|
Documents linguistiques galloromans docNorm0491283, 1 mars (n. st.) Type de document: charte: rente Objet: Le bailli de Caen assigne une rente annuelle de douze boisseaux de froment aux religieux du couvent de Sainte-Trinité de La Luzerne. Auteur: bailli de Caen Disposant: auteur Sceau: auteur Bénéficiaire: l'abbaye de Sainte-Trinité de la Luzerne Support: sceau absent Lieu de conservation: original perdu Édition antérieure: Dubosc, 1878, 2 À touz ceus qui ces presentes letres verront, 3 le baillif de Caen saluz. 4 Sachiez que nos, por nostre sire le roy, 5 avon finé à l'abé et au covent de Seinte Trinité de la Luserne 6 de douze boisseaux de forment d'anuel rente, à la mesure de chasteau de Vire, 7 lesquiex Richart Tyrel prestre et Guillame Tyrel prestre lor donerent et aumosnerent en l'an mil deus cens sessante dis et noef à prendre chascun an en la parroisse de Clinchamp, eu fieu de la Mellotiere sus terres plusors qui sont especefiees 8 en la letre que l'abé et le covent ont des devandiz prestres deu don devandit por seissante souz de tournois. 9 En tesmoin de laquel chose, nos lor avon donees ces letres seellees dou seel de la baillie de Caen sauve la droiture le roy et d'autri. 10 Ce fu fet l'an de grace mil deus cens quatre-vinz et deus, le premier jor de marz. |
|