Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit318

1225, juin.

Type de document: Charte: vente

Objet: Vente par Pierre Malairaut, bourgeois de La Rochelle, et sa femme Johane, à Arnaut Davy, charpentier, de six sous de cens annuel sur la maison donnée à cens à Berthomé le Ganter pour le prix de soixante-cinq sous.

Support: Charte autrefois scellée.

Lieu de conservation: Archives Départementales de Maine-et-Loire, 217. H. 1. - Abbaye de Fontevraud: Sainte-Catherine de La Rochelle.

Édition antérieure: Publiée, Paul Marchegay, B.E.C., t. 19 (1858), 143-144.

1 Ge Peres Malairaut e ge Johane, sa femme, 2 faisom à saveir à toz ceaus qui ceste presente chartre veiront e oiront 3 que nos \2 avom vendu e otreié à Arnaut Daun, charpenter, 4 . VI. solz que nos aviom de cens sus la maison e sus la place que nos \3 baillasmes à cens à Berthoumé le Ganter, 5 la quaus maisons est pres de Sainte Katerine davant le celer au prior \4 de Parigné, 6 e se tient d'une part à la place Alais, femme fahu Pere Joffrei, e d'autre part à la maison Pere Mananz, 7 à tenir e à aveir durablement au desus dit Arnaut Daun e à ses heirs e à lor comandement, à faire tote lor volun\5té delivrement, à vie e à mort, por .LXV. solz de torneis que li diz Arnauz Daun nos en dona; 8 les quaus deners nos oguis\6mes e receguismes, e nos en tenismes e tenom por bien paiez. 9 E est à saveir que icist .VI. solz de cens sunt à paier chas\7cun an au desus dit Arnaut Daun e à ses heirs ou à lor comandement par .II. termes, 10 c'est à saveir: .III. solz à la \8 feste saint Micheau e .III. solz à Pasques. 11 E est à ssaveir que nos e les noz chouses somes tenu à garir au davant \9 dit Arnaut Daun e à ses heirs e à lor comandement les .VI. solz de cens davant nomez contre totes genz. 12 E est veritez que ge \10 Johanne, desus nomee femme au desus dit Pere Malairaut, de mon plain gré e de ma propre volunté, ai juré sus les Sainz \11 Euvangiles Nostre Segnor 13 que ge jamais encontre iceste vende ne encontre la tenor d'iceste chartre ne vendrai, ne por \12 mei ne por autre, ne demande ne requeste n'i ferai ne por oscle ne por mariage ne por autre chouse. 14 E ai renoncié \13 en icest fait à tote force e à tote aiüe e à tot privilege de leis e de decrez e à tote costume. 15 E por ce que \14 iceste chouse seit plus ferme e plus estable, à la requeste de l'une partie e de l'autre, 16 sire Willaumes de Mau\15sé, qui adonques esteit maires de La Rochelle, saela e conferma iceste presente chartre dau seau de la \16 commune de La Rochelle en testimoine de verité. 17 Ice fu fait l'an de l'incarnation nostre Segnor Jhesu Crist \17 .M. e .CC. e .XXV. ou meis de juing.