Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit246

1285, 27 avril.

Type de document: Charte: consentement

Objet: Geoffroy de Puy-Chabot, chevalier, avec l'assentiment de son fils, Hugue de Puy-Chabot, chevalier, donne son consentement à l'achat par le prieur de Saint-Nicolas de la Chaize-le-Vicomte d'un pré situé dans la paroisse de Saint-André-sur-Mareuil, tenu de lui à quarante sous de cens annuel.

Support: Charte autrefois scellée.

Lieu de conservation: Archives Départementales de Maine-et-Loire, H, 3372. — Abbaye de Saint-Florent de Saumur.

1 À toz ceaus qui verront e oyront cestes presentes lettres, 2 Joffrey de Puy-Chaboz \2 chevalers durable saluz en Nostre Segnor. 3 Sachent tuit cil qui sunt e qui à venir \3 sunt 4 que nos le dit Joffrey, de la volunté e de l'asentement Hugue de Puy-Chaboz \4 chevaler nostre fil einsné, 5 le quel est tenuz por la fei de son cors donee en nostre \5 mein à tenir nostre fait, si come il est dessoz continnez, 6 voil e consent e otrey que \6 li prios dau priolé de Saint Nicholas de la Cheze le Viconte, quicunques il seit per le \7 temps qui est à venir ou quicumques hait cause dau dit prios por raison dau priolé davant \8 dit, 7 tienget, porseiet e expleit por sey ou por autre en son nom à toz jors mais un \9 pré le quel est appelé comunaument le Pré Bayver ob les appartenences adiacens au dit \10 pré, assis en la parroisse Saint André sus Maruyl, 8 por quarente sos de moneye corent de \11 annuau e perpetuau cens renduz chacun an à nos ou à nostre comandement per lui ou per le \12 son comendement en la cohue de Maruyl en la feste de la Magdeleine; 9 le quel davant \13 dit prez e les appartenences freres Mathez, en iceau temps prios dau dit priolé, \14 achata daus tenors qui le dit pré teneant de nos au deveir dessus nomé, 10 e nos \15 satifia plenerement des vendes e des henors, come à seignor, des queles nos nos tenons \16 por bien paez. 11 E que ceu seit ferm e estable e que nos seions tenuz à deffendre e à garentir \17 le demeine dau dit pré au davant dit prious, ou à ceaus qui cause havront de luy por \18 rayson dau prioré davant dit, contre toz e vers toz roturerement come sirez à som \19 tenor seculer, en rendent le dit deveir, si come dessus est nomé, quiptement e \20 delivrement, 12 sauve l'amende de la quele il sereit en nostre volunté de prendre, si li payemens \21 dau deveir n'esteit faiz enterinement, si come dessus est dit, 13 nos en obligyam nos e noz \22 hers e ceaus qui cause avront de nos por le temps qui est à venir. 14 E renuncions à \23 tote menere de excepcions e de decepcions qui porreant estre opposeez de nos ou de \24 ceaus qui cause avront de nos por quei li faiz dessus diz ne poüst ou ne deüst estre \25 pas tenuz. 15 E en havon doné au davant dit prios cestes presentes lettres saellees \26 de nostre propre seia dont nos huzam. 16 Ce fut fait e doné le vendredi aprés la feste saint George en l'an de grace mil e dos cens e quatre vins e cinc.