Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit273

1297, 6 juin.

Type de document: Charte: vente

Objet: Aymeri Girart de Bernezay et Johenne, sa femme, vendent à Guillaume de Saint-Michau de Bernezay trois pièces de vigne, moyennant une rente annuelle en vin.

Support: Charte scellée; en très mauvais état, environ le tiers du contenu est illisible vers le côté droit.

Lieu de conservation: Archives Départementales de Maine-et-Loire, 101. H. 76. — Abbaye de Fontevraud: contrats entre tenanciers.

1 À toz ceous qui verront e orront ceites presentes leitres, 2 nous Agnaice dame de Vereres[...] ragnor. 3 Sa\2chent tuit presenz e à venir que par davant nous en nostre court en dreit personement establiz, Aymeri Girart de Ber\3nezay e Johenne sa fame 4 recogneurent que il ont vendu e otreyé e neys vendirent davant [nous] à toz [jourz] [mes] \4 por ous e por lors heirs, 5 à Guillaume de Saint Michau de Bernezay e à ses heirs e à ses successors e à ceous qui ont e avront \5 cause de ous, 6 treis jueiz de vignes don sex euvres sont assises en la couste do mollin Regnaut, tenanz la [dite] vigne Perrenelle la Cacande d'une partie, e jouste la vigne Aymeri Ardré e Micheau Coutanz de l'autre partie, 7 e les[...] \6 sex euvres sont assises au Trenbley, tenanz à la vigne Johan Hernaut d'une partie, e la vigne Aymeri[...] de l'autre \7 partie 8 les quelles vignes desus dites les diz vendeors tendront e avront do dit Guillaume e de ses heirs à une[...] vin de \8 rente chescun an ensenbleement ou une autre paelle de vin de rente, 9 la quelle le dit Guillaume[...] \9 vignes desus dites avant que ceite vencion fut faite. 10 E fut faite ceite vencion por le pris de quatre[...] de la moneie \10 courant des queus les diz Aymeri e Johenne se tindrent davant nous por bien paiez do dit Guillaume en[...] \11 [abrenunci]erent, quant à ce, à tote excepcion de denie[r]s non nonbrez e non renduz. 11 Les quelles vignes desus dites mouvent[...] e sont \12 assises en nostre fyé; 12 la quelle paelle de vin de rente les diz vendeors promistrent e sont tenuz rendre au dit[...] e à ses heirs e \13 à ceous qui cause ont e avront de par luy en la ville de Bernezay lai ou le dit Guillaume e ses heirs vodront[...] l'autre \14 paelle de vin de rente au jor e en la jorneye que les vignes desus dites seront vendengees. 13 E sont tenuz[...] [a] rendre \15 le dit vin au dit Guillaume e aus siens en la menere desus dite, bon e pur e leiau, à lors propres despens ensemble[...] \16 peyne toz les jorz e totes les feiz que les diz vendeors deffaudront de rendre au dit Guillaume ou aus siens les[...] \17 de vin de rente chescun an. 14 E vodrent e acorderent enseurquetot les diz vendeors que totes les feiz que il deffaudront[...] \18 les vignes desus dites ou chescune por sei de totes les faiçons ou chescune por sei des quelles elles deivent estre[...] \19 15 coustume de noz quarz que le dit Guillaume ou le siens prengent e aient en lor mein les dites vignes come lor[...] \20 me les lors propres e tiengent e expletent à toz jorz mes au deveir que nous i avon, 16 c'est à ssaveir: le quart en l'estat e en la \21 menere que les diz vendeors l'aveient de nous e teneient chescun an. 17 Les quelles vignes desus dites e chescune por sei, les diz \22 vendeors promistrent e sont tenuz garentir e deffendre au dit Guillaume e aus siens de toz e contre toz e de toz[...] \23 delivrer à toz jorz mes au deveir desus dit. 18 E à totes ceites choses, e chescune por sei, tenir e garder e enteriner à toz \24 jorz mes, les diz vendeors obligent ous e lors heirs e toz lors biens, e especiaument totes les choses[...] \25 tiennent de nous en noz fiez ou en noz rerefiez. 19 E promistrent enseurquetot les diz vendeors por lor fey que il[...] \26 ja mes ne ne feront venir, por ous ne por autres, contre la tenor de ceites leitres por raison de heritaige[...] \27 de douaire, de don por noces, ne por autre raison ne por autre cause. 20 E abrenoncierent, quant à ce, à tot excepcion[...] \28 e en fait e à tot ayde e benefice de dreit escrit e non escrit, à tot priviliege doné e à doner, à tot establisement[...] \29 e à totes autres raisons e allegacions par les quelles ceites leitres porreient estre anychilees ou corrompues[...] \30[...] partie. 21 E nous les diz Aymeri Girart e Johenne sa fame, davant nous presenz e consentanz, de ce tenir[...] \31 contre nul jor, avon condampnez e jugez par le jugement de nostre court. 22 Ce fut fei[t] e doné à Lo[dun][...] \32 e seellé de nostre seiau do quel nous uson, sauve nostre dreit e tot autruy, 23 le joudi aprés la Penthecoste, l'an de \33 grace mil dous cenz quatre vinz e dez e seipt.