Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit347

1272, août.

Type de document: Charte: reconnaissance

Objet: Reconnaissance par Pierre Renaut de Laleu envers Pierre Penchener, bourgeois de La Rochelle, d'une dette de vingt-sept livres pour le prix des draps qu'il lui a achetés.

Support: Charte scellée de deux sceaux, dont l'un reste.

Lieu de conservation: Archives Départementales de Maine-et-Loire, 217. H. 1. — Abbaye de Fontevraud: Sainte-Catherine de La Rochelle.

1 Ge Pere Renaut de la Lou 2 fois à ssaveir à toz ceaus qui cestes presentes letres viront e oiront 3 que ge dei à Pere Penchener, borgeis \2 de la Rochele, vint e sept livres de torneis de draps bons e leaus e bien marcheanz e bien prenables que il m'a vendu e baillé e livré por \3 le fuer que il les aveit achaté de Gaillart dau Buisson, borgeis de la Rochele, issi cum ge sai e l'oï bien certains; 4 les quaus draps ge ai eü e pris e \4 receü greantablement por le fuer, e m'en tengui e tienc por bien paiez. 5 E ai renoncié à tote excepcion de non eüz e de non receüz draps \5 e de non raisonables prez e à tote autre manere de decepcion. 6 Les quaus toz davant diz deners, ge e totes les meies chouses enterinement, ce\6les que ge ai e que ge avrai, quausques eles seient e quauque part ne en quauque seignorie que eles seient, e por quauque manere que eles seient ap\7pelees e nommees, tant moubles quant non moubles, e chascune chouse speciaument e expressement por sei, 7 sommes tenu de rendre e de paier au davant \8 dit Pere Penchener ou à son comandement ou à celui qui cestes letres aportera, 8 que ge dei tenir e treire e receveir en toz luecs por son certain comandement, \9 sanz riens dire ne obicer encontre, por mei ne por autres, dedenz le jor de ceste premere feste de toz sainz qui sera l'an de l'incarnacion Jhesu Crist .M.CC. \10 e seissante e doze. 9 E si ge en deffailleie, ge e totes les meies chouses, mobles e non mobles, li sommes e seriom tenu de rendre e de paier ensem\11bleiement, ob la dite depte principau e comme depte principau, cinc solz de torneis de peine por chascun jor que faute i avreit en paiement aprés le dit ter\12me. 10 E si li davant diz Pere Penchener ou sis comandemenz ou cil qui cestes letres aportera en faiseit coust ou mission ou demore ou don ou promesse \13 ou servise à seignorie ou à autre gent, 11 por deffaute de paiement de la dite depte principau ou de la dite peine, ou en esteit en damagez en \14 plaideant, ou en quaucunque autre manere que ceu fust ou peüst estre, 12 ge e totes les meies chouses enterinement, celes que ge ai e que \15 ge avrai, quauque part que eles seient e seront, mobles e non mobles, 13 li sommes tenu de rendre e d'amander toz les damages enterinement, sanz contre\16dit e sanz delayement, dont il ou sis comandemenz ou cil qui cestes letres aportera sereit creüz en cort e fors cort por son sairement sanz autre \17 prove. 14 Encores fois à ssaveir, ge Pere Renaut dessus nommez, qui si tant esteit chouse que ge deffaillisse dau davant dit paiement faire \18 au terme dessus nommé, 15 ge, tantost le jor de la dite feste de toz sainz passee, sanz ja estre requis dau davant dit Pere Penchener ne \19 de son comandement, 16 li dei venir tenir tenances en la vile de la Rochele en ma propre persone e à ma despense, e ne m'en dei departir por \20 convenant ne por mer ne por terre ne à pié ne à chevau ne ob les miens piez ne ob les autruis ne en negune autre manere qui seit ou puisset \21 estre, 17 jusqu'à tant que li diz Pere Penchener ou sis comandemenz ou cil qui cestes letres aportera seit perpaiez plenerement e enterine\22ment de sa davant dite depte principau e de la dite peine e daus couz e daus missions e daus damages que il i avreit eü ou \23 sostenu por deffaute de paiement, tot issi e en la manere que dessus est dite e devisee. 18 E m'en porreit li diz Pere Penchener \24 ou sis comandemenz traire e plaideer en quauque cort que à lui plaireit en la dyocese de Saintes ou deffors, en cort d'iglise ou en cort laye \25 ou par davant juge ordinaire ou extraordinaire, 19 sanz ceu que ge me puisse resortir de la cort ne avoher autre cort que cele \26 en quei il m'avreit trait e mis por negune excepcion ne por negune deffension que ge puisse traire ne metre avant por mei ne por autre \27 en nule manere. 20 E ne puis, ne ne dei ge ne autres por mei aleguer paiement de la davant dite depte, de tote ne de partie, \28 ne mostrer, tant cum li diz Pere Penchener ou sis comandemenz ait e tienget cestes presentes letres devers sei, si donques \29 ge ne poeie mostrer le paiement por letres saielees de son saiau ou de saiau auctentique; 21 renoncianz en icez davant diz conve\30nanz e en icest mien fait, en tot e por tot, ge Pere Renaut dessus nommez, 22 à totes costumes e usages e establimenz e fran\31chises de viles e de païs e à tot benefice de croiz doné e à doner e à tot privilege e indulgence empetré e à empetrer e à tot \32 cas et à condicion sanz cause e de non dreiturere cause e à tote fraude e à tote boidie e à tote decevance e à tot dreit \33 escrit e non escrit 23 e à totes autres chouses enterinement qui de fait ou de dreit me porreient aiuer à venir encontre les \34 diz ou encontre la tenor de cestes letres, fust en cort d'iglise ou en cort laye. 24 E tot ceu que dessus est dit e devisé ai juré \35 sus le Saint Evangile Nostre Seignor à tenir e à garder e à porsegre e à enteriner e à acomplir bien e leaument, sanz riens \36 i enfraindre e sanz aler encontre, por mei ne por autre, en nule manere. 25 E en garentie de ceste chouse, ge Pere Renaut \37 dessus nommez en ai doné au davant dit Pere Penchener cestes presentes letres les quaus sire Aymeri de Kaourz, prevoz adon\38ques en la Rochele por mon seignor le rey de France, par davant cui la davant dite depte a esté reconeue e ajugee e approvee en dreit, \39 saiela e conferma, à ma requeste, dau saiau de la dite prevosté; 26 en la juridiction e ou poeir dau quau prevost ge ai souzmis e souz\40met mei e totes les meies chouses, quant à icest fait. 27 E ge meïsmes i ai apposé le mien propre saiau en maire garentie de verité. 28 Ceu \41 fut fait l'an dessus dit ou meis d'aoust.