[vers une autre interface]
|
Téléchargement du document fichier xml fichier pdf |
Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : F. Dubosc
docNorm025
1272, novembre
Type de document: charte: échange d'une terre
Objet: Comme la pièce de terre promise aux religieux de Montmorel par Pierre Bretel ne leur a pas été donnée (cf. docNorm024), celui-ci consentit à leur donner deux pièces de terre en guise de substitution.
Auteur: bailli du Cotentin
Disposant: Pierre Bretel
Sceau: auteur; Pierre Bretel
Bénéficiaire: l'abbaye de Montmorel
Support: sceau absent
Lieu de conservation: original perdu
Édition antérieure: Dubosc, 1878,
2 À toz ceux qui sont et qui à venir sont qui ces presentes letres verront et orront, 3 le ballif de Costentin saluz. 4 Come Perres [1] Bretel de la parroisse de Lolif, eust vendu et otrié 5 à religious homes et honestes l'abé et le covent de Montmorel de la dyocese de Avrenches, 6 une piece de terre assise en la parroisse devant dite 7 et ledit Perres se fust tenu del pris por paié entierement que ladite piece de terre fut vendue, 8 laquele piece de terre est apelee le Clos de Sus le Valet; 9 et come ladite piece de terre fust emcobree, empeeschié et obligee par devant es letres nostre saignor li reis et ainceis que ladite vente fust fete ne obligee et otriee asdiz religious, 10 ledit Perres requenut par devant nos que il avoit ballié, otrié et delessié asdiz religious por ladite piece de terre en eschange doux pieces de terre assises en ladite parroisse de Lolif el feu asdiz religious, 11 desqueles doux pieces de terre devant dites l'une contient demee acre de terre, set perches mains et est apelee le champ del Hous, et joint de un costé à la terre à la fame au Paintor et de l'antre costé à la terre Guillaume Bretel; 12 l'autre piece de terre contient une vergiee et set perches et est assise el champ de Soz le Fossé entre Lorenz Bretel de une partie et la terre à icelui Perres Bretel de autre partie et à Guillaume Belin; 13 à tenir et à porsaier les deux pieces de terre asdiz relegious et à lors successors franchement et quitement sanz rente, sanz regart et sanz autre obeissance autressi come il devoient le Clos de Sus le Valet, delquel clos il fist asdiz religios les letres nostre saignor li reis; 14 et ledit Pierres [2] et ses hers sont tenus garanter et defendre les doux pieces de terre asdiz religious et à lor successors et tenir franches si come il est dit par devant et servir et aquiter de totes choses vers toz saignors. 15 Et que ce soit ferme et estable, nos avon seelé cestes presentes letres el seel nostre saignor li rois de la ballie de Costentin et ledit Perres el son seel por confermer son fet sauve la droiture nostre saignor li rois et autres en totes choses. 16 Ce fut fet en l'an de grace mil et doux cenz et sexante et doze, el mois de novembre.
Notes de transcription
[1]
[2]
