Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit309

1294, janvier.

Type de document: Charte: échange

Objet: Échange entre Charles d'Anjou et Margarite, sa femme, et l'abbaye de Fontevrault, par lequel les premiers reçoivent de l'abbaye tous les droits que celle-ci tenait d'Henri, roi d'Angleterre et comte d'Anjou, sur le Pont de Cé, contre trois cents setiers de froment de rente, ou l'équivalent, soixante-dix livres de rente en argentc omptant, et soixante livres de rente acquises dans la seigneurie d'Anjou au nom de l'église de Fontevrault.

Support: Charte autrefois scellée^[a].

Lieu de conservation: Archives Départementales de Maine-et-Loire, 192. H. 6. — Abbaye de Fontevraud: domaine de La Nouzillette.

1 Challes, filz dou roy de France, conte de Valoys, d'Alençon, de Chartres e d'Anjou, et Marguerite, fille dou roy de Sezile et compaigne dou dit Challes, 2 à touz ceus qui ces presentes lettres verront \2 et orront, salut pardurable en Nostre Seigneur. 3 Sachez touz que, comme relegieuses persones, l'abbeesse et le convent dou moutier de Fontevraut, eüssent eü et tenu et paisiblement poursis d'ancienneté, des \3 le tens que memoire d'omme ne se puet recorder ne remembrer, 4 et oncores eüssent, tenissent et porseïssent en non de elles et de leur moutier de Fontevraut, si comme elles disoient, le Pont de Saé ou le paage, ou \4 le pontenage, les peescheries et cinc molins, 5 c'est à ssavoir: deus penduz, et trois en baz et en forainnes; 6 aus quieus molins les dites relegieuses avoient droit et ont eü d'ancienneté que ceus qui vendroient et voudroient \5 mosdre aus devant diz molins ne fussent empeeschiez ne destorbez, et ensurquetout le voillage dou vin en aucunes parties de Loyre; 7 nous, quanque elles ont es devant dites choses, avons receü des dites relegieuses \6 8 e les dites relegieuses le nous ont otroyé, par non et par tytre de permutacion, à nostre requeste, pour nostre grant et evident profit et de nostre contee d'Anjou ensemblement o touz les droiz que les dites relegieuses avoient en \7[...] dites choses, 9 des l'un chief dou pont jusques à l'autre chief, o toute la joustice que elles i avoient 10 ensemblement avecques les mesons o les ylles et o les autres choses qu'elles ont entre les deus chiés dou \8 pont [dev]ant dit et les fuies de l'eve entour le dit pont tant seulement; 11 les queles choses estoient à icelles relegieuses et à leur moutier devant dit et appartenoient à icelles relegieuses et à leur moutier devant dit d'ancienneté, 12 et \9 meesmement de la largece et dou don de noble prince et de clere memoire, 13 Henry, roy d'Engleterre et conte d'Anjou en iceluy tens, et par autres tytres et causes droiturieres 14 c'est à ssavoir, pour les choses qui s'ensieuent, \10 les queles nous otroions ensement et assignons aus dites relegieuses et à leur moutier devant dit, par non de tytre et par reson de la permutacion devant dite, pour les devant dites choses qu'elles nous ont ainsint \11 otroyees, 15 c'est à ssavoir: troys cenz setiers de froment bon et nouveau de annuel et perpetuel rente, franche et quitte, à la mesure de Gennes, 16 à avoir, à prendre et à recevoir des dites relegieuses ou de leur commandement, \12 des ore en avant perpetuelment, touz les anz sus noz fromentages de Valee et sus les frui[z] et sus les issues et sus les obvencions d'iceus fromentages au port de Gennes, 17 sus la fuie de l'eve devers la Valee à la feste de toz sainz par les mains de celuy ou de ceus qui levera, des ore mais en avant chascun an, les devant diz fromentages ou les fruiz d'iceus jusques à la value des troys cenz setiers de froment; 18 les quieus fromantages \13 [les] [rec]eveurs d'iceus diz fromentages nous assignons et obligons especiaument à leur fere le paement dessus dit; 19 et voulons que les dites relegieuses puissent acquerre, avoir et tenir une meson ou une place contenant en\14viron deus arpenz de terre pour fere meson à mettre le dit blé ou leur autre necessité au Torroil ou à Gennes, ou environ, 20 en tele maniere que, s'il avenoit par aucun cas que les fromentages devant diz ne souffisissent \15 ou ne peüssent souffire à faire le paiement des devant diz troys cenz setiers de froment, 21 nous voulons et otroyons que ce qui se deffaudra do paiement devant dit chascun an soit sopployé et payé aus dites relegieuses \16 chascun an à Saumur, au terme devant dit, de noz biens de nostre contee d'Anjou devant dite. 22 Et ensurquetout, nous otroyon en cete permutacion devant dite, et en non d'icele, aus dites relegieuses ensemblement o les trois \17 cenz setiers de froment devant diz, 23 et perpetuelment assignons à iceles et à leur moutier devant dit, pour les choses devant dites que les dites relegieuses nous ont otroyees en cete permutacion, si comme il est dit par dessus, \18 24 soixante et diz livres de monnoye corant de annuel et perpetuel rente franche et quitte, à avoir, à prendre et à recevoir à Saumur de nous et de noz successeurs qui tendront nostre contee d'Anjou devant dite, et de ceus qui \19[...] avront cause de nous, à la quinzaine de la feste de touz sainz, des ore mes en avant touz les anz. 25 Et prometons, nous et noz successeurs en nostre contee d'Anjou devant dite et ensemblement noz hoirs et \20 [ceus] [qui] cause i avront de nous, 26 paier et rendre, des ore en avant touz les anz, les devant dites quantitez de froment et de deniers devant diz aus dites relegieuses ou à leur commandement, 27 et les leur fere paier et \21[...] à noz couz, à noz despens, et aus couz et aus despens de noz successeurs et de noz hoirs, quittes et franches, aus termes et aus lieus dessus diz des ore mes perpetuelment, touz les anz; 28 et les devant dites \22[...] de froment et de deniers devant diz de annuel rente delivrer et fere franches de toutes charges, de touz empeeschemenz, de toute perturbacion, inquietacion, de moleste, de tout devoir, de toute servitude, de \23[...] estacion, de toute coustume, et de tout contredit; 29 et iceles quantitez franches de toutes charges guerir et deffendre contre touz, et prendre le plait contre touz pour les dites relegieuses, se empeeschement n'i \24 venoit par leur fet en jugement et dehors, toutes les foiz qu'elles en requerroient nous ou noz hoirs, 30 se ainsi avenoit qu'elles fussent troublees ou molestees par aucun sus les devant dites quantitez, 31 ou se elles estoient em\25peeschiees par nous, ou par aucun qui eüst cause de nous, qu'elles ne les peüssent prendre et avoir perpetuelment tous les anz franches et quittes. 32 Et se il avenoit que les paiemenz dou blé ou des deniers dessus diz ne fussent parfez \26 en touz ou en partie[...] genz, 33 nous prometons et donnons aus dites relegieuses, pour les dommages et por les deffauz des diz paiemenz, pour chascune semaine, un marc d'argent \27[...] permutacion devant dite. 34 Et leur avons otroié et otroions et leur avons covenancié et promis et en covenançons et prometons que les dites relegieuses et leurs nonnains, leurs freres et \28 et touz leurs hommes, et de leur moutier devant dit de Fontevraut et des menbres de celui et de leurs lieus, de leurs priourez et de leurs mesons toutes de celui moutier 35 qui sont, \29 seront et remaignent, des or en dreit, frans et quittes de tout paage, pontenage, de coustume, de servitute, de prestacion, et de toute exaction, 36 tant par reson de leurs personnes \30[...] et mener ou tens à venir par l'eve et par la terre, soit par reson de leur usage ou d'autre profit ou par queque cause que ce soit, 37 sanz marcheandise et sauf les choses qui \31[...] dou dit pont et en la paagerie dou dit pont, par reson des dites relegieuses. 38 Et fu acordé que se aucun d'autre lieu venoit demourer en leurs lieus par fraude ou par barat, 39 il ne \32[...] et sont et seront et remaignent des or en droit, par l'acort devant dit fet entre nous, 40 frans et quittes de toute servitute, d'arpentage, de toute ayde, et de tailliee ou d'autre exaction \33[...] ou à li reedifier, 41 s'il avenoit par[...] que coustume ou tailliee ou aide ou autre exaction fust mise, levee ou establie por les choses devant dites fere, ou por autre reson, ou tens à venir \34[...] les possessions muebles et inmuebles et touz leurs autres biens acquis ou acquerre sont et seront et remagnent, des or en droit, frans et quittes, de tout en tout, de toutes les servitutes et de toutes les exactions devant dites, c'est \35[...] reedifier le dit pont. 42 Et par l'acort fet entre nous en cete devant dite permutacion, 43 nous leur otroions et prometons toutes ces franchises devant dites leur garder, desoremes perpetuelment, 44 et prometons \36[...] ne noz successeurs ne noz hoirs ne vendrons contre les devant dites choses, ne aucunes d'iceles, des ore en avant ou tens à venir, 45 mes garderons toutes les devant dites choses et chascune d'iceles, en tout et par tout, enterinement. \37 46 Et est à ssavoir que toutes les autres chozes[...] est fet en cete lettre mencion demorront aus dites relegieuses en autel estat comme il estoient pardevant. 47 Et renoncions en toutes les choses devant dites et en chascune d'iceles \38 à toutes excepcions de barat[...] decepcion; 48 et especiaument nous Marguerite, contesse devant dite, renoncions, expressement avisee et acertenee sus ce, à benefice de droit qui deffent et devee que les choses de \39[...] ne puissent estre alïenees[...] 49 les devant diz Challes, contes, et Marguerite nostre compaigne contesse, que es devant dites quantitez de fromment et de deniers de rente annuel, de nous à iceles relegieuses \40 otroiees et assignees si comme il[...] en la franche percepcion d'iceles, 50 et ensurquetout es franchises et en toutes les autres choses dessus dites ne molesterons, des ore mes, les dites relegieuses ou tens à venir \41[...] 51 nous ne noz hoirs[...] nous, la contesse devant dite, par reson de doaire ne par nule autre reson n'i reclamerons riens, des ore en avant, ne ne porrons riens reclamer ne ne \42[...] encontre les relegieuses devant dites[...] en aucunes d'iceles. 52 Et pour reson dou dit eschange, nous Challes et nous Marguerite donnons et otroions, de grace especial aus dites relegieuses \43[...] eglise 53 qu'elles puissent tenir et porsure à[...] soixante livres de rente qu'elles ont acquises eu non de la dite eglise de Fontevraut en nostre contee et en nostre seigneurie d'Anjou en divers lieus, 54 c'est \44 [à] [ssaveir]: vint livrees de rente ou paage de[...] que le seigneur de Montsoriau a donné à frere Guillaume Buef, frere de Fontevraut et prieur de Saint Ladre, et à ceus qui cause avront de luy; 55 et vint \45[...] rente sus la baillie de la place en la parroisse de Chantelou et en la parroisse de la Plaine ou fié de Passeavant qu'elles acheterent de Guillaume dou Fresne, chevalier, 56 et sus le fié de Maytré en la \46[...] Moustereu Berlay que feu Huguet Buef, vallet, leur ausmona, et sus les choses que Macé Bernier a et tient ou fié de Maytré, et une ylle en Layre devant l'ylle au seigneur dou Pavement \47[...] de nous que feu Macé Malefin leur aumosna, 57 et puet valoir quarante souz de rente, et sept quartiers de vigne et une meson et deus apentiz que feu André Bichon leur \48[...] son filz, et quatre quartiers de vigne et diz solz de rente que feu Boudait et sa mere leur aumosnerent, et quatre quartiers de vigne que feu Renaut de Merhoudi leur vendi, 58 et sont \49[...] et pueent valoir sis livres de rente, et un arpent et demi de vigne, et deus arpenz et demi de terre, et trois quartiers de pré, et sont ces arpenz en \50[...] entour quarante solz de menuz cens; 59 et ces choses leur aumosna Johan le Bouchier de Brion, et les doit tenir sa vie, et sont toutes ces choses entour Brion \51[...] pueent valoir entour quatre livres de rente; 60 et le tierz dou Molin au Juef qu'elles acheterent de Pierre, de Symon dou Molin au Juef, freres, et puet valoir seze solz \52[...] ens, 61 et trois setiers de fromment et deus setiers d'avoine que feu Pierre Morer et sa fame leur aumosnerent qui valent vint et trois solz de rente, et sont dou fié Henry \53[...] solz que Aymeri de Bou, vallet, de la parroisse de Lonc que leur a aumosné sus touz ses prez qu'il a ou fié des Montiz, qui sont dou fié aus dites relegieuses, 62 et \54[...] et ont ces choses dessus dites ainsi acquises, si comme elles dïent, 63 sanz estre contraintes de par nous ne de par noz successeurs, des ore en avant, à mettre les hors de leur \55[...] joustice et, sauf en autre chose, nostre droit et l'autrui. 64 Et prometons fere et pourchacier que nostre chier frere et seigneur, le tres noble roy de France, weille et otroie et conferme \56[...] et les convenances dessus dites. 65 Et confessons et reconnoissons que les dites relegieuses nous ont baillié et livré les lettres qu'elles avoient dou don dou dit pont seellees dou \57[...] 66 et unes autres lettres qu'elles avoient d'une composicion fete par rayson dou dit pont entre elles et l'abbé et le convent de Saint Aubin d'Angiers, seellees dou seel au roy \58[...] ce soit ferme et estable, 67 nous Challes et Marguerite devant diz avons donné aus dites relegieuses ces presentes lettres seellees de noz propres seaus. 68 Ce fu fait et donné l'an de l'in\59[carnacion] [n]ostre Seigneur mil deus cenz quatre vinz et treze ou moys de jenvier.

Notes de fiche
^[a] Le document est très abîmé sur le côté gauche, et le commencement de la plupart des lignes manque ou reste illisible.