Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit265

1286, 15 février.

Type de document: Charte: vente

Objet: Hemeri Bellon, clerc, et Johanne, sa femme, demeurant à Marnes, vendent à Renaut Senglier, valet, un hébergement dans la ville de Marnes.

Support: Charte scellée.

Lieu de conservation: Archives Départementales de Maine-et-Loire, 101. H. 58-68. - Abbaye de Fontevraud: Titres de la famille Sanglier.

1 À toz ceux qui verront e orront cestes presentes letres, 2 Hemeri Bellon, clerc, e Johanne sa fame, demoranz à Marnes \2 en la dyocese de Peytiers, saluz en Nostre Seignor. 3 Saichent tuit 4 que nous avon vendu e vendon par commun acort e \3 otroion par num de vencion 5 à Renaut Senglier, vallet, e à ses hers e à ses successors, à toz jorz mays, 6 un herberge\4ment assis en la ville de Marnes e toz les murs tenanz au dit herbergement e o totes les apartenances seanz de\5denz les diz murs dou dit herbergement tenant au vergier Pierre le Brotier par devers Epeluche \6 d'une partie, e au vergier Johan Petit de l'autre partie; 7 movant le dit herbergement o ses dites aparte\7nances de religieus home e honeste de frere Johan de Fayn, prior de Nostre Dame do chateau de Lodun, à \8 dous parisis de cens tant solement, rendables à la feste saint Johan decollaycé, à Marnes au dit prior \9 e à ses successors ou à leur commandement chascun an, 8 à avoir, à tenir e à possaer tot le dit herbergement, si com \10 il se porporte en lonc e en lé, o tot le fonz où il siet e o totes ses dites autres apartenances, 9 vendu au dit \11 achateor e à ses hers e à ses successors e à ceux qui de par lui cause i auront, paisiblement e pardurablement par nun \12 e par titre d'achat, 10 à en fere tote leur pleniere volenté haut e bas por le pris de quarante e cinc \13 livres de la moneie corant, dont nous tenon por bien paiez e des deniers e dou pris e de la vencion; 11 si que nous \14 transporton eu dit acheteor tote la possession, la proprieté e le demeine de totes les dites choses vendues e de \15 chascune d'icelles quite e delivre par la baillete de cestes presentes letres, 12 cessanz, quitanz e delaissanz absolue\16ment au dit acheteor e à ses hers e à ceux qui ont ou auront cause de lui totes les actions, les droiz e les de\17mandes que nous e chascun de nous avion e poion avoir ou atendion à avoir contre quiconques persones, por raison \18 de totes les dites choses vendues ou d'aucune d'icelles, sanz i riens retenir à nous ne à noz hers ne à noz \19 successors en tot le tens qui est à venir. 13 E einsi nous somes tenuz e oblijon nous e noz hers e toz noz suc\20cessors e toz noz biens, ou que il saent presenz e à venir, à garantir e à deffendre totes les dites choses e \21 chascune d'icelles vendues au dit acheteor e à ses hers e à ses successors ou à ceux qui de par lui cause i auront \22 vers toz e contre toz, as usages e as coustumes dou païs, 14 e toz jorz par droit as diz dous parisis de cens \23 tant solement, si comme desus est dit, e à delivrer de totes perturbations e de toz empeschemenz qui par devers \24 nous ou par devers aucun de nous i porroient sordre e de totes obligations dou tens trepassé; 15 renuncianz en \25 ce fait à l'exception des diz deniers non eüz e non receüz, à totes coustumes e usages contraires, à tot \26 privilege de croiz donné e à doner e à toz autres privileges, à tote excepcion de fraude, de lesion, de decevan\27ce outre metié de leal pris e de tote malefete, à totes autres exceptions, raisons e allegations, tant de \28 droit comme de fait, qui contre la tenor ou la sustance de cestes presentes letres ou contre ce fait en aucune me\29niere porroient estre dites ne obiciés, e à tot droit escript e non escript; 16 e especiaument e expressement \30 ge Johanne desus nummee, auctorizee en tot ce fait dou dit Hemeri mon espous, pramet en bone fey \31 que ge encontre ne vendré, ne ne feré venir por moy ne por autre por rayson de doaire, de don por noces, \32 d'aumosne ne por autre raison, quelle qu'elle soit ou puisse estre, en tot le tens qui est à venir. 17 E einsi nous \33 Hemeri e Johanne desus diz soupplion au dit religieus que il apose son seau à ceste perpetuel chartre en plus \34 grant garantage de verité. E nous, prior desus nummé, à la supplication des diz espous, 18 i avon aposé \35 nostre seau e, comme seignor dou fié, les avon dessaisiz dou dit herbergement e de totes les dites autres cho\36ses vendues 19 e, à leur requeste, en avon vestu e saisi le dit acheteor e ses hers, requis e receü, sus \37 tot ce le jugement de nostre cort. 20 Ce fut fait, nostre seau garant e fiancié des diz vendeors \38 aprés jugement à tenir e de non venir encontre, 21 le vendredi aprés les oictieves de la Chandelor, l'an de gracee \39 mil .CC. quatrevinz e cinc.