Téléchargement du document

Documents linguistiques galloromans
Corpus : (docArles)
Responsable du corpus : Martin Glessgen
Édition de la charte : Marie Rose Bonnet

docArles084

1519.

Type de document: Lettre.

Objet: Lettre de récrimination à cause d'un héritage.

Support: Deux feuillets.

Lieu de conservation: Fonds Patrimoniaux de la Médiathèque d'Arles, ms. 883, lettre 182.

1 Coma sie ensins que fossa moguda question et plus granda se esperesse a l'avenir entre las honestas femas Raymunda, Anneta et Catharina Robina, filhas de mestre Micheau Robin, mercier, et Mathona Ginella que Dieus perdon d'una part et Janon et Glaudon Robin ses frayres filz desd. Micheau Robin et Marthona Ginelle et heretiers d'aquella fa deffendent de l'autra part et so es a causa que lasdictas Raymunda, Anneta et Catharina Robina disien non estre estadas dotadas segont la capacitat des bens desd. Micheau Robin et Martona leur mayre, mes disien que devien aver leur legitima ou supplement d'aquella tant des bens paternalz et maternals et alitivo. Et plus desien que losd. frayres devien estre tengus a donar a lad. Raymunda florins saysante per roleguat fach a lad. Raymunda per le donar a Catharina Ginella tanta de lad. Marthona ^[1] deffalcat so que legitimament appareyserie ne aver ressauput. Et a lad. Anneta florins sequante et a lad. Catharina florins sequante per los legas anse a ellas fachs e-l darrier testiment de lad. dona Catharina Gynella deffalcat coma dessus so que appareycerie ellas n'avie legitimament ressauput. Et velent entre plus grand proces que s'e porrie ensergir ajon lasd. partidas compromes en nons Piero Bellet per la part de lasd. sorres et Johan Camaret lo vielh per la part desd. frayres et Guilhen Merguet per tercier coma costa delz compromes nota ressaupuda per la mans de mestre Johannes Fancherii notary et mestre Durant Rives notaris d'Arles sus l'an et jort en aquellos contengus. Et nous susdis comprimissaris arbitres, arbitradors et amicables composidors tractadors pas et concordia desiderant metre pas prosertin entre frayres et sorres entre losqualz non esta ben question ny plach, aven ben et degudament entendut lo drech d'una partida et d'autra a valuat los bens tant paternalz, maternalz, fraternalz et avenir desd. enfantz ^[2] et aven dediech las chausas desd. bens. Et tout ben calculat segons Dieus et nostras consencias non declinant plus a una partida que l'autra laudan, sentencian et ordenan en la forma que s'en sec.
2 Et prima vistas las quictansas fachas asd. frayres per lad. Raymunda et las somas lasquallas ja a ressauput desd. frayres ordenen, sentencian et declaran que losd. frayres sien tengus et dejen donar a lad. Raymunda per tous et chascuns drechs losqualz de present competisson ou per lo temps avenir […] competir en que sie tant per drech de succession legitima particular que per cange et que autre drech que sie reservat sintessan per intestate tant sus los bens paternalz, maternals, fraternalz et avenirs onte que sien ny poyrien estre se es florins quarante moneda corrent en en Provensa pagadors en la forma que s'en sec. So es a la festa de Calenas prochanament venent florins vint et de lasditas calenas en ung an prochanament venent florins des et deldit an en ung autre an prochanament venent lous restans florins des.
3 Item […] avers vist so que ladita Anneta n'a ressauput desdits drechs, ordenam que losdits frayres per tous lous drechs que dessus dejon donar a ladita Anneta so es florins saysanta en la forma que s'en sec. So es encontenent publicada aquesto present nostra sentencia florins sieys grosses .VIII. et des se a la festa de Pasquas prochanament venent florins des et de lasditas Pasques en ung an prochan florins vinct et ung grosses .VIII. et lous autres restans florins ^[3] .XXI. gros .VIII. de lasditas Pasques en ung autre an […] prochanament venent.
4 Item […] aver vist so que ja a ressauput ladita Catharina per losdits drechs ordenan et sentencian que losdits frayres sien tengus de donar et ben […] a ladita Catharina outra so que ja n'a ressauput so es la soma de florins saysanta moneda corrent pagadors en la forma que s'ensec. So es a la festa de Calenas prochanament venent florins des et de lasditas Calenas en ung an prochanament venent florins .XXV. et deldit an en ung an prochanament venent lous restans florins .XXV..
5 Item ordenam que moyenent lasdictas somes et aquellas a lasdictas filhas ben salvas et seguons sien tengudas et dejan lasdictas Raymunda, Anneta et Catharina et chascunas d'elas en sont en quant que a chascuna expecta ambe licensa de leurs maris quictar, redre, remetre et desamparar asdicts frayres tous lous drechs et actions realas et personalas et toutas quantas et quallas an ny per lo temps advenir porrien aver tant en lous bens paternalz, maternalz, fraternalz et avenir desdits frayres tant per drech de partage que per drech de successopn et legitima particular et per que autre drech que sie et a qui en bona forma.
6 Item nous reservam la declaration de tous los doptes que porrien sortir de ladicta present nostra sentencia. Et aquesta es nostra sentencia et laus arbitral laqual […] aven fach et present justa Dieus et nostras consencias nous retenent per nostros esportulas ung escut sie per chascun de nous laqual sentencia avec fach escrieure per man d'autruy et aquella sota senhada de nostras mans proprias l'an mil .Vc. et .XIX. et lo .X. de dezembre.
7 Item ordenam que lasdictas partidas partidas de las ratifficar la present nostra sentencia denfre tres jors prochans sus la pena contenguda en lodit compromes.
8 Ita est Guylhem Morguet ^[4].

Notes de transcription
^[1] esdonagrandesd. enfansbarré.
^[2] Les quatre mots suivants sont barrés.
^[3] XXVbarré.
^[4] Robin, en écriture contemporaine.