Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : L. Delisle

docNorm068

1287

Type de document: charte: jugement

Objet: Jugement de l'échiquier reconnaissant aux religieuses de La Trinité de Caen le droit de vendre leur bois de Foulbec sans avoir à payer le tiers et danger.

Auteur: bailli de Rouen

Sceau: auteur

Bénéficiaire: les religieuses de la Trinité de Caen

Autres Acteurs: les agents du roi; les maîtres de l'échiquier de Rouen

Lieu de conservation: original perdu (jadis Archives de l'Eure, fonds de l'abbaye de la La Trinité de Caen)

Édition antérieure: Delisle, 1904, Recueil des Historiens des Gaules et de la France, t. XXIV, p. 351.

1 À touz ceus qui ces presentes lettres verront, 2 li baillis de Roem saluz. 3 Comme dames religieuses l'abbesse et le convent de Caem deissent et proposassent que eles avoient un bos qui estoit appelez le Bois Pesson, contenant entour .II. acres, lequel bois avoit esté semé, si comme elles affermoient, en la parroche de Fouleboc ^[i], 4 par coi eles disoient et maintenoient que eles le pooient vendre sanz tierz et sanz dangier, laquel chose la gent le roy leur empeschoient. 5 Tesmoinz amenez seur ce de la partie ausdites religieuses à prouver leur entente, diligemment oïz et examinez par la gent le roy, et les depositions des devant diz tesmoinz rapportez devant hommes honnorables les maistres de l'Eschequier de Roem et oïes diligemment, et les raisons de la gent le roy et desdites religieuses entendues, 6 il fu acordé et prononcié par jugement par les maistres dessus diz que lesdites religieuses avoient bien prouvee leur entente et que eles pooient bien vendre ledit bois sans tierz et sanz dangier. 7 En tesmoing de laquel chose, nous, par le commandement des maistres dessus diz, avons baillié ausdites religieuses ces lettres seelees du seel de la baillie de Roem sauf le droit d'autrui. 8 Ce fu fait en l'an de grace .M. .CC. quatre-vinz et sept, en l'Eschequier de Pasques.

Notes linguistiques
^[i] Delisle (Recueil..., p. 351) identifie Foulbec (Eure, cant. Beuzeville).