Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit219

1270, mars ou 1271, mars.

Type de document: Charte: bail à cens

Objet: Bail à cens donné par Guillaume Helyes, prieur de la Nouvelle Aumônerie de La Rochelle, à Johan Maugarz de Marcillé de trois maisons situées à Marcillé, mouvant de la dite Aumônerie, pour cinquante sous de cens annuel.

Support: Charte autrefois scellée.

Lieu de conservation: Archives Départementales de la Charente-Maritime, Registre H. 15, N° 12. - Hospices de La Rochelle: Aumônerie et Hôtel-Dieu Saint-Barthélemy.

1 Ge Guillaume Helyes, prior adonques de la Novele Aumosnerie de la Rochele, 2 fois à ssaveir à toz ceaus qui ceste presente chartre veiront e oiront 3 que ge, por le proffiet e por \2 l'acressement de la dite aumosnerie que ge i veeie e conoisseie aparissante, 4 ai baillé e livré e otreié à cens à Johan Maugarz de Marcillé treis maisons e les places sus quei \3 eles seient, ob totes lor apartenances, qui movent de la dite aumosnerie qui sunt à Marcillé 5 des quaus l'une maison se tient d'une part à l'arbergement de Roincevaus; 6 e la segonde \4 maison se tient d'une part à la maison aus Bocinarz; 7 e la tierce maison se tient d'une part à la maison de Roincevaus 8 daus quaus davant dites treis maisons e daus \5 places sus quei eles seient e de totes lor apartenance, 9 ge ai vestu e saizi le davant dit Johan Maugarz e mis en plenere e en corporau possession e en pazible e perpetuau saizine \6 à tenir e à aveir e à espleiter à domaine e à durableté à lui e à ses heirs e à ses successors e à lor comandement e à faire en tote lor volunté delivrement, à vie e à mort, sanz contredit, \7 10 por cinquante solz de cens rendant chascun an à mei e à mes successors ou à nostre comandement por les quatre quarterons de l'an, 11 c'est à ssaveir: doze solz e dimé à Pasques, doze solz e dimé à \8 la feste saint Johan Baptiste, doze solz e dimé à la saint Michea, e doze solz e dimé à la feste de Naau. 12 E est à ssaver que por garir e deffendre au davant dit Johan Maugarz \9 e à ses heirs e à ses successors e à lor comandement durablement les davant dites treis maisons, 13 ob totes lor apartenances, franches e quites e delivres de totes deptes e de totes \10 obligacions e de toz alïenemenz e de toz devers e de toz enpaitremenz, ob les diz cinquante solz de cens rendant chascun an à mei e à mes successors, si cum dessus est dit, 14 ge lor en ai obligé \11 speciaument touz les biens qui apartienent à la dite aumosnerie. 15 E si li diz Johans Maugarz ou si heir ou si successor ou lor comandement en faseent coust ou mission ou demore \12 ou don ou promesse ou servise à seignorie ou à autre gent por deffaute de gariment, 16 dont il ou li uns d'eaus por sei ou lor comandement sereent creü en cort e fors cort par lor saigre\13ment sanz autre prove, 17 li bien de la dite aumosnerie lor sunt e seriont tenu de rendre e d'amander touz les demages enterinement sanz contredit e sanz delayement. 18 E ge Johan \14 Maugarz dessus nommez 19 fois à ssaveir à toz 20 que les davant dites treis maisons ob totes lor apartenances ge ai pris dau davant dit prior de la dite aumosnerie por les davant diz \15 cinquante solz de cens, 21 e ge e cil qui les tendrom les lor devom rendre e paier per les davant diz termes. 22 E si nos en deffailliom, il par lor auctorité se poent e devent e porront e devront \16 retorner aus davant dites treis maisons e à lor apartenances e à icele partie per sei que il plus vodreent e gager hi e peignorer haut e bas à lor plaisir e à lor volunté, \17 come en censif qui d'eaus muet, 23 sanz enpaitrement ne contredit ne deffence nule que nos ne autres por nos i puissom faire ne metre par nule manere. 24 Encores fois à ssaveir, \18 25 ge Johan Maugarz dessus nommez, 26 que ge ne mi heir ne mi successor ne autres por nos ne poom, ne ne devom cens ne aumosne crestre sus les davant dites maisons à iglise ne \19 à religion ne à nule autre gent, si n'est à la dite maison de l'aumosnerie. 27 E avom renoncié en icest davant dit ascencement e en icest convenanz e en icest nostre fait, 28 ge Guillaume \20 Helyes e ge Johan Maugarz dessus nommez, 29 à tote force e à tote aïue de leis e de canon e à toz previleges de croisez donez ou à doner e à tote excepcion de fait e de dreit e de \21 decevance e à totes autres choses enterinement qui nos porreent aiuer à venir encontre, fust en cort d'iglese ou en cort laye. 30 E en garentie e fermeté durable de ceste chose, 31 ge \22 Guillaume Helyes e ge Johan Maugarz dessus nommez en avom fait entre nos ceste presente chartre partie par a. b. c., 32 de la quau ge Johan Maugarz dessus nommez en ai doné au dit \23 Guillaume Helyes e à ses successors ceste partie la quau sire Aymar de Born, adonques arcediacres d'Aunis, saiela e conferma, à ma requeste, de son saiea. 33 Ceu fut fait \24 l'an de l'incarnacion Jhesu Crist .M.CC. e seissante e dis ou meis de marz.