Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit350

1273, septembre.

Type de document: Charte: garantie

Objet: Pierre Renaut de Laleu, son fils, Jean, et sa fille, Marie, garantissent sur tous leurs biens une dette de soixante livres dont Pierre Penchener, n'est porté caution envers Raymont de Loupsaut et Aymeri du Porz, bourgeois de La Rochelle.

Support: Charte scellée de deux sceaux.

Lieu de conservation: Archives Départementales de Maine-et-Loire, 217. H. 1. — Abbaye de Fontevraud: Sainte-Catherine de La Rochelle.

1 Ge Pere Renaut de la Lou e ge Johan, son fil, e ge Marie, sa fille, 2 faisom à ssaveir à toz ceaus qui cestes presentes lettres verront \2 e orront 3 que, cum Pere Penchener, borgeis de la Rochele, se seit establi por nos à principau deptor vers Raymont de Loupsaut e \3 vers Aymeri dau Porz, borgeis de la Rochele, 4 por seissante livres e doze solz de torneis que nos lor devom en nostre chep proprement \4 de vençon de blé, sanz rens que li diz Peres Penchener en deiet à rendre les diz deners au dit Raymont e au dit Aymeri ou à \5 l'un d'eaus por sei ou à lor comandement, por dous termes, 5 c'est à ssaveir: trente livres e doze solz dedenz ceste premere feste nostre Dame \6 sainte Marie Chandelor prochaine, que nos atendom à venir qui sera l'an de l'incarnacion Jhesu Crist .M.CC. e. lx. e treze, \7 e trente livres dedenz la prochaine feste de toz sainz emprés segant; 6 ge Pere Renaut e ge Johan son fil e ge Marie \8 sa fille, dessus nommé, 7 faisom à ssaveir à toz que nos e totes les noz chouses, celes que nos avom e avrom, mobles e non mobles, \9 8 sommes tenu d'aquiter e de delivrer le davant dit Pere Penchener envers le dit Raymont de Loupsaut e envers \10 le dit Aymeri dau Porz e envers toz autres de la davant dite depte aus termes dessus nommez, 9 e de garir e de garder \11 en le dit Pere Penchener e ses hers e totes les lor chouses de toz maus e de toz demages. 10 E si nos en deffailliom en tout e \12 en partie, nos donom au davant dit Pere Penchener e à son comandement, ou à celui qui cestes lettres aportera, plener \13 poeir e speciau e liberau comandement de vendre ou mesvendre tant des noz chouses, quauque part que il les troveret, fusent \14 mobles ou non mobles, 11 que il se fust souz e propaiez daus seissante livres e doze solz dessus dites e daus demages que il \15 i avreit eüz e soztenu por deffaute de gariment e de payement daus davant dites seissante livres e doze solz, ou en \16 autre manere. 12 E la vente, ou la mesvente, que li diz Peres Pencheners ou sis comandemenz ou cil qui cestes lettres aportera \17 fereit de noz chouses, 13 nos greieriom e avriom e tendriom por ferme e por estable, sanz ceu que nos ou li uns de nos ou \18 autres por nos i puissom faire ne metre por nule manere. 14 E en donriom à ceaus ou à celes à cui il en avreit fait vente ou \19 mesvente chartre d'otrei e de gariment e de quitance, tau com li achateor ou li achateors porreient e savreient de\20viser, à nostre cost, sayelees de tau sayeau ou de taus sayeaus com il porreient e vodreient ou direient ou fereient dire \21 por eaus e por lor conseil, prometanz que nos ne vendrom encontre por nule manere; 15 quar à tot quanque nos ou li uns de nos ou autres por \22 nos porriom dire ne obicer encontre, nos avom renoncié e renonciom expressement. 16 E se li davant diz Peres Penchener \23 ou sis comandemenz, ou cil qui cestes lettres aportera, en faizeit coust ou mission ou demore ou don ou promesse ou servise \24 à seignorie ou à autre gent por deffaute de gariment daus seissante livres e doze solz dessus dites, ou en esteit en domage \25 en plaideant, ou en quaucumque autre manere que ceu fust ou poüst estre, 17 ge Pere Renaut e ge Johan son fil e ge Marie \26 sa fille, dessus nommé, e toutes les noz chouses que nos avom e avrom, mobles e non mobles, 18 li sommes tenu de rendre e d'aman\27der toz les demages enterinement, sanz contredit e sanz delayement, dont il ou sis comandemenz, ou cil qui cestes lettres \28 aportera, sereit creüz en cort e forz cort por son sairement sanz autre prove. 19 E dau davant dit gariment faire, e daus \29 coz e daus missions e daus demages rendre tot issi e en la manere que dessus est dite e devisee, 20 sommes tenu, chascun de nos \30 e chascune daus noz chouses por sei principaument por le tot, en tau manere que li diz Peres Pencheners ou sis comandemenz, \31 ou cil qui cestes lettres aportera, s'en porreit retorner à celui de nos treis dessus nommez e aus soes chouses que il plus vodreit, \32 sanz conpaignon e sanz garior avoher, 21 e puis aus autres e aus lor chouses à toz ensemble e à chascun por sei à lor plaisir e \33 à lor volunté, sanz nengune excepcion ne deffension que nos puissom traire ne metre avant por nos ne por autres en nule manere; \34 22 renoncianz expressement, en icest nostre fait, à l'espitre de dyvi Adrien e à l'ayde de velleyen, à la constitucion daus pleges \35 presente e à tot bail e à tot benefice de menor eage e d'enterine restitucion e à tot dreit escrit e non escrit e à tote \36 excepcion de fait e de dreit e à tot benefice de croiz e de femmes, doné e à doner, 23 e à icele excepcion por que li pleges e \37 li tenu, chascun por le tot, dïent que il ne sont mie tenu, 24 forz que de tant solement cum à chascun en affert à ssa partie, e à tote \38 fraude e à tote boidie e à totes autres chouses enterinement qui nos porreient aiuer à venir encontre, fust en cort d'y\39glise ou en cort laye. 25 E avom juré sus le Saint Evangile Nostre Seignor, touché corporaument, de noz propres volunté, à tenir \40 e à garder toz les diz e la tenor de cestes lettres bien e leaument sanz rens y enfraindre e sanz venir encontre per nos ne per \41 autres en nule manere. 26 E en garentie de ceste chouse, ge Pere Renaut e ge Johan son fil e ge Marie sa fille, dessus nommé, \42 en avom doné au davant dit Pere Penchener cestes presentes lettres, 27 les quaus sire Guillaume Sainz, prevost adonques de la \43 provosté de la Rochele por nostre seignor le rey de France, par davant cui totes les davant dites chouses, e chascune por soi, 28 ont \44 esté reconoues e ajugees en dreit, sayela e conferma, à noz requestes, dau sayeau de la dite prevosté; 29 en la juridicion \45 dau quau prevost dessus dit, nos avom sozmis e sozmetom nos e totes les noz chouses, quant à cest fait. 30 Ceu fut fait l'an \46 de l'incarnacion Jhesu Crist, .M.CC. e seissante e treze ou meis de septembre. 31 E ge Pere Renaut dessus nommez ai a\47posé à cestes lettres le mien propre sayeau en garentie de verité. 32 Ceu fut fait e doné l'an e le meis dessus dit.