Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit193

1266, janvier.

Type de document: Charte: jugement

Objet: Jugement rendu par Willaume, bailli de Hugue Larchevêque, seigneur de Parthenay et de Vouvent, en faveur des religieuses de la Trinité de Poitiers, au sujet de quelques sept setiers de sel qu'on leur devait à Angoulins en Aunis.

Lieu de conservation: Bibliothèque Municipale de Poitiers, Collection Dom Fontaneau. – T. 27, p. 167-168. Source: Archives de l'Abbaye de la Trinité de Poitiers.

1 Ge, Willaume, baillis adonques mon seignor Larcevêque \2 en l'enor de Chastelaillon, 2 fois à ssaveir à tos ceaux qui cestes \3 presentes lettres verront et oiront 3 que ge ai veü et leü, des le \4 commencement en jusqu'en la fin, la lettre au dit mon seignor \5 Hugue, saielee de son propre saiau, non cancellee, non effacee, \6 non en riens blecee en la forme emprés legant: 4 Hugues, dit \7 Arcevesque, seignor de Partenay et de Vovent, à sire Guillaume \8 de Faye, borgeis de la Rochele, salus et bone amor. 5 Cum religiouse \9 dame, l'abbaesse de la Sainte Trinité de Peiters nos ait fait à ssaveir \10 6 que vos li devez chascun an sept sesters de sau à la mesure de Aytré \11 sus unes salines d'Engolins, qui sunt appellees la Thebaut 7 par raison \12 d'une compositium de pais qui fut faite jadis des dites salines entre vos \13 ancestres d'une partie et les ancestres de la dite abbaesse de l'autre, 8 et vos \14 ne li vougez pas rendre la dite sau, fors que à cele mesure qui est \15 novelement etablie à Aytré; 9 et la dite abbaesse i seit mout endamagee, \16 si cum ele nos fait entendant, 10 nos vos mandons que vos li rendez la \17 dite sau à la mesure communau et tant plus cum la mesure qui \18 esteit davant l'establissement valeit plus que ceste d'ore, 11 quar nos \19 ne voluns pas que la dite abbaesse, por nostre establissement, seit en\20damagee et en faites, tant que nos ne nos alloëz ne n'oyons plus pleinte. \21 12 E por ceste chouse que nos vos mandons, nos en avom doné cestes \22 presentes lettres à la dite abbaesse saielees ou nostre saiau. 13 Ceu fut fait \23 à Peyters le josdi emprés la feste saint Micheau en l'an de l'incarnatium \24 nostre Seignor .M.CC./ et seissante et cinc. 14 Por la quau chouse, de la \25 volunté et de l'assentement à Mascé de Pruil, le clerc, procuror à la \26 dite abbaesse et au dit Guillaume de Faye, 15 enquis et en serchay bien et \27 leaument et diligentement, à mon poeir ob bones gens, 16 cumbien l'enciene \28 mesure, qui soleit corre à Aytré et en la chastelanie de Chastelaillon, \29 esteit greignor de cele qui cort or en dreit; 17 et cum ge eüsse trové par \30 la dite enqueste et par le regart de l'une mesure et de l'autre que \31 l'anciene mesure montoit plus de la novele la siste partie, 18 ge, par la cort \32 et par regart de bones gens qui furent present à cestes choses, 19 acorday et \33 jugeay que, des ores en avant, cis qui receveient et qui rendeient les rendes \34 et les ausmones à l'anciene mesure, d'avant que ceste novelle mesure, \35 qui or en dreit cort, fut establie par mon seignor, 20 prengent et rendent \36 à ceste novele mesure la davant dite siste partie par raison dau treis \37 que l'anciene mesure porteit outre la novele. 21 Cestui jugement ge \38 ai fait, quar segont la dite lettre mon seignor, ge entenderé et \39 entendu deit estre par dreit que en semblans chouses deit estre fais \40 semblans jugemens. 22 E por veu que ceste chouse seit plus ferme et \41 plus estable et que contens n'en puisset naitre ou temps qui sont à \42 venir, 23 ge Willaumes li Peintres, baillis, dessus nommez, ai apposé à \43 cestes presentes lettres mon saiau en maire garantie de verité. 24 Ceu \44 fut fait l'an de l'incarnation Jhesu Crist .M.CC./ et seissante et cinc \45 ou meis de janver.