâtel

Disposant: Oedeline, la femme de Jean Corde

Sceau: auteur

Bénéficiaire: Michel le Sage

Édition antérieure: Mélanges. Documents Publiés et Annotés par MM. Ch. de Beaurepaire, P. Le Cacheux, A. Héron, H. Sauvage, 5e série, p. 435-6.

1 À tous cheus qui ches presentes letres verront et orront, 2 Guillaume Aseros visconte du Noef Castel salut. 3 Sachiés que par devant nous fu presente Oedeline fame Jehan Coorde, 4 de sa boenne volenté et du consentement audit Jehan son mari 5 jura sus saintes evangiles que jamés par raison de doueire, de mariage encombré ou d'autre raison qui seit ou puist estre, riens ne demandera ne fera demander ne reclamer en la pieche de terre que il ont vendue à Michel le Sage, 6 si com il est contenu en la chartre seelee de leurs seaux, à laquelle chest present forjurement est anexé. 7 Et à cheu enteringnier, ele a obligié sen cors à meitre et à tenir en la prison le rei, tant que l'empechement en ssereit osté et tous ses biens meebles et inmeebles, presens et à venir, à camp et à vile, à vendre et à despendre par nostre main 8 por ballier en paiement audit Michiel et à-ssen quemandement portant ches letres dessi à la quantité des cous et des damages que il diroit que il areit eu por la terre devant dite par lie ou par sen percachement, 9 dont il sereit creu par sen serement sans autre proeve, se meitier li estoit. 10 Et quant à cheu fere-ele a renunchié à tout previlege empetré ou à empetrier, par quoi la chose peut estre emperié ou encombrié en tout ou en partie. 11 Et nous, en tesmoing de cheu, avons seelé ches presentes leitres du seel de la visconté du Noef Castel sauve la droicture le rei et l'autri en toutes choses. 12 Che fut fait en l'an de grace mil deuz chens quatre-vins et treze, le jour de joesdi devant feste saint Pierre en fevrier.