Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit281

1280, 27 mars.

Type de document: Charte: accord

Objet: Accord entre les religieuses du couvent de Fontevrault et Guillaume de Curçay, chevalier, réglant leur différend au sujet de l'eau venant de l'étang d'Abin pour les moulins des dites religieuses.

Support: Charte autrefois scellée.

Lieu de conservation: Archives Départementales de Maine-et-Loire, 101. H. 194. — Abbaye de Fontevraud: titres de frêches.

1 À toz ceos qui verront e oiront cetes presentes leitres, 2 Guy de Tornebuf, chevaler, seneschau lores mon \2 seignor lo rey de France en Peyto e en Saintonge, saluz en Nostre Seignor. 3 Sachent toz que cum contenz \3 fust meü par davant nos entre religioses dames, l'abaesse e le convent de Fontevraut, d'une partie, e Guillau\4me de Cursay chevaler de l'autre, 4 sus ceo que les dites religioses disent e afferment que le dit chevaler \5 ne poët pas detenir l'ayve en l'estangt de Aboig que ale ne descendit 5 e deut descendre par l'ancion cors à venir \6 tout dreit aus molins des dites religioses qui sont au desoz dou dit estangt 6 le dit chevaler le contraire affermant; \7 7 en la parfin, paiz fut faite do dit contenz ou Nicholas de Lachenau, clerz procureors des dites religioses avant \8 especiau commandement à ceu d'une partie, e ou le dit chevaler de l'autre, en tele megnere: 8 c'est à saveir que au dit \9 estangt de Aboig remaindra tres piez e demé de ayve tant solement ou meyns, si le dit chevaler viot mesurez \10 desus la pille de la bunde assise en l'ancien cors, 9 e le surplus de tres piez e demé de ayve les muners des dites reli\11gioses porront prendre à aver e esplecter toutes les foiz que mester sera aus diz molins, 10 sanz espeichement que \12 le dit chevaler ou ses hers ou ses successors y puissent meitre des yci en avant. 11 E est acordé entre les dites parties \13 que le dit chevaler fera une autre bonde au plus pres de la davant dite bonde que ale porra estre fayte, sanz cele destrui\14re ou empeyrer, do haut par desus l'autre de tres piez e demé, si comme est dit desus, e si sofisant que l'ayve descendra \15 convenablement au diz molins. 12 La quele bonde porront lever les muners des diz molins e prendre l'ayve si comme est dit \16 par desus par la bonde souverayne toutes les foiz que il verront que mester sera au diz molins. 13 E seront les muners des diz \17 molins tenuz par sayrement fait par davant le commandement au dites religioses à garder l'ayve au prou des davant dites \18 parties juques à la quantité par davant dite, se le dit chevaler les en semont une feiz chascun par tot le tens que il demorront mu\19ners des diz molins, 14 e ne porra aucun prendre la dite ayve si il n'est juré, ou si on ne reymait par le dit chevaler que il ne \20 seit pas juré. 15 E à ceste paiz tenir e garder, le dit procureor, par non des dites religioses, e le dit chevaler por se, presenz par \21 davant nos, 16 condempnames e jujames par le jugement de la cort mon seignor lo rey de France, presenz Symon de Baudiment \22 e Hugues de Aneres chevalers, maytre Robert de Bec clerc e Johan de Cleyse, au jor de mecredi enprés \23 la feste de l'annunciacion nostre Dame en l'an de grace mil e dous cenz e quatre vinz. 17 E commandames à Guillau\24me le Vyler, portant le seau mon seignor lo rey de France de la seneschaucie de Peyto establi à Peiters, que il \25 au leitres faites sus[...] aposat le davant dit seau e[...] ^[1] des davant dites choses. 18 E nos le \26 devant dit Guillaume à ceites[...] presentes leitres, deu commandement au davant dit seneschau, aposames le davant \27 dit seau au jor e en l'an par desus diz.

Notes de transcription
^[1] 10 à 12 lettres effacées .