Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : F. Dubosc / E. Schwan, D. Behrens

docNorm079

1291

Type de document: charte: vente de rente

Objet: Acte de vente passé devant le vicomte d'Avranches: Robert de Thuyre vend une rente annuelle aux religieux de l'abbaye de Montmorel.

Auteur: vicomte d'Avranches

Disposant: Robert de Thuyre, prêtre

Sceau: auteur; Robert de Thuyre

Bénéficiaire: l'abbaye de Montmorel

Support: sceaux absents

Lieu de conservation: original perdu

Édition antérieure: Dubosc, 1878, Cartulaire Factice de l'Abbaye de Montmorel, p. 167; Schwan/Behrens, 1925¹², Grammatik des Altfranzösischen, III. Teil, p. 108.

1 À touz ceus qui ces letres verront et orront, 2 le visconte d'Avrenches saluz. 3 Sachent touz que Robert de Thuyre prestre reconut devant nos 4 que il aveit vendu, otrié et deu tout en tout delessé à hommes religious et honestes l'abbé et le covent de Montmorel, por vint et cinq livres et treis souz de torneiz desqueus ledit prestre se tint por paié par devant nos, 5 scil est assavoir cinquante souz treis deniers et maalle de torneis d'anuel rente que ledit prestre aveit et aperceveit en la paroisse de Lolif o Nicholas de Belin seze souz; o Nicholas le Grivel sept souz et un chapon; o Johan Bretel cinc souz; o Guillaume Bretel cinc souz; o Angot deu Pré sies souz et une geline; o Raoul Postel cinc souz sies deniers et une geline; o Jehan Valier seze deniers et demee geline; o Pierres le Gorin et o Richart Bellabaille dous souz et une rusche de froment; 6 à tenir, à avoir et à porseier en dreit et quittement sans nul reclaim et sans nul contredit des$ore$en$avant eu nule manere deudit prestre ne de ses hers. 7 Et est tenu lui et ses heirs la vente fete en la manere desus dite asdiz religious garantir, delivrer et deffendre contre touz et en touz leus et iceus garder en boenne foi de touz couz et de touz damages, 8 ou allors en lor propre heritage en queil leu que il seit, value à value eschangier se mestier esteit. 9 Et que ce seit ferme et estable à fin et à touz jorz, à la requeste des parties nos avon seelé ces letres eu seel de la visconté d'Avrenches, oveuques le seel deudit prestre, sauf le dreit le rei et autri. 10 Ce fut fet en l'an de grace mil .CC. nonante et un, le samedi emprés Pasques.