Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit314

1298, 11 juin.

Type de document: Charte: vente

Objet: Vente d'un pré par Johan Maumoyne et Perrenelle, sa femme, à Guillaume Beuf, prieur de Saint-Lazare de Fontevrault, pour le prix de quarante sous.

Support: Charte scellée.

Lieu de conservation: Archives Départementales de Maine-et-Loire, 210. H. 1. — Abbaye de Fontevraud: domaine de la Rimonnière.

1 Sachent tuit presenz et à venir 2 que en la cort de Mirebeau en dreit parssonement establiz, Johan Mau\2moyne et Perrenelle, sa fame, unt queneü et conffessé par davant nous, de lour bone valanté sanz aucun porfor\3cement, 3 que il unt otreié et vendu, par eaux et par lour hoirs et par lour successors en pure et perpetuaul ven\4çon, 4 à mon sour Guillame Buf, prior de Saint Ladre de Fontevraut, et à ses hoirs et à ses successors par le prez de qua\5rante solz de la moneye corant, 5 dous quaus deners les diz vendeors sey tindrent enterignement et parffaitement par paiez \6 par davant nous, 6 un sien pré assiz sous la chaucee de l'estanc au dit prioul, tenant à la terre et au pré et au bois \7 Guillame Peneit, valeit, de l'une et de l'autre partie, 7 à aveir, à tenir, à pposseier et expleicter paisiblement et à tout \8 temps pardurablement lou dit pré dou dit prioul et des siens, et à en ffaire dess ores en avant toute lour planere \9 valanté sanz aucun contredit. 8 Et unt pramis les diz vendeors, par eaux et par lour hoirs et par lour succes\10sors, par la fey de lour cors donee en nostre mayn et sus l'oubligacion de touz lour biens moubles et non moubles presenz \11 et à venir, 9 la vençon et otreiance dessus dites tenir, attendre, garder, enssiegre feaument et fermement sanz enffrain\12dre et sanz venir encontre au temps qui est à venir par aucun dreit ou par aucune rayson, 10 et au dit mon \13 sour Guillame Buef et aus siens garir et deffendre lou dit pré en tout temps quipte et delivre de touz deveirs, \14 de toutes costumes, de toutes veilles obligacions, de touz enpaitremenz, envers toute manere de gent, 11 et li amander toz ^[1] \15 colz, touz domages que il avreit ou soustendreit por deffaute dou dit gariment à son simple dit sanz charge d'aucu\16ne autre prouve. 12 Et unt renoncié, quant aus dites choses sus la fey et obligacion dessus dites, 13 à toute ayde, à tout bene\17fice de dreit de cort d'iglise et de cort laye et à touz usages et à toutes costumes et à touz extablissemenz faiz \18 et à ffaire et à touz privileges donez et à doner 14 et expeciaument et expressement à excepcion de la dite peccune non heüe, \19 non receüe et à toutes excepcions et decepcions. 15 Ceu fut fait et doné en Mirebeau et seellé dou seel de la dite cort \20 en garantie dous dites choses et jugé à tenir, à la requeste dous diz vendeors presenz par davant nous, 16 au jour dou \21 mercredi en la feste saint Bernabé l'apostre, 17 en quau jour la terre de Mirebeau esteit en la mayn le conte par la mort mon \22 sour Thibaut de Bomez chevaler, jadis seignour de Mirebeau, 18 en l'an de graice mil dous cenz quatre vinz et dez et oict.

Notes de transcription
^[1] tozest répété au début de la ligne 15 .