Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit221

1276, décembre.

Type de document: Charte: vente

Objet: Guillaume Auffrei d'Oidelon, avec l'assentiment de Guillaume Auffrei son fils, vend à André de la Baudrière d'Aytré pour douze livres toute sa propriété achetée autrefois à Giraut Pere d'Archeac.

Support: Charte autrefois scellée. Une déchirure sur le bord gauche a fait disparaître les premières lettres à partir de la ligne 43.

Lieu de conservation: Archives Départementales de la Charente-Maritime, Registre H. 15, N° 15. - Hospices de La Rochelle: Aumônerie et Hôtel-Dieu Saint-Barthélemy.

1 Ge, Guillaume Auffrei d'Oidelon, vallet, 2 fois à ssaveir à toz ceaus qui ceste presente chartre veiront e oiront 3 que, cum çayeir\2arrere lonc temps a passé, Giraut Pere d'Archeac m'eüst vendu e livré e otreé tote la dreiture enterinement que il a\3veit, e aveir poeit e deveit, 4 en un mien fé que ge ai pres d'Aytré, e en un autre fei qui est appelé Repaste Chen qui \4 muet d'Anvile e est autressi pres d'Aytré, 5 e tote la dreiture enterinement que il aveit, e poeit aveir e deveit, por quauque manere \5 que ceu fust ou peüst estre, en tote la parroisse d'Aytré e environ, 6 ge fois à ssaveir à toz 7 que totes les davant dites cho\6ses e dreitures enterinement, sanz riens en retenir, 8 que li davant diz Girauz Peres me vendit, si cum dessus est dit, 9 ge, ob \7 l'otrei e ob l'assentement de Guillaume Auffrei mon fil, 10 ai vendu e livré e laissé e quité e otreé à André de \8 la Baudriere d'Aytré; 11 e m'en soi devestu e dessaizi; 12 e l'en ai vestu e saizi e mis en plenere e corporau possession e \9 en pazible e perpetuau sazine à tenir e à aveir e à expleiter à domaine e à durableté à lui e à ses heirs e à ses \10 successors e à lor comandement, 13 e à faire en tote lor volunté delivrement e plenerement, à vie e à mort, sanz con\11tredit, 14 por doze livres de torneis que li davant diz Andrés de la Baudriere m'en a doné e paié enterinement en deners \12 toz contez; 15 les quaus deners ge ogui e recegui e m'en tengui e tienc por bien paiez. 16 E ai renuncié à tote excep\13cion de non nombree e de non eüe e de non receüe pecune e à tote manere de decevance e de menor prez. 17 Veri\14tez est que li davant diz Andrés de la Baudriere aveit e teneit par avant iceste vente de moi à homenage \15 plain e à seissante solz de plait de morte main choses qui esteient par convenances ob les davant dites choses que ge \16 li ai hores vendues, si cum dessus est dit. 18 E por ceu, est convenanz en iceste davant dite vente entre mei e le da\17vant dit André de la Baudriere 19 que il e li son devent aveir e tenir de mei e daus miens les davant dites cho\18ses que ge li ai vendues 20 en la fei e en l'omenage e au plait daus seissante solz dessus diz e souz mon gariment \19 ensembleement ob les autres choses dessus dites que il teneit de moi par avant, si cum dessus est dit. 21 E est à ssaveir que \20 ob faisant à mei e aus miens le davant dit plait de morte main quant il i avendra, si cum dessus est dit, tant solement \21 e nule rien plus 22 ge e mi heir e ma terre e totes les mees autres choses que ge ai e avrai, quauque part que eles seient \22 e seront, mobles e non mobles, 23 sommes tenu à garir e à deffendre durablement au davant dit André de la Bau\23driere e à ses heirs e à ses successors e à lor comandement totes les davant dites choses que ge ai vendues au \24 dit André, si cum dessus est dit, 24 ensembleement ob les autres choses que il teneit de mei par avant, 25 contre to\25tes genz nomeement issi comme sires est tenuz à garir à son homme e generaument de totes deptes, de totes obliga\26cions, de totes exactions, de toz autres devers e servises, de toz autres empaistremenz. 26 E si li diz Andrés ou si \27 heir ou si successor ou lor comandement i aveient ou sosteneent domages en quaucunque manere que ceu fust ou peüst \28 estre, por deffaute de mon dessus dit gariment, 27 ge Guillaume Auffrei dessus nommez e mi heir e ma terre e totes \29 les mees autres choses mobles e non mobles les lor sommes e seriom tenu de rendre e d'amander toz les da\30mages enterinement, à lor sairement sanz charge d'autre prove. 28 E ge Guillaume Auffrei, filz dau davant dit Guillaume Au\31ffrei, 29 fois à ssaveir à toz 30 que mis davant diz peres a fait la davant dite vente e totes les davant dites choses e obliga\32cions e chascune por sei ob mon otrei e ob mon assentement. 31 E ge m'en tengui e tienc por bien paiez, prometanz, \33 soz l'obligacion de toz mes biens presenz e futurs, mobles e non mobles, de non venir encontre ja mais en nul temps por \34 nule manere. 32 E avom renuncié en iceste davant dite vente e en icest nostre davant dit fait en tot e por tot, 33 ge Guillaume \35 Auffrei e ge Willaume sis filz dessus nommé bien e diligentement acertané de nostre fait e de nostre dreit, à tote force e à tote \36 aïue de leis e de canon 34 e à toz privileges e à totes costumes e à totes noveles institucions e costitucions 35 e à toz privile\37ges e à totes costumes e à totes noveles institucions 36 e à toz privileges e benefices empetrez e à empetrer e de croiz \38 donee e à doner 37 e à tote excepcion de fait e de dreit e de tot mauvés contrait e de fraude e de boidie e de \39 decevance, 38 e à tot dreit escrit e non escrit e à totes autres choses enterinement qui de fait ou de dreit nos porreent aiu\40er à venir encontre, fust en cort d'iglise ou en cort laye. 39 E volom e otreom que totes les davant dites choses e obligacions \41 e renunciacions e chascune por sei, qui ne sont ou ne poent estre bien expressees, 40 que seient ogües e tenues por expressés, \42 e que vaugent tot autressi comme si eles esteient expressés en singuler cas. 41 E avom juré sus le Saint Evangile Nostre Seignor, \43 [t]ouché corporaument de noz propres voluntez, 42 à tenir e à garder e à porsegre la davant dite vente e toz les diz e la tenor \44 [de] ceste chartre ferms e estables durablement, sanz ja mais venir encontre por nos ne por autres en nule manere. 43 E en garen\45[tie] de ceste chose, ge Guillaume Auffrei e ge Guillaume sis filz dessus nommé, en avon doné por nos e por toz les noz au da\46[v]ant dit André de la Baudriere e aus sons ceste presente chartre; 44 la quau li nobles homs Guillaume Larcevesque, sires \47 de Chastellaillon, saiela à noz requestes de son saiau, sauve son dreit e l'autrui. 45 E ge Willaume Auffrei dessus nommez i ap\48possai le mien propre saiau en maire garentie de verité. 46 Ceu fut fait l'an de l'incarnacion Jhesu Crist .M.CC. e seissante \49 e seze ou meis de decembre.