Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit195

1294, 16 septembre.

Type de document: Charte: vente

Objet: Vente par Pierre Daneis, valet, et Jeanne, sa femme, de plusieurs héritages, droits, coûtumes et seigneuries aux religieux de l'Abbaye de Nouaillé.

Disposant: Vidimus du 2 février 1313.

Lieu de conservation: Bibliothèque Municipale de Poitiers, Collection Dom Fontaneau. – T. 27^bis, p. 121-124. Vidimus du 2 février 1313. Source: Antiquités de D. Étiennot, part. 3, fol. 968 recto.

1 Universis presentes litteras inspecturis Johannes Papinelli \2 custos sigilli domini regis Francorum apud Benaon in \3 seneschalia Xanctonensi constituti salutem in Domino. \4 2 Noverint universi nos vidisse et diligenter inspexisse et de verbo \5 ad verbum legisse quasdam literas sigillo illustris regis Francorum \6 predicti apud Frontenay constituti sigillatas non abolitas \7 non cancellatas non in aliqua parte sui corruptas quarum tenor \8 talis est. 3 À tous ceux qui ces presentes lettres verront et orront, \9 4 Guilhaume Thebaut de Frontenay, clerc, 5 adonques tenant le \10 sceau en la seneschaussé de Xaintonge par notre segnor, le \11 roy de France, establi à Frontenay, salut. 6 Sachent tuit 7 qu'en \12 droit par devant nous personaument establis, Peres Daneis de \13 Saint Sauvor en Aunis, valet, et Johane, sa femme, 8 confesserent \14 eaus avoir vendu, ballié, livré, quipté et octroié, par eaus et por \15 lor hers et por lor successors à perpetuauté, 9 et encore vendirent \16 devant nous, ballierent, livrerent, ballerent, quipterent et octroierent \17 à religioux homes, à l'abbé et au convent de l'abbaye de \18 Noallyé en la diocese de Petiers 10 tout quant que de droit, de \19 demaine, de proprieté, de reson, de segnorie, d'action il avoient et \20 prenoient et aver et prendre poient et deveent en la ville de Saint \21 Sauvor et en tote la paroisse; 11 c'est à savoir, tout quant qu'il avoient \22 et tenoient à fié et à homage de nostre segnor le roy de France \23 dessus dit, 12 excepté ceu qui ont à plain poois, soit en cens, en rentes, en \24 costumes, en complans, en terrages, en franchileches, en homages, en \25 ventes, en deniés, en ferés, en feymetdroit et en totes autres choses, \26 13 quauconques elles soient ou puissent estre ou par quauconques \27 non eles soient nomees et apelees, 14 nommement et expressement \28 la justice haute et basse qu'il avoient et aver poient et \29 devoient en la dite vile de Saint Sauvor et en tote la paroisse et \30 en tos les leus dessus dits, excepté à plain poois; 15 des quas totes et \31 chascune les choses dessus dites le dit Pere Daneis et la dite Johane, \32 sa fame, se devestirent et desaisirent et en vestirent et saisirent \33 les dits abbé 16 et convent et mistrent en plainiere et corporau \34 possession et en pazible et perpetuau sazine en transportant de \35 lor personne ous lor, ob la tenor de ces presentes lettres, 17 tout quant \36 de droit, de domaine, de proprieté, de raison, de segnorie, de justice \37 et d'action et de possession il aveent et prenoient et aver et prendre \38 poient et deveent en la dite vile de Saint Sauvor et en tote et par \39 tote la dite paroisse, 18 sauve et retenu au dit Pere Daneis et à la dite \40 Johane, sa fame, et à lor hers et à lor successors ceu qu'il ont à \41 plain poois et lor arbergement de Saint Sauvor et la mote et la \42 place en qui elle siet, ensembleement ob la grange et ob les vergiers \43 qu'il apartiennent; 19 les quaus arbergements, mote, place, grange \44 et vergiers devent demorer au dit Pere Daneis et à la dite sa femme \45 et aus lor, francs, quiptes, et delivres, 20 sauve deux sols de bone monoie \46 corant d'annayt, et perpetuau cens qu'il et les lor devent rendre, \47 21 apaer chascun an aus dits abbé et convent ou à lor certain \48 commandement en la priosté de Sainct Sauvor à la nativité Sainct \49 Jehan Baptiste. 22 Et est encores à savoir que totes les choses que le dit \50 Peres Daneis et la dite Johane, sa fame, 23 avoient, tenoient et espletoient \51 à la date de cette lettre en routure lor demorent perpetuaument ob \52 rendant et payant les ancianes coustumes aus segnories qui les \53 i ont 24 à tenir et aver, prendre, recever et espleter des dits abbé \54 et convent et de lor successors ou de lor commandement totes et \55 chascune les choses dessus dites, 25 sauves celes qui en sont exceptees, \56 à domaine et à durableté, et à faire en tote lor planiere volonté \57 à vie et à mort, 26 sans contredit, sans reclamation, sans partie, sans \58 droit et sans reson nule que le dit Pere ne la dite Johane ne lor \59 hers ne lor successors i puissent aver, requerre ne demander ja mais \60 à nul temps, 27 pour le pries de doze vingt livres de tornois que le dit \61 Pere Daneis et la dite Jehane, sa fame, connurent et confesserent \62 aver eüs et receüs des dits abbé et convent entrignement en deniers \63 bien et leaument contés; 28 et s'en tindrent et s'en tindront par devant \64 nos por bien paez, 29 et promistrent le dit Pere Daneis et la dite \65 Johane, sa fame, pour eaus, pour lor hers et por lor successors \66 adecertés, 30 et sont tenus garir et deffendre au dessus dits abbé et \67 convent et aus lor totes et chascune les choses dessus dite, 31 sauve \68 celes qui dessus sont exceptees, 32 vers touts et contre tous de totes \69 deptes, obligations, alïenements, empeschements, empestrements et \70 perturbements qui i porroient estre fez et miz, 33 excepté les deniers \71 deüs à nostre segnor le roi de France dessus dit et l'amortissement \72 des dites choses, sus l'obligation de tos lor mebles et non mebles, \73 presents et à venir. 34 Et promistrent le dit Pere Daneis et la dite \74 Johane, sa fame, les dis et la tenor de ces presentes lettres atendre, \75 ensegre et garder bien et leaument, feaument et sans \76 enfraindre et sans venir encontre par eaus ne par autres \77 en nule maniere, 35 sus la vertu de lor sacrement doné sus ceu \78 aus Sains Evangiles Nostre Segnor tochiés corporaument, \79 36 renonciants à tote exception de deception, de fraude, de \80 boisdie, de tricherie, de paor, de machination, de circonvention, \81 37 à restitution en enterim et à tote exception de deniers non eüs \82 et non receüs et à tote decevance d'outre moitié de droiturier \83 priez 38 et à tous privileges et benefices de croiz donné et à \84 doner et octroiés à fames et à octroier, 39 soit par oscle, par \85 doaire, par mariage ou par donacion faites par noces \86 ou entre vis et au benefice de velleien et à totes icelles choses \87 entrignement 40 et chacune par soy qui de droit ou de fet ou \88 de coustume porroient aidier à eaus ou aus lor à aller \89 ou venir encontre les dits et la tenor de ces presentes lettres, \90 41 fust en cor d'eglise ou en cor laie, et speciamment \91 au droit qui dit que generau renunciation ne vaut pas. 42 En \92 garentie de la quau chose, nos Guillaume Thebaut dessus dit, \93 43 oye la confession des dits Pere et Jehane, les avons jugié \94 sus ceu par le jugement de la cort nostre segnor le roy \95 dessus dit 44 à la jurisdiction et cohercion dau quau il \96 somistrent eaus et tos lor biens, quant à cest fait, sans \97 autre segnorie avoher 45 et avon saelé ces presentes lettres \98 dau dit seau, à lor requestes, sauve le droit nostre segnor le \99 roy et de tous autres. 46 à cette chose oïr, octroier et veer, furent \100 presents apelés par garenties frere Guillaume de Liege, \101 adonques commandor do Temple de La Rochelle, Guillaume \102 d'Esnande et mestre Hugues de la Boissiere. 47 Ce fut fait et \103 donné le josdi aprés l'exaltation Sainte Croix, l'an de \104 grace mil et deux cent quatre vingt et quatorze. 48 In cujus \105 rei testimonium nos predictus Johannes Papinelli huic \106 presenti vidisse sigillum predictum duximus 49 apponendum \107 testibus ad hoc evocatis religioso viro priore Sancti Salvatoris \108 d'Alnicii Johanne Giraudo et Johanne Gilberti. 50 Datum \109 die veneris in Purificatione Beate Marie virginis anno \110 Domini millesimo trecentesimo duodecimo 51 constat nobis \111 de subscriptione ob rendant et est sub sigillo datum die \112 et anno ut supra.