Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit341

1270, novembre.

Type de document: Charte: vente

Objet: Arembort, fille de feu Guillaume du Payaud, avec l'assentiment de son mari, Geoffroi Borreau de Nieuil, vend à Pierre Penchener la part lui revenant de la succession de feu Arnaut du Payaud, oncle du père de la dite Arembort, pour le prix de quatre-vingts livres et quinze sous.

Support: Charte scellée.

Lieu de conservation: Archives Départementales de Maine-et-Loire, 217. H. 1. — Abbaye de Fontevraud: Sainte-Catherine de La Rochelle.

1 Ge Arembort, fille fahu Guillaume dau Poyau, femme Joffrei Borreau de Nioil, 2 fois à ssaveir à toz ceaus qui ceste presente chartre veiront et oiront \2 3 que, cum ge oguisse la quinte partie par non devis en un tierz de totes les choses qui furent à fahu Arnaut dau Poyau, qui fut oncle de mon davant dit \3 pere, seient vignes et autres choses, quauscunques eles seient, tant mobles quant non mobles 4 les quaus choses dame Johanne dau Poyau, femme jadis dau dit Ar\4naut dau Poyau et femme adonques Pere Penchener, borgeis de la Rochele, 5 a et tient et tendra tant cum ele vivra, par l'us et par la costume de l'onor de Be\5naon 6 ge Arembort dessus dite fois à ssaveir à toz que ge, 7 non contrainte, non perforcee, ainceis de mon plain gré et de ma propre volunté, ob l'otrei et ob l'as\6sentement dau dit Joffrei Borreau mon seignor, 8 ai vendu et livré et leissé et quité et otreié au davant dit Pere Penchener la davant dite quinte partie \7 que ge aveie en un tierz par non devis de totes les choses dessus dites, et tote la dreiture que ge i aveie et que aveir i poeie ou deveie; 9 et m'en soi desvestue \8 et dessazie, et en ai vestu et saizi le dit Pere Penchener et mis en plenere et corporau possession et en pazible et perpetuau saizine à tenir et à aveir et à \9 espleiter durablement à lui et à ses heirs et à ses successors et à lor comandement et à faire en tote lor volunté delivrement, à vie et à mort, 10 sanz contredit \10 et sanz reclamacion et sanz dreiture et sanz raison nule que ge ou mi heir ou autres por nos i puissom aveir ne demander, ja mais en nul temps, por negune \11 manere, 11 por quatre vinz et oict livres et quinze solz de la moneie corant por la vile de la Rochele que li diz Pere Penchener m'en a doné et paié enterinement \12 en deners contez; 12 les quaus deners ge ogui et recegui et m'en tengui et tienc por bien paiee. 13 E ai renoncié à tote excepcion de non nombree et de non eüe \13 et de non receüe peccune et de menor prez. 14 E est à ssaveir que ge Arembort dessus dite et totes les meies choses, celes que ge ai et que ge avrai, quauque part \14 que eles seient et seront, mobles et non mobles, 15 sommes tenu à garir et à deffendre durablement au davant dit Pere Penchener et à ses heirs et à ses suc\15cessors et à lor comandement la davant dite quinte partie que ge aveie en un tierz par non devis de totes les choses dessus dites contre totes genz franche \16 et quite et delivre de totes obligacions, de toz alïenemenz, de toz deveirs et de toz autres empaistremenz, ob les deveirs qui dessus sont deüz, 16 et que li diz fa\17hu Arnaut dau Poyau en rendeit, rendant chascun an à ceaus qui les i ont. 17 E si li diz Pere Penchener ou si heir ou si successor ou lor comandement en fai\18seient cost ou mission ou demore por deffaute de gariment, ou en esteient en damage em plaideant ou en quauque autre manere que ceu fust ou peüst estre, \19 18 ge Arembort dessus dite et totes les meies choses, celes que ge ai et que ge avrai, quauque part que eles seient et seront, mobles et non mobles, 19 lor sommes \20 tenu de rendre et d'amander toz les damages enterinement, sanz contredit et sanz delayement, dont il ou li uns d'eaus por sei ou lor comandement serei\21ent creü en cort et fors cort por lor sairement sanz autre prove. 20 Veritez est que ge ai excepté et mis fors de ceste vende l'arbergement que la davant \22 dite Johanne a et tient, qui fut au dit Arnaut dau Poyau, 21 mais si ge aveie ou poeie aveir ou deveie au jor d'ui aucune dreiture en icelui dessus dit \23 arbergement, 22 ge l'ai donee et laissee et quitee, por mei et por mes heirs, au davant dit Pere Penchener et à ses heirs et à lor comandement à faire en tote \24 lor volunté delivrement, à vie et à mort, sanz contredit. 23 E ge Joffrei Borreau dessus nommez, sires, espous de la davant dite Arembort, 24 fois à ssaveir à toz \25 que la dite Arembort ma femme a fait la davant dite vende et totes les davant dites choses et chascune por sei ob mon otrei et ob mon assentement, \26 25 et ge les vogui et otreiai et voil encores et otrei que eles seient fermes et estables durablement sanz ceu que ge ou autres por mei puissom ja \27 mais venir encontre por nule manere. 26 E avom renoncié en iceste davant dite vende et en icest nostre fait, en tot et por tot, ge Arembort et ge \28 Joffrei Borreau sis sires dessus nommé, 27 à tote force et à tote aiüe de leis et de canon et à toz privileges et à totes costumes et à totes nove\29les institucions et constitucions et à toz privileges de femmes et à tot benefice de croiz doné et à doner et à tot dreit escrit et non escrit 28 et \30 à toz les dreiz et à totes les leis qui dïent que convenance de future succession ne vaut riens et à tote fraude et à tote boidie et à tote decevan\31ce 29 et à totes autres choses enterinement qui de fait ou de dreit nos porreient aiuer à venir encontre, fust en cort d'iglise ou en cort laye. 30 E avom \32 juré sus le Saint Evangile Nostre Seignor touché corporaument, de noz propres voluntez, à tenir et à garder la davant dite vende et toz les diz \33 et la tenor de ceste chartre ferms et estables durablement, 31 et que ja mais encontre ne vendrom, ne autres por nos, en nule manere qui \34 seit ou puisset estre. 32 E en garentie et en fermeté durable de ceste chose, ge Arembort et ge Joffrei Borreau, sis sires, dessus nommé, en \35 avom doné, por nos et por toz les noz, au davant dit Pere Penchener et aus sons ceste presente chartre, 33 la quau sire Aymar de Born, \36 adonques honorables arcediacres d'Aunis, saiela et conferma, à noz requestes, de son saiau. 34 Ceu fut fait l'an de l'incarnacion Jhesu Crist \37 .M.CC. et seissante et dis ou meis de novembre.