Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : Ch. de Beaurepaire

docNorm066

1287

Type de document: charte: vente

Objet: Acte de vente passé devant le vicomte d'Avranches: Henri le Bonoor vend à Robert Reimbaud, prêtre, et aux religieux de la Maison-Dieu de Pont-sous-Avranches toutes ses dîmes de blé au Mesnil et une terre, ainsi que les redevances que devait Guillaume, le fils de Reg. du Tertre, pour cette terre.

Auteur: vicomte d'Avranches

Disposant: Henri le Bonoor, prêtre

Sceau: auteur; Henri le Bonoor

Bénéficiaire: Robert Reimbaut, prêtre; les religieux de la Maison-Dieu de Pont-sous-Avranches

Support: sceaux perdus

Lieu de conservation: original perdu (jadis Archives de l'Hospice)

Édition antérieure: de Beaurepaire, 1858, Notice sur l'Hospice d'Avranches, p. 86-7.

1 À touz ceus qui ces presentes letres verront et orront, 2 le visconte d'Avrenches, saluz. 3 Sachent tous que Henry le Bonoor prestre reconut par devant nos 4 que il aveit vendu et otrié et de tout en tout delessié à monseignor Robert Reimbaut prestre, procuroor et garde de la Meson Deu de Poonz sous Avrenches, et as freires et as soures de ladite meson, por trente et treis livres de torneis, desquieus ledit Henry se tint por bien paié par devant nos, 5 cil est assavoir tout quanque il aveit et avoir poeit et deveit en la deime des bleiz cressanz et qui desoure$en$avant crestront en tout le heritage audit Henry et à ses heirs au Mesnil Terre en la paroisse de Plom, 6 et quatre perches de terre seantes eu chief deu Champ de la Chatenneree jouste la voie par laquelle l'en veit de la cité d'Avrenches au Parc l'Evesque preis le manoir Geifrei Ascon, 7 et une geline et deix oues de regart chescun an à Noël et à Paques, laqueille geline et lesquieus oues ledit Henry avoit et recevoit ové Guillaume fils Reg. du Tertre en feu de la Bouverie 8 en rendant audit Henri et à ses heirs desdites quatre perches de terre quatre deniers chescun an à la feste saint Michel tant sollement, 9 et porra ledit Henri et ses heirs se la rente ne estoit paiee à ladite feste sus les quatre perches desus dites, feire planiere justise à tenir, à avoir, à receivre et à porseir audit Robert et as freres et as sours franchement, pesiblement, sanz nul reclaim et sanz nul contredit deudit Henri ou de ses heirs desoure$en$avant en nulle maniere. 10 Et est tenu ledit Henri et ses heirs les chouses desus dites asdiz procuroor et freires et sours de la meson desus dite garantir et delivrer et defendre contre touz et en touz leeus, 11 et iceus garder en bonne fay de touz couz et de touz damages et allours eschangier et parfeire en son propre heritage vallue à vallue se mestier esteit. 12 Et que ce seit ferme et estable à fin et à touz jourz, nos avons seellé ces letres en seel de la visconté d'Avrenches oveques le seel audit Henri sauf le dreit le rei et autri. 13 Ce fut feit en l'an de grasce mil .CC. .IIII..XX. et sept, le jeudi emprés Oculi mei.