Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit410

1269, 1^er juin.

Type de document: Charte: reconnaissance de dette

Objet: Savari, vicomte de Thouars, reconnaît devoir à Alphonse, comte de Poitiers, la somme de sept mil sept cent cinquante livres pour le rachat de la vicomté de Thouars.

Support: Charte scellée.

Lieu de conservation: Archives Nationales, J. 192 A, pièce 51.

Édition antérieure: Les Layettes du Trésor des Chartes (t. IV, p. 355, n° 5531) donnent une notice de cet acte et indiquent que le contenu est presque identique au précédent (n° 5530) dont le texte se trouve aux pages 354-355.

1 À touz ceus qui cez presentes lestres verront e orront, 2 Savari, vicoens de Thoarz, saluz en Nostre Segneur. 3 Je faz à ssavoir à touz que je doi à tres noble segneur mon \2 segneur Aufonz fiuz de roi de France conte de Poitiers e de Tholose, 4 sept mile sept cenz cinquante livres de la monoie courant de poitevins pour la finance \3 que je e faite o le dit mon segneur le conte seur le rachat de la viconté de Thoarz que il m'a rendue 5 à tenir e à espletier par reson de la succession de feu \4 Renaut, mon frere jadis viconte de Thoarz, selonc la coustume dou païs; 6 la quele some de deniers je sui tenuz e e promis e juré seur Seinz Euvangiles \5 à rendre e poier au dit mon segneur le conte ou à son certein conmandement aus termes ci dessouz escriz tote excepcion e tote dilacion ostees; 7 c'est à ssavoir: trois \6 mile cent livres de la dite monoie courant de poitevins dedenz la feste de la Chandeleur qui vient prochenement 8 e deus mile trois cenz vintecinc livres de la \7 dite monoie dedenz la feste de la Chandeleur prochenement ensivant qui sera en l'an Nostre Segneur mil deus cenz sexante e dis 9 e deus mile trois cenz vintecinc \8 livres de la devant dite monoie dedenz l'autre feste de la Chandeleur qui sera en l'an nostre Segneur mil deus cenz sexante 10 e onze e des diz deniers rendre e poier \9 enterinement aus termes dessus nomez. 11 E de totes les covenances que o le devant dit mon segneur le conte seur ceste chose e faites tenir guarder e acomplir \10 enterinement pour moi e à ma requeste envers le dit mon segneur le conte, se sont establi pleiges e principaus deteeurs, chascun pour tout: mis sires Sabranz \11 Chaboz e mis sires Geffroiz de Chauceroie, chevalier. 12 E sui tenuz e e promis par le serement devant dit à donner en Poitou au seneschal de Poitou en non dou \12 dit mon segneur le conte avecques les devant diz pleiges autres pleiges e principaus deteeurs tant e si souffisanz que li diz seneschaus en non de mon \13 segneur le conte s'en tendra à poiez. 13 E nos devant diz Sabranz Chaboz e Geffroiz de Chauceroie, chevalier, des diz deniers rendre e poier aus termes \14 dessus diz e de totes les covenances dessus dites 14 tenir, guarder e acomplir enterinement se li diz vicoens en estoit deffallanz en tout ou en partie, pour lui \15 e à sa requeste envers le dit mon segneur le conte, 15 nos en fesons e establissons pleiges e principaus deteeurs e rendeeurs par noz seremenz seur ce de nos \16 fez seur Seinz Euvangiles. 16 E pour totes cez choses dessus dites tenir e guarder e acomplir enterinement, je devant diz vicoens, comme principaus, \17 e nos devant diz Sabranz e Geffroiz, comme principaus deteeurs e rendeeurs, 17 obligons au dit mon segneur le conte touz noz biens muebles e non muebles \18 presenz e futturs, en quelcunque leu e en quelcunques choses e souz quelcunque segnorie que il soient. 18 E volons e ostroions e requerons le dit mon segneur le \19 conte e les autres segneurs de qui nos tenons que aus devant dites covenances tenir e guarder nos contraignent; 19 e se nos en estions deffallanz en tout \20 ou en partie, que sanz nos semondre e amonester puissent prendre touz noz biens muebles e non muebles, ou que il soient, e les heritages que nos tenons \21 d'aus en fié, sanz aus meffaire; 20 renonçanz en ce fet, je devant dit vicoens, comme principaus, e nos devant dit Sabranz e Geffroiz comme pleiges e princi\22paus deteeurs e rendeeurs, chascun pour tout, 21 à tout privilege de croisiez e à croisier e à totes excepcions que li pleiges ne puisse avant estre convenu, \23 que li principaus e que nos ne puissons dire ou alleguer que chascuns ne soit tenuz pour le tout, 22 e à totes autres deffenses e barres qui nos porroient \24 aidier, e à mon segneur le conte devant dit nuire en ceste chose. 23 E en tesmoing de totes cez choses, nos avons donnees au dit mon segneur le conte cez \25 lestres saellees de noz saaus. 24 Ce fu fait à Loncpont le samedi aprés la quinzeinne de Penthecouste en l'an nostre Segneur mil deus cenz sexante \26 nuef ou mois de juing.