Téléchargement du document

Documents linguistiques galloromans
Corpus : chartes de Saône-et-Loire (chSL)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chSL 019

Avril 1284

Type de document: charte: hommage

Objet: [1s.] L'auteur, Renaud de Marcigny, reconnaît [4s.] que comme il était devenu, des années auparavant, vassal du prieuré de Marcigny, ses biens et terres appartiennent désormais au prieuré, [7] lui recevant tous les ans un muid de froment de la part du prieuré. [8s.] Il énumère les terres qu'il a acquises depuis au nom du prieuré [20s.] et qui appartiennent à ce-dernier. [23s.] Renaud de Marcigny les tient en fief à vie, [25s.] mais tous ces biens, et ceux qu'il acquerira encore, reviendront au prieuré de Marcigny après sa mort. [28s.] L'auteur certifie reconnaître cet arrangement et s'engage à le respecter et à renoncer à tous les recours possibles. [34] Pour témoigner de cela, il a fait apposer le sceau du duc de Bourgogne, [35s.] en présence de plusieurs témoins, [37] en avril 1284.

Auteur: Renaud de Marcigny

Sceau: Sceau du duc de Bourgogne

Bénéficiaire: Le prieuré de Marcigny

Autres Acteurs: Guillaume de Victel, notaire de la cour; Guillaume, curé de Mollier; Huguenin Johelat; Gérard de Marcigny; Bonot Bricin, clerc; Bertier Belouse de Marcigny

Support: Original parchemin jadis scellé

Lieu de conservation: AD SL H 116, n°25

1 A touz ces qui verront et orront ces presentes letres: 2 Gie Renauz de Marcilley soz Tyl en Aisoys diz Fereaus, 3 fais savoir 4 que cum gie et \2 Marie ma famme nous fussiens doné et otroyé cai-en-aries nous et noz choses et noz bienss 5 au prioré de Marcigney soz Til en nun de l'abaie de Seint \3 Perre de Chalon 6 et nous hayens heu et receu dou dit prioré de Marcigne des lou temps que nous fumes rendu tant que à-la confection de ces presentes \4 letres 7 chascun an un mui de froment à-la mesure de Prissi soz Tyl, 8 et nous haiens acquis ou non dou dit prioré de la licence et de l'especial comandement des priors \5 dou dit leu les choses ci desoz contenues:; 9 C'est à-savoir une piece de pré daries la maison qui est apelee Unde Liose.· 10 Item does soitures de pré assises ou finaige de \6 Marcigney,· qui est apele pré Crueri et apartient à mon seignour Horri de Brullat, provoire.· 11 Item does soitures de pré assises ou devant dit pré de Crueri selonc \7 les autres does soitures,· des quels dites les quels gie acquis de Guar lou clorc.· 12 Item does soitures de pré assises ou dit pré Crueri qui apartent au pré Elyot Grimam \8 et à Jehannot Parisot de Marcigney· et à Chalandre.· 13 Item une autre soiture de pré Crueri selonc lou pré que gie acquis dou dit Guar lou clorc.· 14 Item troys \9 soitures de pré assises selonc lou pré es moines entre does aigues.· 15 Item lou mex assis en la dite ville de Marcigne entre lou mex dou prioré de Marcigney et \10 lou mex Elyot desus dit.· 16 Item une piece de terre qui contient sept jornaus de terre assise entre la terre Landri de Broyes dit Marie· et la terre au gendre Renaut \11 lou Baul de Broyes.· 17 Item une piece de terre assise ou Cray· selonc la fontaine des Moilles qui contient. cinc. jornaus de terre et est assise selonc la terre Jehan Bone \12 de Marcigne· et selonc la terre dou dit prioré de Marcigney.· 18 Item un jornal de terre assis ou champ qui est apelez champ Neel,· selonc la terre dou dit Elyot· et selonc \13 la terre dou dit prioré· de Marcigney.· 19 Item. cinc. jornaus de terre assis ou dit terraige de Marcigney· qui est apelez en Chenin.· 20 Gie Renauz desus diz, donez et renduz \14 au dit prioré de Marcigney ensamble touz mes biens mobles et non mobles, presenz et à-venir,· de ma propre volunté, 21 et de ma certaine science recognoys et confesse \15 que li mex,· li pré et les terres desus dites, enssi comme eles sunt desus notefiés et devisiés, apartienent au droit et à la proprieté dou dit prioré de Marcigney,· 22 et sunt dou dit \16 prioré· et acquises des biens dou dit prioré enssi comme il est desus dit.· 23 Et les tyens et posside à ma vie, tant solement de la volunté, de la licence et de l'especial comandement \17 des religious hommes de l'abbé· et dou covent de Seint Perre de Chalon, por la raison dou dit prioré de Marcigney,· 24 et ces choses enssi comme eles sunt desus dites et devisiés, \18 gie tyen et posside dou dit prioré en tel condition 25 que apres mon decest, eles demoront et reviandront quittes et delivrés senz nul contredit au dit prioré come lor \19 propres choses et come celes qui lor sunt, 26 et les porront prande de lor propre auctorité ensamble touz mes biens quelcunques il soyent, 27 et ensamble les choses toutes \20 que gie· acquerra des or en avant.· 28 Toutes ces choses enssi comme eles sunt desus dites; gie cogneys estre veraes 29 et les promet par mon sairement doné corporelment \21 sus seintes Evvangiles de Deu tenir et garder senz corrumpre et senz aler encontre en quelcumque maniere, 30 et renoncoys en ce fait de certaine science à \22 toutes actions, à toutes allegacions, à toutes raisons de droit et de fait, à toute excepcion de barat, à toute deception, à toute haide de droit de canon et \23 de loi,· escrit et non escrit, au droit disant general· renunciacion neant valoir· 31 et trainchiement à toutes choses par quoi l'on porroit aler encontre les choses \24 desus dites, ou encontre aucune,· ou encontre ces presentes letres, 32 et woil et otroy estre controinz par la court mon seignour lou duc de Borgoigne aussi come de \25 chose cognue et jugiee en la dite court, 33 à cui jurisdicion gie obligois et soymet quant à ceu moi et mes hoirs et touz mes biens à tenir et à garder les choses \26 desus dites.· 34 En tesmoinaige et en fermeté des choses desus dites, gie hai prié et fait metre en ces presentes letres lou seaul de la dite court.· 35 C'est fait \27 en presence de Guillaume de Victel notaire de la dite court,· mon seignour Guillaume curé de Mollier en chapele,· Huguenin Johelat escuier,· Girar de Marcig\28ne clorc, Bonot Britin de Semar et de Bertier Belouse de Marcigney,· 36 qui furent apelé por tesmoingnier ces choses desus dites,· 37 en l'an de grace. mil dous cenz· \29 quatre_vinz et quatre., au moys de avril.·