Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit375

1298, 9 janvier.

Type de document: Charte: hommage

Objet: Hugues de Thouars, seigneur de Pouzauges, reconnaît tenir de Maurice de Belleville, seigneur de Montaigu, à hommage plain, au devoir de cinquante livres et une maille d’or, la seigneurie de la Barrotière.

Support: Charte scellée.

Lieu de conservation: Archives Départementales des Deux-Sèvres, E, carton 1617. — Chartrier de Saint-Loup: fiefs servis par Bressuire (La Barrotière).

1 À toz ceaus qui cestes presentes letres verront et orront,· 2 Morice de Belle_ville, seignour de \2 Montagu· et de la Ganache,· et· Huge de Thoarz, seignour de Pozauges, chevaliers, saluz en \3 nostre Seignour.· 3 Sachet tuit, que, come nobles homs, mon seignour de Belle_ville desus dit, \4 demandast à nos dit Hugues que nos li feïssons fey et homage de la Barrotere et des apartenan\5ces· et de tout ceu que nos avions achaté de mon seur Joffrey G ervale, chevalier, 4 por reson \6 de ceu que li diz Joffreiz aveit vendu les dites choses à nos, sanz riens i retenir à sey,/, 5 et \7 les aveit departi de l'omage que li diz Joffreiz feseit au dit seigneur de Belleville por re\8son dou Fié de la Jaillardie come ceu fust de celui fié;/, 6 et nos li diz Hugues· deïssons que \9 nos n'estions pas à ceu tenu par plusors resons;/, 7 à la parfin dou conseil de preudes-homes, \10 est acordé par bien de pais que, des ores en avant, des dites choses vendues, fei et homages \11 plains seront faiz à nos le dit Morice,/, de nos le dit Hugues, ou de celui qui le demainne \12 tendra, des dites choses.· 8 Et nos le dit Morice ne porron venger ne justicier au dites \13 choses orendreit achatees, 9 fors-tant seulement nos venger et prendre por deffaut dou-de\14veir, de cinquante livres et de une maille d'or non rendues,· deües à nos le dit Morice \15 dou change de la fey de celui qui tendra la ligence de Badaille,· quant il avendra· et \16 por cause de l'omage ou des homages non fait ou non faiz, si come desus est declairé,· ne \17 autres servises demander, ne autre deveir.· 10 Et si einsi esteit que li diz Hugues ou si \18 heir aqueisset, au dit fié,/, il cherreit tout au dit homage.· 11 Et si il aquereit le tout, \19 les does feiz torreiet à une.· 12 Et metra li diz Hugues,/, ou cil qui tendra les dites choses \20 aquises,/, au dit deveir por cele partie, come il tendra dou fié tant soulement,· sau\21ve à nos le dit· Morice· à demander à aveir, vint et cinc souz de annau deveir \22 sus le dit fié tant come dreit donra;/, 13 les quaus nos disons que nos i avons.· 14 Et \23 nos li diz Hugues, avons fait metre Huguet nostre fil, en la fei et en l'omage des di\24tes choses achatees, et Huguet de Beaumont, vallet, son tutor, tant come tutor \25 dou dit Huguet.· 15 Et nos li diz· Morices les i avons receü· an meneres desus dites.· \26 16 Et, en tesmoing des dites choses, nos avons donné li uns à l'autre, cestes presentes le\27tres sealees de noz seaus.· 17 Donné le jeudi emprés la Tiphainne,/, l'an de grace· mil· \28 dous cenz· quatre vinz· et diz· et sept.