Téléchargement du document

Documents linguistiques galloromans
Corpus : (docArles)
Responsable du corpus : Martin Glessgen
Édition de la charte : Marie Rose Bonnet

docArles039

1472.

Type de document: Dettes et redevances.

Objet: Dettes et redevances d'un particulier.

Support: Support papier, 20 x 20; assez bon état.

Lieu de conservation: Fonds Patrimoniaux de la Médiathèque d'Arles, ms. 1566, ff^o 2r^o à 5v^o. Don du Roure, concernant la famille Leotaud.

Édition antérieure: Bonnet, Marie Rose, 2015, «Quelques documents arlésiens médiévaux», Revue d'Études d'Oc, Éditions de textes, intertextualité, données historiques, onomastique. Centre de recherches Prefics-Dynaddilif, Université Rennes 2, n^o 160.

1 Christi nomine invocato davan nous Guilhem Bernard et Guilhem Yot, \2 arbitres arbitradors et de pas et bona concordia amycables \3 conpositours et tractatours per las honestas personnas Guilhaumet \4 Lhautaut demandant d'una part, et Bertran Lhautaut, \5 nebot dau-dich Guilhaumet deffendent d'autra part comul\6nament eslegis vistas ambe diligencia, lacalla si a\7partem las demandas, excepcions et duplicacions fachas \8 per las dichas partidas davant nous. Et aquellas dichas \9 partidas ausidas en lur drech et tout cant que an \10 volgut dire, alegar, produyre et prepausar l'una partida \11 a-l'autra, et l'autra a-l'autra justa la poysansa a-nous donada \12 per las dichas partidas donada en lo compromes per elas fach \13 per la man de mestre Johannes de Rino, non plus declinant \14 a destre que a senestre per aquesta nostra sentencia, ordenansa \15 et laux, pronuncyam, ordenam et sentenciam en la forma \16 et maniera que s'en sec.
2 \17 Et promierament nous a aparegut per los contes a nos balhas \18 per lo sobre dich Guilhaumet estre atengut au sobre dich \19 Bertran en la somma de trenta fl., los cals avien ystas \20 judicas au-dich Bertran per una sentencia arbitrala \21 donada e profferida per los nobles et circunspetz \22 hommes mes^rs Bertran Fournatores et mes^r Johan Baston \23 coma d'aquo plus largament si conten en la dicta sentencia \24 et instrument fach per la man de mestre Arnault de la \25 Croux soubz l'an et lo jourt en aquel contengut, la-cal \26 somma de .XXX. fl. lo sobre dich Guilhaumet devie pagar \27 au sobre dich Bertran a la festa de Sant Miquel apres \28 venent et aquo per la resta et compliment de quaranta \29 et dos fl. que lod. Guilhaumet era tengut audich Bertran.
3 \30 Item plus atroban lod. Guilhaumet estre atengut au sobre \31 dich Bertran per lo carton de las terras aud. Bertran \32 ajudicadas per los sobre-dichs compromissans, et aquo de \33 l'an mil .IIIIcLXX., en lascals terras troban aver agut \34 trenta e nou saumadas de bon blat dont estre rebatut \35 egas et deyme, ven a la part daud. Bertran et per son \36 carton nou saumadas de blat, las cals per adoncas troban \37 que foron apreciadas a vint e dos g. per chascuna \38 saumada que ven en somma sege fl. siex gros.
4 \39 Item plus atroban aver resauput ^[1] sobre dich Guilhaumet, \40 en l'an .LXXI., lo carton dau-blat de la terra dau-sobre dich \41 Bertran au luoc dich de la cabana, en lacalla atrobam \42 per los contes dau-dich Guilhaumet aver agut huech saumadas \43 de bon blat que ven au carton daud. Bertran doas \44 saumadas de blat, las cals per adoncas foron apreciadas \45 a vint e dos g. per chascuna saumada que ven en somma \46 tres florins e un gros.
5 \47 Item plus atrobam lo sobre-dich Guilhaumet aver \48 resauput en l'an sobre dich .LXXI. per lod. Bertram, et per las \49 mans de Peyron Berenguier la mitat de la gausida de \50 la grant terra daud. Bertram pausada desus sant \51 Aravan, tenent ambe la levada, las cals avien semenat \52 lo sobre dich Berenguiers, rebatut egas et deyme, es \53 vengut a la part daud. Bertran des e set saumadas \54 de bon blat, lascals per adoncas foron apreciadas a \55 vint e dos g. per chascuna saumada que ven en somma \56 trenta ung fl. dos g..
6 \57 Item plus atrobam lo-sobre-dich Guilhaumet aver resauput \58 dau-sobre dich Bertran en lod. an .LXXI. et per las mans de \59 Yvonet lo penchinayre ung fl..
7 \60 Item plus atrobam lo-soubre-dich Guilhaumet aver resauput \61 en l'an mil .IIIIcLXXII. dau-sobre dich Bertran quaranta fl., \62 et aquo de la somma de hutanta fl. que lo-dich Bertran avie \63 empruntat de mes^r Jaco Grilhou en los cals hutanta fl. \64 eran conpres una mulla per lo pres de trenta fl..
8 \65 Item plus atrobam lo-sobre-dich Guilhaumet aver resauput \66 dau-sobre dich Bertran en l'an sobre dich .LXXII., et per las \67 mans de dona Peyrona, laysada de Pascal Serem, \68 des e nou saumadas de bon blat, et aquo per la renda \69 de l'an sobre dich de las terras dau-dich Bertran desus desinadas \70 las cals .XIX. saumadas per adoncas foron apreciadas \71 a dos florins per chascuna saumada, que es en soma trenta e huech \72 florins.
9 \73 Item plus atrobam aver resauput lo sobre dich Guilhaumet \74 per lo-dich Bertram tant de l'an .LXXI. que de l'an .LXXII. la gausida \75 de doas vinhas, l'una pausada a sant Victour, et l'autra \76 en campanhas, una vouta e .XIIII. banastons de frucha, \77 los cals an ystas estimas a .XIIII. baraux de vin, loscals \78 .XIIII. baraulx per adoncas foram aprecias a tres florins e siex g..
10 \79 Et per ainsins troban que lod. Guilhaumet Lhautaut \80 a resauput daud. Bertran, comma apareys per las sommas \81 avant scriptas en somma universal, cent saytanta tres fl. \82 des gros.
11 Et ausi parelhament aven avissat per los contes dau-dich \83 Guilhaumet a nos balhas de l'argent e sommas per lod. \84 Guilhaumet pagadas per lo-dich Bertram, tant aud. Bertran \85 que a autres, las cals particularitas son ystadas mostradas \86 aud. Bertram, lascals lod. Bertram aquellas a aprobadas \87 et confermadas per davant nos, lascals particularitas \88 an ystadas per nos palpadas et calculadas ainsins comma \89 si apartem compres ausi en aquestas sommas la demanda \90 que fa lod. Guilhaumet aud. Bertram de la despensa de \91 .III. ans dis l'aver noyrit ^[2], en lascals demanda trenta e siex ducas \92 et per so que nos sen informat si lod. Bertran a ystat en l'ostal \93 daud. Guilhaumet durant lo-dich temps la dicta somma \94 aven amasigada et aquella reducha a la somma de \95 quinze fl.. Et las autras sommas que lod. Guilhaumet \96 a pagadas per lod. Bertran remontan en somma universal ^[3] cent noranta huech fl. \97 quatre gros et per ainsins somma tout en soma \98 universal, compres los quinze fl. desus mensionas, \99 la somma de dos cens trege fl. quatre gros.
12 \100 Et per ainsins atroban per los contes de las dichas partidas \101 que lod. Guilhaumet a plus despendut que de resauput, \102 aver contat et rebatut toutas causas inclussas tant \103 per argent balhat aud. Bertram que a autres durant l'a\104mynistration que lod. Guilhaumet amenistrat per lod. Bertran, \105 per lacal mynistration et contes es ystat moguda question \106 entre las dichas partidas que si monta plus lo pagat \107 que lo resauput, inclusa la despensa que a facha lod. Bertran \108 en la meyson daud. Guilhaumet, en somma universal sincanta \109 fl. dos g..
13 \110 Laqual somma desus dicha de sincanta fl. dos gros, \111 los cals troban ^[4] lod. Guilhaumet aver plus \112 pagat que resauput, ordenam, pronuncyam, sentencyam \113 et declaram per aquesta nostra present sentencya arbitral ^[5] et laux que lod. \114 Bertran sie tengut et deia pagar au-sobre dich Guilhaumet \115 ou aux sieux la sobre dicha somma de sincanta fl. \116 dos g. per tal pati et condicion que lod. Guilhaumet non puesca \117 ne vulha lo sobre dich Bertran vexar ne compelir a pagar \118 la sobre-dicha somma de Lta fl. .II. g. per nenguna fason \119 que sie ne per el ne per autre mais que lod. Guilhaumet \120 sie tengut d'atendre et sperar que lo plach et question, \121 local es entre lod. Bertran et Antoni Pinhan d'Arle sie \122 fenit per sentencya defenitiva, et de las sommas que \123 saran ajudicadas aud. Bertran de pagar per lod. Pinhan \124 et de las permyeras que lod. Bertran aja aconsinar en \125 paga aud. Guilhaumet entro a la somma de Lta fl. .II. g. \126 desus mensionas et en cas que lod. Bertran tonbes daud. \127 plach, la dicta somma de .L. f. .II. g. sie tengut e deia \128 pagar au sobre dich Guilhaumet Lhautaut.
14 \129 Item ordenam, pronuncyam, sentencyam e declaram per aquesta \130 nostra present sentencya que lod. Guilhaumet sie atengut \131 et deia de pagar a mes^r Simon Grilho, heretier de \132 messier Jaco Grilho, d'Arle, la somma de quaranta fl. \133 en que lod. Bertran es tengut et oblygat au-sobred. \134 messier Simon, et aquo per resta et compliment de paga \135 de hutanta fl. en que lod. Bertran au sobre-dich \136 Grilho era atengut et d'aquellos sobre dichs \137 .XL. fl. l'en far ystar quicte envers lod. mes^r Simon.
15 \138 Item ordenam, pronuncyam, sentenciam et declaram que lod. \139 Bertran sie tengut et deia pagar au-sobre dich Guilhaumet \140 Lhautaut la sobre dicha somma de quaranta fl. \141 per los termes et solicions que s'en segon et permierament \142 a las meysons prochanament venent vint fl., et \143 aquo de sa gausida dau blat ^[6], la cal lod. Bertran prendra de son \144 fachier de la cal sera atengut de lui donar en\145tro a la montansa dels sobre dichs .XX. f.. Et los \146 autres .XX. f. de las autras meysons apres venent, \147 la cal causa deia far sensa nenguna contradicion.
16 \148 Item ordenam, pronunciam, sentenciam e declaram que lod. \149 Guilhaumet sie tengut et deia balhar, expedir et \150 delieurar au-sobre dich Bertran toutas quitansas \151 que lo-dich Guilhaumet aurie pagat per lod. Bertran, et \152 ausi toux sturmens et scripturas taugentas ^[7] au-dich \153 Bertran, et aquo sens nenguna contradicion.
17 \154 Item plus, ordenam, pronunciam, sentenciam et declaram que \155 lod. Guilhaumet sie atengut et deia balhar, expedir \156 et delieurar au sobre dich Bertran quatre ^[8] vaycels \157 content .XII. baraux la pesa, loscals foron ajudicos \158 aud. Bertram per la sentencia arbitrala donada et \159 preferida per los compromessans \160 avant nomas, et aquo \161 d'aysi a la fin de paga daus quaranta fl..
18 \162 Item plus, ordenam, pronunciam, sentencyam et declaram per \163 aquesta nostra present sentencya arbitral que si aucuni \164 dupte entre las dichas partidas avenie ou ensorgie \165 a causa d'aquesta present sentencia nostra, la decla\166raryen nos retenon d'aysi a ung an prochanament \167 venent.
19 Item plus ordenam, pronunciam, sentenciam e declaram \168 per aquesta nostra present sentencia arbitral que lod. \169 Guilhaumet Lhautaut, tant per el que per lod. Bertran \170 nos deia donar incontinent la nostra sentencya \171 proferida per nostras sportulas, temps perdut e trabalh \172 huech fl., et aquo sus la pena au compromes \173 contenguda.
20 Item plus pronunciam sentenciam et declaram per aquesta \174 present sentencia arbitral que toutas las causas et sigular \175 sobre dichas megansant et fachas sie et estre deia \176 bona pas et concordia entre las dichas partidas, et \177 cesset et cessar deia touta maniera de question \178 et pleydeiarie.
21 \179 Item plus ordenam, pronunciam, sentenciam, et declaram \180 per aquesta nostra arbitral sentencia que las dichas \181 partidas et chascunas d'aquellas deiam ratifficar, \182 aprobar, amologar e confermar nostra dicha \183 sentencia en tout sous caps incontinent que sara proferida ou lur sera intimada ou uradra a lur \184 saupuda, et aquo sus la pena aud. compromes \185 contenguda.
22 \186 Item plus ordenam, pronunciam, sentenciam e declaram \187 que si en cas que lo sobre-dich Simon Grilho avie fach nengunas \188 despensas a causa dau depen desus mencionas de .XL. fl. \189 a el degus, que lod. Bertran sie atengut de los pagar, et \190 aquo sus la pena aud. compromes contenguda.
23 \191 Item plus ordenam, pronunciam, sentenciam et declaram \192 que per tant que nos sobre dich compromessans aven declarat que \193 lod. Guilhaumet sie atengut de nos pagar ^[9] nostras \194 sportulas avant nomadas tant per sa part que per la \195 part dau-dich Bertran, ordenam et sentenciam que la part \196 daud. Bertran que son quatre f. que lod. Bertran sie \197 atengut de pagar aud. Guilhaumet ^[10] et realment despachar d'aysi \198 a las meysons prochanament venent, et aquo sus la \199 pena aud. compromes contenguda.

Notes de transcription
^[1] Ici, lodichbarré sur l'original.
^[2] disl'avernoyritest écrit dans la marge avec un renvoi.
^[3] Le début de la phrase est barré.
^[4] loscalstroban, réécrit et barré.
^[5] Les quelques mots suivants sont barrés et donc illisibles.
^[6] daublatest écrit dans la marge, avec renvoi.
^[7] taugentasest incertain.
^[8] Le quatrea été écrit au-dessus d'un dosbarré.
^[9] Ici, lasbarré.
^[10] Le Guilhaumetest écrit dans l'interligne supérieur.