Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : A. Porée / J. Meierhofer (collation)

docNorm052

1283, 18 novembre

Type de document: charte: vente de rente

Objet: Acte de vente passé devant le bailli de Gisors: Crestien Coeple et Peronele, sa femme, vendent une rente de quatre sous de parisis, sur une maison et ses entours dans la paroisse de Leurleaue, à Nicholas le Boulanger.

Auteur: bailli de Gisors

Disposant: Crestien Coeple et Peronele, sa femme

Sceau: auteur

Bénéficiaire: Nicholas le Boulanger

Support: queue de parchemin; sceau enlevé

Lieu de conservation: AD Eure, 2F2163 n^o3^[a]

Édition antérieure: Porée, 1905, Chartes Normandes du XIII^e et XIV^e Siècle, p. 10-11.

1 À tous ceus qui ces presentes lettres verront et orront, 2 le bally salut. 3 Sachent tous que pardevant nous \2 presens vindrent 4 Crestien Coeple et Perronele sa fame de la paroisse de Leureleaue à chu jour si comme il diso\3ent ^[1] et re[co]nurent ^[2] de leur volenté 5 que il avoent vendu par common acort et delessié du tout \4 en tout et quitié à-tous jours en perdurable heritage 6 à Nichole le Bolengier de la paroisse de Flouri en \5 la forest 7 pour trente sous de parisis paiés devant la mein,//, 8 quatre sous de parisis de rente à paier et \6 à rendre cascun en à la Seint Michel au devant dit ^[3] Nichole et à ses hoirs du devant [dit] ^[4] Crestien et de ses hoirs. \7 9 Et sont assis les quatre sous parisis de rente devant dis en la paroisse de Leureleaue devant dite, seur une \8 meson et seur tout le pourpris, 10 si-comme il se porte en lonc et en-lé, assis entre la masure Johan de Lande \9 d'une part 11 et entre la meson Martine Coepel de l'autre, haboutant au chemin le roi d'un des boz \10 et à-la-terre Lorens Heubert de l'autre,//, 12 à tenir et à avoer et à pour_seoer les devant dis quatre sous \11 de parisis de rente au devant dit Nichole et à ses hoirs, des devant dis Crestien et Perronele et de leur hoirs, \12 bien et en pais, franchement et quitement, sans nul contredit, sans nul reclem des devant dis Crestien \13 et Perronele ne de leur hoirs.//, 13 Et jurerent les devant dis Crestien et Perronele sa fame seur les seint\14es euvangiles que des oremesenavant en la devant dite rente per nule reson, ne de conquest, ne de \15 heritage, ne de douaere, ne de mariage encombré, riens ne reclameront ne-feront reclamer à-autre, \16 n'enpeescheront, ne feront enpeeschier à-autre que le devant dit Nichole et ses hoirs ne puisse \17 fere sa volenté des devant dis quatre sous de rente comme de son propre heritage,/· 14 ne molesteront, ne \18 feront molester à autre n'en-court laé, n'en-court de seinte crestienté, 15 enchois seront tenus les \19 devant dis Crestien et Perronele sa ^[5] fame la devant dite rente au devant dit Nichole et à ses \20 hoirs, à garantir contre tous 16 ou à eschangier value à value, en leur ^[6] propre heritage, \21 17 et obligerent quant à chen les devant dis Crestien et Perronele sa fame leur cors et leur \22 hoirs et tous leur biens moebles et non moebles, presens et avenir, en contre_plege.//, 18 En-tes\23moig de la_quel chose, sauf le droit le roi et l'autrui, nous avons à la requeste des parties \24 seellees ces letres du seel de la ballye de Gisors.//, 19 Ce fu fet en l'en de grace · mil · deuz cens · \25 [quatre]-vinz · trois, le juedi des octaves seint Martin, en yver, ou mois de novembre.

Notes de fiche
^[a] Source des images: Arch. dép. Eure, 2F2163

Notes de transcription
^[1] Le texte porte diso/soent.
^[2] Ms.: renure(n)t.
^[3] Ms.: ditajouté en interligne.
^[4] Ms.: il manque le mot dit.
^[5] Le mot saest répété.
^[6] Lecture douteuse: leurou lour.