Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit211

1248, novembre.

Type de document: Charte: donation

Objet: Arsent, femme de Denis Joubert de Vouvent, donne à bail à Henri l'Angleis, clerc, ses intérêts dans deux maisons situées dans La Rochelle pour le cens annuel de cinquante-quatre sous et huit deniers.

Support: Charte partie par ABC; autrefois scellée.

Lieu de conservation: Archives Départementales de la Charente-Maritime, Registre H. 14, N° 13. - Hospices de La Rochelle: Aumônerie et Hôtel-Dieu Saint-Barthélemy.

Édition antérieure: Publiée, Louis de Richemond, ibid., p. 8-9.

1 Ge Arsent, niepce fahu Johan Achart, femme Denis Joubert de Vovent, 2 fois à ssaver à toz ceaus qui ceste presente chartre veiront e oiront 3 que, cum ge oguis\2se les does parz en does maisons e ous places sus quei eles seient e ou verger qui est entre les does davant dites maisons, 4 les quaus maisons sunt en \3 La Rochele à chep de vile e se tenent d'une part à la maison qui fu fahu Harvé de chep de vile, e d'autre part à la maison Guillame Empaistrevile \4 e Pere Empaistrevile, son frere, 5 e durent de l'une rue jusque en l'autre, 6 les quaus does davant dites parties daus dites maisons e daus places sus quei eles \5 seient e dau dit vergier m'esteient eschaetes de part lo dit J. Achart, mon oncle; 7 ge, ob l'otrei e ob la volunté dau davant dit Denis Joubert, mon seignor, \6 8 ai baillé e livré e otreié à Henri l'Angleis lo clerc, borgeis de La Rochele, 9 les meies does davant dites parties daus dites maisons e daus places sus quei eles \7 seient e dau dit vergier e tote la dreiture enterinement que ge i aveie e aveir poeie; 10 e l'en ai vestu e sazi à tenir e à aveir durablement à lui e à ses heirs \8 e à lor comandement, à faire tote lor volunté delivrement, à vie e à mort, 11 por cinquante e quatre solz e .VIII. deners de cens rendant chascun an; 12 c'est à ssaver: .XL. solz \9 à mei Arsent e à mes heirs ou à nostre comandement par .II. termes de la moneie qui sera prise censau par la vile de La Rochele, 13 c'est à ssaver: .XX. solz à Naau, e .XX. solz \10 à la Saint Johan Baptiste; aus freres de l'ospitau de Saint Johan dau Parroch .XIII. solz e .IIII. deners; aus freres de l'Aumosnerie Vielle de La Rochele .XIVI./ deners. \11 14 E est à ssaver que ge Arsent dessus dite e nomeement li men .XL. solz de cens dessus nommé somes tenu à garir au davant dit Henri lo clerc e à ses heirs e à lor \12 comandement les does parz daus davant dites maisons e daus places sus quei eles seient e dau dit verger contre tote genz aus us e aus costumes de La Rochele fran\13ches, quiptes e delivres de toz deveirs e de toz empaistremenz ob le cens rendant chascun an si cum dessus est dit. 15 E est à ssaver que en icest acenssement e en icest fait, ge Arsent \14 dessus dite, e ge Denis Joubert, sis sires, avom renuncié à tote force e à tote aïue de leis e de canon e à toz privileges e à totes costumes e à totes noveles institucions e à totes choses \15 qui nos porreient aïuer contre le davant dit acenssement, fust en cort d'iglise ou en cort laye. 16 E par ensom iceu, ge Arsent dessus dite ai plevi e fiancé par la fei de mon cors \16 que ge ja mais contre le dit acensement ne contre les diz ne la tenor de ceste chartre ne vendrai, ne autres por mei en nule manere. 17 E por ceu que ceste chouse seit plus ferme \17 e plus estable, 18 ge Arsent dessus dite, e ge Denis Joubert, sis sires, en avom doné au dit Henri ceste presente chartre, 19 la quau sire Raymont de Lopsaut, adonques maires \18 de La Rochele, saela e conferma, à noz requestes, dau saea de la comune de La Rochele en maire garentie de verité. 20 Ceu fu fait l'an de l'incarnacion Jhesu Crist .M. \19 .CC. e quarante e oit on meis de noëmbre.