Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit389

1290, 5 juin.

Type de document: Charte: vente

Objet: Aymeri, seigneur de Rochefort-sur-Charente, avec l'assentiment de sa femme, Aylissent, vend pour huit cents livres à Guillaume d'Harcourt, chevalier, quatre-vingt-sept livres de rente sur le Grand Fief d'Aunis.

Support: Charte scellée de trois sceaux.

Lieu de conservation: Archives Nationales, J. 180 A, pièce 14.

1 À touz ceaus qui ceste presente chartre veiront e oiront, 2 Aymeri, sires de Rocheffort sus Charente, chevaler, saluz perdurable en nostre Seignor. \2 3 Sachet vostre université que, come ge eüsse e preïsse chascun an quatre vinz e sept livres e dimee de annau e perpetuau rente en la cense dau \3 Grant Fé d'Aunis qui sont à rendre e à paier chascun an e perpetuaument à la feste saint Martin d'yver, 4 ge fois à ssaver à touz que ge, de mon \4 bon gré e de ma bone e plane volunté, ob l'otrey e ob l'assentement e ob la volunté de ma dame Aylissent, ma femme, 5 ay vendu e livré e, par manere \5 de vente perpetuau e non revocable, ay otreié à mon sor Guillaume de Harecort, chevaler nostre seignor le rey de France, les quatre vinz e sept \6 livres e dymee de rente dessus dites. 6 E m'en sui devestu e dessaizi des ores de tout en tout, 7 e par la tradicion de ceste presente chartre en ay vestu e saizi le \7 davant dit mon sor Guillaume de Harecort e mis en plenere e corporau possession e en pazible e perpetuau sazine en tresportant e metant de ma perso\8ne en la soe tout quanque de dreit, de domaine, de proprieté, de seignorie, de possession, de sazine, de cause e de rayson ge y aveie e que aveir y poeie ou deveie, \9 8 sanz toute condicion e sanz riens y retenir à mei ne aus miens, 9 à tenir e à aveir e à espleiter e à demander e à prendre e à receveir de lui e de ses hers \10 e de ses successors e de lor comandement e à faire en toute lor volunté delivrement e plenerement à vie e à mort sanz contredit, 10 e sanz ceu que ge \11 ne mi heir ne mi successor ne autres par nom ne par cause de nous y puissom riens aveir ne prendre ne demander ja mais en nul temps par nulle ma\12nere qui seit ou puisset estre, 11 pour oict cenz livres de torneis que li davant diz mis sires Guillaume de Harecort m'en a doné e baillé e paié \13 enterinement en deners contez; 12 les quaus deners ge ay eüz e receüz e m'en tinc e tienc por bien payez. 13 E ay renuncié à toute excepcion de non nom\14bree e de non eüe e de non receüe peccune e à toute manere de decepcion de menor pris. 14 E est à ssaver que ge Aymeri, sires de Rocheffort sus Charan\15te dessus nommez, promeit e otrey fermement e leyaument e sui tenuz souz l'obligacion expresse e speciau de mei e de mes heirs e de ma terre e de \16 totes les meies autres chouses, celes que ge ay e que ge avray, quauque part que eles seient e seront, tant mobles quant non mobles, e de chascune chouse \17 speciaument e expressement por sey e por le tout, 15 à garir e à deffendre durablement au davant dit mon sor Guillaume de Harecort e à ses heirs \18 e à ses successors e à lour comandement les davant dites quatre vinz e sept livres e dimee de annau e perpetuau rente 16 contre tote ma frairesche e \19 contre totes maneres de genz franchement, quiptement, paziblement e delivrement de toutes deptes, de toz devers, de totes obligacions, de toz alïene\20menz, de toute exaction, de toz servises, de totes costumes, de totes redevances e de trestoz autres empaistremenz. 17 E si li davant diz mis \21 sires Guillaumes de Harecort ou si heir ou si successor ou lor commandement en fazeient coust ou mission ou demore ou en esteient en damage em \22 plaideant ou en quauque autre manere que ceu fust ou poüst estre por deffaute de gariment, 18 ge Aymeri, sires de Rocheffort sus Charante dessus \23 nommez, promeit e sui tenuz souz l'obligacion dessus dite de lor rendre e amander toz les damages enterinement, 19 sanz contredit e sanz delaye\24ment, dont il ou lor comandement sereient creü par lor sayrement sanz autre prove. 20 E ge Aylissent dessus nommee, femme dau dit \25 mon sor Aymeri, seignor de Rocheffort, 21 ffois à ssaveir à touz que li davant diz mis sires Aymeris, mis sires, a fait la davant dite vente e \26 toutes les davant dites obligacions e convenances e chascune por sey ob mon assentement e ob ma volunté. 22 E ge m'en tinc e tiene por bien paiee, \27 prometanz fermement e leyaument, por mei, por mes heirs e por toz les miens, de non venir encontre ja mais en nul temps por rayson d'oscle ou de doayre, \28 ne por rayson de mariage ne de don de noces ne por nulle autre chouse. 23 E avom renuncié en iceste davant dite vente e en toz icez davant \29 diz convenanz e en chascun por sey e en icest nostre fait en tout e por tout, nous Aymeri, sires de Rocheffort sus Charante, e Aylissent, sa femme \30 dessus nommé, 24 à toutes costumes e usages e franchises e establiment de viles e de païs e à toz privileges e benefices e indulgences de la \31 cort de Rome empetrez e à empetrer e de croiz donee e à doner; 25 e speciaument ge Aylissent dessus dite à l'ayde dau benefice de velleyen \32 e à la novele constitucion des dous coupables e à toz dreiz escriz e non escriz e à totes autres choses enterinement qui nos porreient aiuer à venir encon\33tre, fust en cost d'iglise ou en cort laye. 26 E touz les diz e la tenor de ceste chartre avom juré sus les Sainz Evangiles Nostre Seignor à tenir e \34 à garder ferms e estables perpetuaument e sanz venir encontre par nous ne par autres ja mais en nul temps par nulle manere. 27 E en garentie de ceste \35 chouse, nous, Aymeri sires de Rocheffort sus Charente, e Aylissent, sa femme dessus nommé, 28 en avom doné por nous, por noz heirs e por toz les \36 noz au davant dit mon sor Guillaume de Harecort chevaler e aus sons ceste presente chartre, 29 la quau Lorenz de Chastres, tenant adonques en \37 la Rochele le sayau de la seneschaucie de Xainctonge por nostre seignor le rey de France, en cui juridicion nous sozmetom nous e toz noz biens, \38 quant à ceu, sanz autre seignorie avoher, sayela à noz requestes dau dit sayau. 30 E nous Lorenz de Chastres dessus nommez, oye e entendue la \39 confession e la regeissance daus persones dessus dites, eaus presenz par davant nos e volanz e consentanz à ceu, les condampnasmes e encores con\40dampnom sentenciaument; 31 e à lor requestes, avom apposé à ceste chartre le dit sayau, sauve la dreiture le rey e l'autruy. 32 E nos Aymeri, \41 sires de Rocheffort, e Aylissent, sa femme, dessus dit y apozasmes autressi les noz propres sayaus en garentie de verité. 33 De ceu sont garenties Johan Fremyot e Johan Matroger \42 e Helies de la Tende, clerc. 34 Ceu fut fait le lundy avant la Saint Barnabé apostre, en l'an de grace M.CC. e quatre vinz e dis ou meis de juing.