Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : L. Delisle / J. Meierhofer (collation)

docNorm021

1271, 31 mars (n. st.)

Type de document: charte: quittance

Objet: Quittance, rédigée au nom du bailli de Rouen, touchant des sommes d'argent payées par l'abbaye du Bec à Jean de Caudecote ou pour le compte de celui-ci.

Auteur: bailli de Rouen

Disposant: Jean de Caudecote

Sceau: baillie du Pont-Audemer

Bénéficiaire: Richard du Chevan; Henriot du Bois Renaut

Autres Acteurs: frère Jean Bernay de l'abbaye du Bec-Hellouin

Scribe: sceau de la baillie du Pont-Audemer

Lieu de conservation: BnF, ms. NAL 1771 (Fragments du Cartulaire du Bec-Hellouin), feuillet jadis coté 165v, pièce n^o23 (du Titulus de Boysseyo)

Édition antérieure: Delisle, 1904, Recueil des Historiens des Gaules et de la France, t. XXIV, p. 334.

1 À toz ceus qui ces presentes letres verront, le baillif de Roen saluz. 2 Sachiez que par-devant nos fu present Johan de Caudecote, 3 qui se consenti que homes relegious l'abé et le couvent du Bec Helluin et ensement frere Johen de Bernay justisier du Bec, 4 paiassent por celui Jehan à Richart du Chevan 5 dis livres tornois por fin des ennees de terre que ledit Richart sus un heritage que ledit Johan vendi à mestre Raul la Guerne; 6 et seissante souz à Henriot du Bois Renout, por un cheval qui fu vendu por le plegage que li pere dudit Henriot fist vers la Gordele du Pont Audemer por ledit Johen; 7 et por les amendes le roi quarante souz; 8 et diz livres au devant dit Johen de Caudecote; desquieus deniers icelui Jehen se tint par devant nos bien por paié. 9 El tesmoing de laquele chose, nos avons mis le seel de la baillie du Pont Audemer en ceste letre à la requeste des parties. 10 Ce fu doné l'en de grace .M. .CC. seissante dis, le mardi aprés Pasque florie.