Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit383

1260, mars ou 1261, mars.

Type de document: Charte: attestation

Objet: Jean de Sours, sénéchal de Saintonge, atteste avoir reçu, la foi de Henri Orenou de Marsilly pour vingt livres de rente qu'il a acquises dans le Grand Fief d'Aunis, et qu'il tient à hommage lige du comte de Poitou.

Support: Charte autrefois scellée.

Lieu de conservation: Archives Nationales, J. 180 A,/ pièce 8.

Édition antérieure: Publiée, Layettes du Trésor des Chartes, t. IV, pp. 7-8 (n° 4679).

1 Ge Johanz de Sours, chevaliers, sires de Sales en Aunis, seneschaus adonques en Saintonge por nostre seignor le conte de Peiters, 2 fois à ssaveir à toz ceaus qui ces\2te presente chartre veiront e oiront 3 que Henris Orenous de Marcillé, homs mon seignor le conte, m'a fait le sairement de la feauté le conte. 4 E li ai \3 enjoint e comandé que dedenz les premers quinze jorz que mis sires li coms vendra en l'evesqué de Saintes, que il facet au conte homenage \4 lige nomeement por vint livres de rende, 5 les quaus li diz Henris a conquis en la cense dau Grant Feu d'Aunis de cele partie qui \5 en affereit à Guyot dau Mareis e à Johanne sa seror de part mere, dont li diz Guyoz, ensembleement ob autres choses, ereit homme \6 lige mon seignor le conte e en sa fei 6 Veritez est que li diz Henris Orenous m'en a fait e paié en deners contez le plait de morte main; \7 7 c'est à ssaveir, le tierz daus dites vint livres de rende. 8 E cest deveir a fait li diz Henris par raison de Bienvenue, sa femme, qui est cosine re\8muee de germain dau dit Guyot. 9 Li quaus Guyoz aveit vendu des dites vint livres de rende çayenarrere à fahu Willaume Bataille, borgeis \9 de la Rochele, les quinze livres, e la dite Johanne aveit vendu les cent sols au dit Henri. 10 E li diz Henris, par raison dau lignage à \10 sa dite femme, rescossit les dites quinze livres de rende dau dit Willaume Bataille par davant mon seignor Johan de l'Isle, à iceau temps \11 seneschau en Peitou por mon seignor le conte, si cum ge sui certains par la lettre dau dit Johan de l'Isle que li diz Hen\12ris m'en mostra; 11 la quau lettre li diz Johanz l'en dona en garentie de verité. 12 Encores est à ssaveir que, por ceu que li diz Henris \13 aveit demoré plus que il ne deüst à venir à l'obeïssance le conte daus dites vint livres de rende e ne l'en aveit pas fait \14 son deveir jusqu'à cestui jorn, il en fina ob mei de tot e en dona fin, faisant à mon seignor le conte vint livres de peitevins; \15 13 les quaus deners ge ogui e recegui en deners toz contez e les mis au proffit mon seignor le conte. 14 E en garentie \16 e en fermeté durable de totes cestes choses e de chascune par sei, ge en ai doné au dit Henri e à sa dite femme e aus lor \17 ceste presente chartre saelee e confermee de mon saiau, sauve la dreiture mon seignor le conte e l'autrui. 15 Ceu fut fait l'an de l'incarnation Jhesu Crist, .M.CC. e seissante ou meis de marz.