Téléchargement du document

Documents linguistiques galloromans
Corpus : (docNorm)
Responsable du corpus : M. Glessgen
Édition de la charte : A. Barabé

docNorm007

1254, octobre

Type de document: charte: reconnaissance de dette

Objet: Simon Fresnel de la paroisse de Hauville reconnaît une dette envers la dame Laurence, qui lui a vendu du vin. Il promet que, au cas où il ne la paierait pas jusqu'à la Chandeleur, il lui donnera une pièce de terre.

Auteur: Simon Fresnel

Disposant: auteur

Sceau: auteur

Bénéficiaire: Laurence, femme de feu Pierre Inax

Autres Acteurs: témoins: Willelme le Moine; Willelme Goubert; Willelme le Forestier du Lendin; Robert le Fraucheis; Renolt le Clerc

Support: sceau détaché

Lieu de conservation: original perdu (jadis Hauville, fond de Jumiéges)

Édition antérieure: Barabé, 1863, Recherches Historiques sur le tabellionage royal, principalement en Normandie..., p. 313-4.

1 Sachent tous ces qui ses presentes lettres verront et orrunt, 2 qui je Symon Fresnel de la paroisse de Hauville doi 3 à dame Lorenche qui fu fame Pierres Inax de Caudebec 4 .C. et .X. s. de torneis de vins qu'elle m'a vendus et livrés à Caudebec 5 de quoi je me tieng bien à paié, 6 à rendre à li ou à son commandement qui ces lettres aportera à Caudebec à la Candelor 7 par et tel maniere que se je ou mon commandement ne li rendion à ceste prouchene feste notre Dame Candelor, 8 je lor oblige une pieche de ma terre asize en la paroisse de Hauville entre la terre Ricart Pinchon d'une partie et la terre Robert Ballol d'autre partie, abotant à kemin le rei et à mon masage d'autre partie, 9 aprés le devant dit terme à fere tote lor volenté ou de vendre ou d'engagié si comme de lor propre heritage, 10 salve la rente as chiers seignors se les devans dis .C. et .X. s. de torneis ne lor estoient rendus au devant dit terme. 11 Et je Symon Fresnel n'en poon ne mon commandement ne poon aler encontre par privilege de crois prinse ne à prendre ne promis autre franchise. 12 Et à tesmoing de verité, je Symon Fresnel à ladite Lorenche ay donees ces letres pendans seelees de mon seel 13 qui furent escrites à Caudebec l'en de grace mil .CC. et .LIIII. et mois de optembre. 14 Tesmoins ices: Willelme le Moigne, Willelme Goubert, Willelme le Forestier du Lendin, Robert le Francheis et Renolt le Clere.