Téléchargement du document

Documents linguistiques galloromans
Corpus : chartes de Saône-et-Loire (chSL)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chSL 014

Le lundi après la quinzaine de la Chandeleur 1280 [n. st.]

Type de document: charte: arbitrage

Objet: [1s.] Le bailli de Dijon fait part de son arbitrage [4] dans le différend opposant Guillemin, forestier d'Argille à frère Nicolas de Saint-Bénigne, [5s.] ce premier accusant au nom du duc le prieuré de Palleau de lui devoir encore de l'avoine, [7s.] du temps ou le prieuré ainsi qu'une partie des moissons appartenait au duc Hugues, mort depuis. [9s.] Le prieur dit s'être déjà acquitté de cette dette, [14] ce que Guillemin conteste. [15s.] Après avoir entendu les témoins et les arguments des deux parties, [19] le bailli les convoque à Beaune pour qu'ils entendent le jugement. [20s.] En l'absence de Guillemin, la demande de celui-ci est rejetée.

Auteur: Richard de Montmorot, bailli de Dijon

Sceau: Auteur

Bénéficiaire: Prieuré de Palleau

Autres Acteurs: Guillemin, forestier d'Argille; frère Nicholas, moine de Saint-Bénigne de Dijon, prieur de Palleau

Support: Original parchemin jadis scellé

Lieu de conservation: AD SL H 224, n°6

Verso: Inscription en marge: [à ajouter]

1 Ou non de nostre Seignour amen.· 2 Nos Richars de Montmoret bailliz de Dyjon por noble baron Robert duc de Borgoigne,· 3 facons savoir à toz cels qui verront \2 cels presentes lettres· 4 que cum Guillemins li forestiers d'Argille heust trait en-cort par devant nos frere Nicholar moynne de Saint Benigne de Dyjon et priour \3 dou prioré de Paluaul,· 5 sor ce que li diz Guillemins ou non de mon seignour le duc disoit que mes sires li dux Hugues qui morz est, 6 tenoit le dit prioré \4 à sa vie et de la mooison dou dit prioré que l'on avoit amoisené par plusours annees, 7 au tans dou dit duc Hugon devoit l'on la mooyson d'une annee, \5 dou tans dou dit Hugon jusque à quatre cent et à quatre_vinz bichot d'avoynne,· 8 si requeroit ou non de mon seignour le duc devant dit au dit priour que \6 la dite avoynne li randest.· 9 Li diz priours respondit et dist que il avoit compt au dit Guillemin dou tans qu'il avoit tenu le dit prioré à mooyson au tans dou \7 dit Hugon, duc ce en arriers,· 10 et en avoit satiffié ou fait le gré au dit Guillemin en tel meniere· que compt fait et restraint ciz Guillemins s'estoit tenuz à \8 paiez de la mooison dou dit prioré, 11 dou tans que li diz priours et li autre moynes de Saint Benigne avoient tenu le dit prioré à mooyson au tans dou \9 dit duc Hugon,· 12 et devant nos meismes en jugement s'an estoit tenuz à-paiez li diz Guillemins et en avoit le dit priour quitté, si com li diz priours disoit,· \10 13 por quoy il disoit qu'il n'estoit pas tenuz de paier l'avoynne devant dite.· 14 Les quex choses li diz Guillemins mist en ni.· 15 Et li diz priours à-prouver \11 santancion amena plusours tesmoinz.· 16 Les quex tesmoinz· recehuz,· jurez,· diligemment examinez· et lor attestacions publiees,· 17 oyés les raisons que li diz Guillemins \12 mist en contre et les raisons de l'autre partie, 18 et tot ce que les parties vossirent dire et mettre avant,· plusours jors assignez à oir droit sor les dittes \13 choses.· 19 A-la-par_fin le lundi apres la quinzainne de la Chandeleur assigné es dites parties par devant nos à Beaune à oir droit transchiement.· 20 Celuy jor le dit priour \14 present par devant nos et demandanz droit le dit Guillemin deffaillant par contumace.· 21 Nos le procex de la besoigne vehu et diligemment regardé \15 la contumace dou dit Guillemin tenanz par presente por la deu replecion,· 22 pronuncons et à droit que li diz priours ha soffisamment prouvé santancion,· \16 23 por quoi nos par diffinitive santance absoillons le dit priour et le dit prioré de la demande dou dit Guillemin.· 24 En tesmoing de ces choses \17 nos havons mis nostre seaul en ces lettres.· 25 C'est fait et donné l'an de grace ·M·CC· LXXIX·//, le lundi dessus dit.·