Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit106

1277, février.

Type de document: Charte: transaction

Objet: Transaction entre frère Daniel, abbé de Buzay, de l'ordre de Citeaux du dyocèse de Nantes, et frère Michel de Benays, commandeur du Temple de Nantes, au sujet du droit de bâtir des chambres privées près de la dite abbaye.

Support: Charte autrefois scellée.

Lieu de conservation: Archives Départementales de la Vienne, H³, 764. — Commanderie de Saint-Jean et de Sainte-Catherine de Nantes.

1 À touz ceus qui cestes presentes letres verront ou orront, 2 frere Daniel, abbé par la grace Deu de l'abbaie de Buzay de l'ordre de Cisteaus de \2 la dyocese de Nantes, e tout le convent de celui leu, saluz en Nostre Seignor. 3 Sachent touz 4 que, comme contanz fust entre nous d'une partie, e frere \3 Michel de Benays, lors comandeor dou Temple de Nantes, de l'autre, 5 sus ce que le dit comandeor disoit que ses davanciers e les freres de la \4 meson dou Temple de Nantes, par la reison dou dit Temple, 6 estoient en sesine d'avoir unes chanbres privees seianz sus un mur d'une lor cloison \5 qui est seant par darreres le celier nuef dou Temple de Nantes; 7 e disoit cil comandeor que celes chanbres privees soloient estre tout oultre \6 le mur de cele cloison par devers la place voiant qui est darrieres la meson de nostre dite abbaie, e que en icele place sessesgaient les dites \7 chanbres; 8 e nous contredision à ce. 9 À la parfin, dou conseil de proudes homes, venimes entre nous e le dit comandeor à tel forme de paiz \8 que toutes les foiz que il pleroit au comandeor de la meson dou Temple de Nantes ou à ses freres fere edeffïer chanbres privees, 10 que il les porroient \9 fere edeffïer par dehors le mur qui clot le cymetire dou Temple de Nantes qui est par darriere nostre meson; 11 par tel devis que les dites chanbres \10 n'avront d'espace ne de longor ne de largece par dehors le mur dou dit cymetire envers nostre meson fors nuef piez; 12 e dou dit mur ou \11 soloient les dites chanbres anciennes seoir, en largeor fors nuef piez contre le mur, des coustez des chanbres, qui pas n'est fet en cele me\12sure de nuef piez. 13 E deit estre cil mur fet de chauz e de sablon e de trois piez d'espeisse bon e haut e fort. 14 E est acordé que de nul edefice \13 qui soit fet sus iceles chanbres ou sus les mur de la cloison, ou soloient seoir les anciennes chanbres dou dit Temple, 15 ne doit l'agout cheoir ne de\14corre en la place par darrieres nostre meson, 16 ne nous n'avron nul agout de nul edefice fet ou à fere en cele place sus le muir qui est de la cloison \15 dou dit temple, ou soloient seoir les vielles chanbres, 17 ne sus la place ou doivent estre les chanbres noveles edefïees, ne en la place demorant \16 à nous darrieres nostre meson, 18 sauf les diz nuef piez de large ou puent les diz templiers fere les dites chanbres; 19 ne ne porront ja mes \17 les templiers ne nus de lor comandeor, ne autres por els, nules chouses avoir ne demandier, ne nus agout de nus de lor edefices n'i puent \18 ne ne deivent fere chaoir. 20 E sont tenuz garantir e deffendre de touz e contre touz à nous e à noz moines de la dite abbaie en la dite place \19 darriere lor meson, tant de leu e d'espace come tenoient les chanbres privees anciennes ou tens que eles i estoient, des queles le diz templiers \20 disoient avoir la sesine par davant ceste paiz. 21 E nous somes tenuz garantir e deffendre de touz e contre touz à la meson dou Temple de \21 Nantes e as freres de cele meson les nuef piez de terre davant diz. 22 Ensorquetout nous, por le dit contanz oster, donnames au \22 dit comandeor, par le conseil de proudes homes, vint livres de monoie corant, les queles ot le dit comandeor en deniers contanz de nous. \23 23 E en tesmoig de ceste chose, nous donnames au dit comandeor cestes letres seelees de nostre seau dou quel nous uson solement. \24 24 Ce fut fet et donné ou mois de fevrier en l'an de grace mil e .CC. sexante e seze.