Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit408

1243, octobre.

Type de document: Charte: engagement

Objet: Marguerite, dame de Rochefort, veuve de Geoffroy, seigneur de Rochefort, s'engage à rendre à merci au comte de Poitou son château de Rochefort.

Support: Charte scellée.

Lieu de conservation: Archives Nationales, J. 192 A, pièce 9.

Édition antérieure: Publiée, Layettes du Trésor des Chartes, t. II, pp. 521-522 (n° 3137).

1 Ge Marguarite, dame de Rochefort, femme jadis fahu Joffrei, sire de Rochefort, 2 fois à ssaver \2 à toz ceaus qui cestes presentes lettres verront e orront 3 que ge ai graé e otreié à mon \3 seignor le comte de Peiters que ge à lui, ou à son comandement qui ses lettres pendanz \4 m'aportera, rendrai e livrerai le chastel de Rochefort, sanz contredit e sanz delaiement, \5 à toz termes que ge en serai requise de mon seignor le comte ou de son especiau comandement \6 qui ses lettres pendanz m'aportera à grant force e à petite. 4 E ai pramis e otreié à mon seig\7nor le comte que ge le davant dit chastel n'enforcerai ne enforcer ne ferai par negune manere \8 sanz la volunté de mon seignor le comte ou de son especiau comandement. 5 E toz icez davant \9 diz convenanz ge ai juré sus le Saint Evangile Nostre Seignor à segre e à tenir ben e leaument. \10 6 Par en som iceu de cez davant diz convenanz segre e tenir, ge ai doné à mon seignor le comte \11 à tenuz e à graeors: 7 Arnaut Aynart e Bernart Chabot, chevalers, Johan Karadou, Joffrei \12 Polain, Alart Trenquart e Aymeri Chabot, provost de Voutron, e Arnaut Willaume, provost \13 de Balon, e Johan de Taunay e Johan Martorger li quau li en sunt por mei tenu. 8 E ge, \14 Arnaut Aynart, e ge, Bernart Chabot, e ge, Johan Karadou, e ge, Joffrei Polain, e ge, \15 Alart Trenquart, e ge, Aymeri Chaboz, e ge, Arnaut Willaume, e ge, J. de Taunay, e ge, \16 J. Martorger, dessus nomé 9 faisum à ssaveir que nos e les noz choses somes tenu à mon seig\17nor le comte de faire li segre e tenir à nostre poeir à la davant dite Marguarite toz \18 les davant diz convenanz, si cum dessus sunt dit e devisé. 10 E si tant esteit chose que ele ne li \19 tenist, nos somes tenu de mettre nos e les noz choses en la bone marci de mon seig\20nor le comte de Peiters dessus nomé. 11 E toz icez convenanz, si cum dessus sunt dit e de\21visé, nos avom juré sus le Saint Evangile Nostre Seignor à segre e à tenir ben e \22 leaument. 12 E ge, Marguarite dessus nomee, fois à ssaveir que, si tant esteit chose que \23 mis sires li seneschaus de Peitou, quant il sera venuz, ne se tenist à paiez de cestes davant \24 dites fiances e de cez davant diz tenuz, 13 ge li dei enforcer à mon poeir de mes homes de ma \25 terre. 14 E si tant esteit chose que il ne se tenist à paiez de ceaus que ge li voudreie doner, ge \26 li dei rendre e livrer le davant dit chastel en celui estement en quei il le m'a livré. 15 E en \27 garantie de ceste chose, 16 nos en avom doné à mon seignor le comte cestes presentes lettres \28 saelees dau saeau à mei Marguarite dessus nomee e dau saeau à mei Bernart Chabot, \29 que nos autres dessus nomé n'aviom point de saeaus. 17 Ceu fut fait l'an de l'incarnacion Jhesu Crist \30 .M.CC. e .XLIII. ou meis d'octobre.