Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit290

1270, mai.

Type de document: Charte: donation

Objet: Riallen du Temple, sénéchal de Nantes, au nom de Jean duc de Bretagne, donne à Jeanne de Bremes, abbesse de Fontevrault, trois emplacements situés à Nantes dans la paroisse Sainte-Croix près de maisons appartenant à l'abbaye; en échange le duc reprend le droit de passage que les religieuses avaient à travers son verger; elles paieront aux personnes qui tenaient ces lieux vingt sous de rente annuelle et les estagers qu'elles pourraient y établir obéiront au duc comme les bourgeois de Nantes.

Support: Charte autrefois scellée.

Lieu de conservation: Archives Départementales de Maine-et-Loire, 158. H. 1. — Abbaye de Fontevraud: domaine des Iles de Vert.

1 À touz ceus qui cestes presentes letres verront ou orront, 2 Riallen dou Temple, seneschau de Nantes e de la \2 Mee en celui tens, saluz en Nostre Seingnor. 3 Sachent touz que nos avons baillé e otroié, ou non mon seingnor \3 Jahan duc de Bretaingne e de son comandement, 4 à relegiose dame, à Johane de Brene, abbaesse de \4 Frontevaux en celui tens, e au covent de celui leu, por non d'eschange, 5 une place que Macé Maillart a\5voit asise delez les mesons à la dite abbaesse e au dit covent, 6 e une place que Guillaume Godart avoit \6 asise delez celes mesons, 7 e une place que Guillaume Herloin avoit asise delez la place au dit Guillaume \7 Godart en la parroisse Seinte Croiz de Nantes par devers la rue par ou l'en vet au port, que l'en apele \8 le Port Brient Maillart, 8 à avoir, à tenir, à porseoir e à esploiter à la dite abbaesse e au dit covent \9 e à lor successors ou à lor comandement, à touz jors mes, en pes e en repos, e à totes lor volentez en \10 fere, 9 por la voie que cele abbaesse e celui covent soloient avoir e avoir devoient, si come il di\11soient, à aler as davant dites mesons par devers le vergier au dit duc dou Boffei de Nantes. 10 La \12 quele voie remaint au dit duc e à ses heirs à touz jors mes, por l'eschange desus dit, 11 en tele \13 maniere que la dite abbeesse e le dit covent e lor successors sont tenuz e seront, des ores mes, ren \14dre des davant dites places, par chescun an, au davant dit Macé Maillart e à Guillaume Godart e \15 à Guillaume Herloin desus nomez e à lors heirs ou à lor comandement en Nantes 12 vint souz de cens \16 tant solement en la vegile de la nativité Seint Johan Baptiste, 13 en tele maniere que si il avenoit que \17 estagiers mainsissent en celes places, que il obeiroient por le dit duc e por ses heirs, ausi come ses \18 autres borgeis de Nantes. 14 E est tenuz le dit duc les dites places garantir e defendre à la davant \19 dite abbeesse e au dit covent e à lor successors contre totes genz, segon l'usage dou païs, en rendant \20 les vint souz de cens au terme devisé, si come il est dit par davant. 15 E, en tesmoing de ceste chose \21 nos donames à la dite abbaesse e au dit covent cestes letres seellees de nostre seau. 16 Ce fut fet \22 ou mois de mai l'an de grace mil dou cenz sessante e diz.