Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : A. Bertrand de Broussilon

docNorm078

1290, 30 septembre

Type de document: charte: quittance

Objet: Quittance par les tuteurs des enfants de feu Étiemble de Grigné de vingt livres à eux payées par les moines du Mont-Saint-Michel, pour prix de la terre de Léonère, en La Dorée.

Auteur: Colin le Barber

Disposant: Robert le Guai et Pierre le Clert, tuteurs des enfants de feu Étiemble de Grigné

Sceau: cour du seigneur de Maine

Bénéficiaire: l'abbaye du Mont-Saint-Michel

Lieu de conservation: original perdu

Édition antérieure: Bertrand de Broussillon, 1894, Cartulaire de St.-Michel de l'Abbayette, Prieuré de l'Abbaye de Mont St.-Michel (997-1421), p. 46.

1 Sachent touz presenz et avenir, 2 que par devant nous endroit establiz Robert le Guai et Pierres le Clert de la paroisse de la Doree, tutors donez de nos quant à ce aux effanz feu Estienble de Grigné, requenurent 3 que oux ou lor comandement avaient receu de l'abbé et do covent do Mont Saint Michel vint livres de tornais par la reson de la terre de Leonere asise en ladite paroisse de La Doree, 4 laquele terre l'abbé et le covent à lor comandement doivent porsairs à torjorz més sanz nule reclamacion des airs dodit feu Estienble.
5 Et desdiz vint livres lesdiz tutors se tindrent par-devant nos por bien paiez en non desdiz airs dudit feu 6 et promitrent et graerent en non dessus dit que par reson desdites choses jamés riens ne sera demandé desdiz airs audit abbé ne au covent.
7 Et à ce tenir et fere tenir audiz airs, obligent lesdiz tutors eux et toz lor biens mesbles et immesbles, presenz et à venir et, par la foi de lour cors donee en nostre main, que encontre ne vendrunt.
8 Et nos, totes ces choses avon ajugié à tenir par le jugement de la cort au seignor de Maine et le scel de ladite cort à ces presentes lestres avon apposé en tesmoig de verité sauve la dreiture à toz seignors feaux.
9 Ce doné et otraié devant Colin le Barber ou jour de semagdi devant la feste saint Denis en l'an de grace mil doux cenz quatre-vinz et deiz, ou mais de octovre.