Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM278

1265, 25 septembre

Type de document: charte: donation en fief

Objet: Donation en fief par Jean d'Audenarde seigneur de Rosoit à Gobert seigneur d'Apremont de tout ce que Marie de Boucignies, sa soeur, veuve de Geoffroy de Louvain, tenait de Jean à Fassignies, sauf une rente de deux muids de froment qu'elle conserve en la ville.

Auteur: Jean d'Audenarde, seigneur de Rosoit

Sceau: auteur; Marie de Boucignies, sa soeur; Henri, son fils

Bénéficiaire: Gobert seigneur d'Apremont

Rédacteur: chancellerie de Ferri [III] duc de Lorraine [lang; cont; rdexc: CBar; SApremont; même main que ch. 57 (?) et 277]

Support: parchemin scellé de trois sceaux sur double queue (Des Roberts, n^o 3016 celui de Jean, n^o 4697 celui de Marie et n^o 4698 celui d'Henri)

Lieu de conservation: AD MM B 507, n^o 3, layette Apremont

Verso: Letres de ce que messire Jehans d'Audenarde donna mon segnor d'Aspremont Vaicignys en fiés et en hommage (XIV^e s.)

1 Je, Jehans d'Audenarde, sires de Rosoit, 2 fas counisant à tous 3 que je ai dounei à mon chier \2 couzin Gobert, segnour d Aspremont, en fié et en houmage tout ce que ma suers Marie, \3 dame de Baucignis, fame mon segnour Godefroi de Louvaing qui fu, avoit et \4 tenoit de moi en fiés, en la ville, en terroir et en parrochage de Wasignis par le \5 lous de li de Hanri, son fil et de tous ces autres anfans, sauf dous meus de \6 froument qui li demeurent à panre chascun an aus assizes de la devant dite vil\7le de Wasignis. 4 Et la li devant dite Marie et tuit sui enfant, clers et lai, ra\8portei en ma main par devant les houmes de la terre. 5 Et je li devant dit Gobert \9 en ai revestu et li promet envers toutes gans à-porter loiaul garanti et \10 promet en bonne foi que je encontre le devant dit don par mi, ni par autrui, par aucu\11nes raisons ne revenrai jamais, ne en chozes devant dites riens ne recla\12merai, ne ferai reclamer, fors l'oumage et les chozes qui au-tiennent à-l'oumage \13 dou fié devant dit selonc l'usage du pais. 6 Et pour ce que ce soit fer\14me choze et estauble, je ai saelees ces presentes lettres de mon sael. 7 Et je \15 Marie et Hanris, ses fils devant dit, i-avons ausi mins les nos saels en tes\16moignage de veritei pour nous, pour Ernou, pour Godefroi, pour Je\17han et pour tous les autres anfans à leurs requestes. 8 Ce fut fait l'an \18 de l'Incarnation nostre Segnour mil .CC. sexante et cinc ans, le vanre\19di aprés la feste saint Jehan Baptistre.