Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit366

1284, septembre.

Type de document: Charte: donation

Objet: Perrenele de Mayré, demeurant à Chinon, veuve de feu Jean de Mayré, bourgeois de La Rochelle, et Philippe, Gilles et Marguerite Laydet, enfants de feu Costantin Laydet, bourgeois de La Rochelle, donnent au prieuré Sainte-Catherine de La Rochelle leur part de la succession de feu Guillaume Vacher, leur cousin. Le prieur de Sainte-Catherine, devra payer les frais de l'exécution du testament du dit Guillaume Vacher.

Support: Charte autrefois scellée.

Lieu de conservation: Archives Départementales de Maine-et-Loire, 217. H. 1. — Abbaye de Fontevraud: Sainte-Catherine de La Rochelle.

1 Ge Peirenele de Mayré, estagere adonq[ues] à Chinon, femme çayenarrere fahu Johan de Mayré, jadis borgeis de la Roche\2le, adonques veve, e ge Phelippes Laydet e ge Gilles Laydet, freres, e ge Margarite, lor suer, filz e fille de fahu Costantin \3 Laydet, jadis borgeis de la Rochele, 2 faisom à ssaver à toz ceaus qui ceste presente chartre verront e orront 3 que, cum ge Perrene\4le dessus dite eüsse de la succession e de la descendue de fahu Guillaume le Vacher, mon cosin germain jadis borgeis de la Roche\5le, 4 la tierce partie en quatre maisons e ous places sus quei eles sient e en un verger e ous autres apartenances qui i apartienent \6 qui sunt en la ville de la Rochele en la rue de Sainte Katerine en la seignorie frere Herbert, prior adonques dau prioré de \7 Sainte Katerine 5 dont does maisons sunt l'une joste l'autre e se tienent d'une part à la maison dau dit prioré, e d'autre \8 part à la maison Johan de Gusergues, 6 e les autres does maisons ou est le dit verger sunt aussi l'une joste l'autre e se tie\9nent d'une part à la maison fahu Joffrey Mascé, e d'autre part à la maison à la Martaude 7 e eüsse aussi de l'eschaete e de la \10 succession dessus dite la tierce partie par non devis en cent e onze solz de cens 8 dont les trente e nouf solz sunt assis \11 sus les maisons de la rue de Sainte Katerine que fahu Johan Geneau soleit tenir, 9 e seze solz en sunt assis sus la maison à la \12 Martaude, 10 e vint e un solz en sunt assis sus la maison fahu Pierres de Montboer, qui est pres de Sainte Katerine, 11 e les trente \13 e cinc solz de cens remananz sunt assis sus les choses que l'evesque de la Fonz tient dau dit fahu Guillaume le Vacher qui sunt \14 à la Fonz 12 e nos Phelippes Laydet e Gilles Laydet, freres, e Margarite, lor suer dessus nommé, eüssom de l'eschaete e de la descendue \15 e de la succession dau davant dit fahu Guillaume le Vacher, nostre cosin, les treis parz en un des tierz de totes les davant di\16tes choses e de chascune par sei; 13 nos Perrenele de Mayré e Phelippes Laydet e Gilles Laydet e Margarite lor suer dessus nom \17mé, 14 faisom à ssaver à toz que la davant dite tierce partie que ge Perrenele aveie ous davant dites choses e en chascune par sei, \18 e les treis parz que nos Phelippes e Gilles Laydet e Margarite lor suer aviom en un des tierz de totes les choses dessus \19 dites, 15 e plus de partie e plus de dreiture e plus de raison, si plus en i aviom ou aveir poiom ou deviom por quaucunque dreit ou por quau\20cunque cause ou por quaucunque autre raison que ceu fust, 16 nos, de noz bons grez e de noz bones e plaines voluntez, avom doné \21 e otreié e donom encores e otreiom en pure e en pardurable aumosne à Deu e à nostre Dame sainte Marie e à la dite maison \22 de Sainte Katerine e au davant dit frere Herbert, prior adonques de la dite maison, e à ses successors dau dit leuc. 17 E nos \23 en sommes devestuz e dessaiziz desja, de tot en tot, e en avom vestu e saizi le davant dit frere Herbert par nom e à l'oups \24 de la dite maison de Sainte Katerine, 18 e mis em plenere e corporau possession e em pazible e perpetuau saizine, en tresportant e \25 metant de noz persones en la soe, tot le dreit, le domayne, la proprieté, la possession, la raison, l'action, la seignorie enterine\26ment que nos e chascun de nos por sei i aviom ou aveir poiom ou deviom, par quaucunque manere que ceu fust, 19 à tenir e à \27 aveir e à espleiter durablement, e à prendre e à receveir à lui e à ses successors dau dit prioré e à lor comandement, \28 e à ffaire en tote lor volunté delivrement, à vie e à mort, 20 sanz contredit e sanz reclamacion e sanz partie e sanz dreitu\29re e sanz raison nulle que nos ne li uns de nos ne noz heirs ne noz successors ne autres por nos i puissom aveir ne \30 prendre ne demander ja mais en nul temps por nulle manere. 21 Mes bien est veritez e convenant que li davant diz frere \31 Herbert e si successor devent rendre e paier por nos tot ceu qui nos affereit à paier por raison des choses d'iceste do\32nacion à acomplir, e enteriner l'exequcion e l'ordenance dau testament dau dit fahu Guillaume le Vacher. 22 E ob ceu fai\33sant, ge Peirenele de Mayré e ge Phelippes Laydet e ge Gilles Laydet e ge Margarite dessus nommé 23 avom promis \34 e sommes tenu, souz l'obligacion expresse e speciau de toz noz biens presenz e futurs, mobles e non mobles, à garir e à deffen\35dre durablement au davant dit frere Herbert e à ses successors dau dit prioré e à lor comandement totes les da\36vant dites choses de la dite donacion, e chascune por sei, 24 contre totes genz, franches, quiptes e delivres de totes \37 obligacions, de toz alïenemenz, de toz devers e de trestoz autres empaitremenz qui por raison dau fait de noz persones \38 i seroient trové, ou fait, ou mis. 25 E lor sommes e seriom tenuz de rendre e d'amander, souz l'obligacion dessus \39 dite, couz, missions e demages se il les i aveient ou sosteneient em plaideant, ou en quaucunque autre manere que ceu \40 fust ou peüst estre, por deffaute dau davant dit gariment faire en la manere dessus devisee, au sairement de aus \41 ou de lor comandement sanz autre prove. 26 E avom renuncié en iceste davant dite donacion e en icest nostre fait, \42 en tot e par tot, ge Perrenele de Mayré e ge Phelippes Laydet e ge Gilles Laydet e ge Margarite lor suer des\43sus nommé, 27 à tote force e à tote aïue de leis e de canon e à totes noveles institucions e constitucions e à toz \44 privileges e benefices de femmes e au benefice de velleyen e à totes costumes e usages e franchisses e establi\45menz de villes e de païs e à tote excepcion de fait e de dreit e de decevance e à toz les autres dreiz escriz \46 e non escriz qui nos porreient aiuer à venir encontre, fust en cort d'iglise ou en cort laye. 28 E toz les diz e la \47 tenor de ceste chartre avom juré sus le Saint Evangille Nostre Seignor à tenir e à garder ferms e estables dura\48blement sanz ja mais venir encontre por nos ne por autres en nulle manere. 29 E en garentie de ceste chose, nos Perre\49nele e Phelippes Laydet e Gilles Laydet e Margarite lor suer dessus nommé, en avom doné, por noz e por toz les \50 noz, au davant dit frere Herbert e à ses successors ceste presente chartre; 30 la quau, maistre Guillaume de Mont\51leon, chanoynes de Xainctes e adonques arceprestres de la Rochele, sayela e conferma, à noz requestes, de son saiau. 31 E nos \52 li arceprestres dessus nommez, oye la confession daus dites parties, eaus à ceu volanz e consentanz, les avom condempné e \53 avom apposé, à lor requeste, à ceste presente chartre nostre saiau en maire garentie de verité. 32 Ceu fut fait l'an de l'in\54carnacion Jhesu Crist .M.CC. e quatre vinz e quatre ou meis de septembre.