Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit116

1266, octobre.

Type de document: Charte: donation

Objet: Le Temple de La Rochelle donne à bail à Henri le Breton deux maisons situées dans La Rochelle au cens annuel de dix livres.

Disposant: Copie du 7 août 1299.

Support: Charte scellée.

Lieu de conservation: Archives Départementales de la Vienne, H³, liasse 946. — Commanderie du Temple à La Rochelle.

1 À touz ceaus qui cest present transcript verront e oiront, 2 Johan Gaucher, tenant en la Rochele le sayau de la seneschaucie de Xainctonge por \2 nostre seignor le rey de France, saluz en Nostre Seignor. 3 À vostre université faisom assaveir 4 que nos avom veü e mot à mot diligentement parleü une chartre \3 non corrumpue, non malmise, non effacee e sanz vice nulle que ele ait en sei, 5 sayelee dau sayau frere Hymbert de Peyraut comandeor jadis \4 des maisons de la Chevalerie dau Temple en Aquitayne, si cum il appareist en la premere face; 6 de la quau chartre est la tenor itele: 7 à touz ceaus qui \5 ceste presente chartre verront e orront, 8 frere Hymbert de Peiraut, comanderes adonques des maisons de la Chevalerie dau Temple en Aquitay\6ne e visiteres generaus des maisons d'icele meïsme Chevalerie en France, en Engleterre, en Alemaigne e en Provence, saluz pardurable en Nostre \7 Seignor. 9 À vostre université faisom à ssaveir 10 que, cum çayenarrere lonc temps a passé, li comanderes e li frere de la maison dau Temple de la Ro\8chele eüssent baillé e livré e otreié 11 à Guillaume le Breton, barbeor, borgeis de la Rochele, 12 une place que la dite Maison dau Temple aveit en la Rochele \9 detreis les Petiz Changes en la tornere si cum l'om vait dau port, ou l'om vent le peisson, e l'on entre en la Doriderie à main destre, 13 à faire e à \10 edeffïer de maison e à tenir e à aveir e à espleiter à lui e à ses heirs de sa charn descendant; 14 e por ceu que Dieus a fait son comandement \11 de toz les heirs qui sunt eissu dau davant dit Guillaume le Breton, 15 li diz Guillaume ait desja laissé e quipté à la dite Maison dau Temple de la \12 Rochele la dite place e la maison que il i a fait e edeffïé; 16 e nos ait, ob tot iceu, li diz Guillaume doné e laissé, en pure e en pardurable aumosne, une maison \13 franche que il aveit joste l'autre maison dessus dite 17 d'une part e d'autre part se tient à la maison qui fut fahu Arnaut de Parage 18 nos faisom à ssaveir \14 à touz que nos, por le bien e por la creissement de nos e de noz successors e de la davant dite maison dau Temple de la Rochele, 19 que nos veïsmes e coneguismes \15 appareissant en icest fait, ob l'otrei e ob la volunté e par le conseil de frere Pere dau Legé, comanderes adonques de la dite Maison dau Temple de la Ro\16chele, e de touz les freres d'icele maison 20 e à la priere e à la requeste dau davant dit Guillaume le Breton, avom baillé e livré e otreié à cens les \17 does davant dites maisons qui furent au dit Guillaume, e les places sus quei eles seient, à Henry le Breton, nevou dau dit Guillaume; 21 e l'en avon \18 vestu e saizi e mis em plenere e corporau possession à tenir e à aveir e à espleiter durablement à lui e aus heirs de sa charn descendant 22 por \19 dis livres de cens de la moneie qui sera prise censsaument par la ville de la Rochele, rendant chascun an au comandeor e aus freres de la davant \20 dite Maison dau Temple de la Rochele ou à lor comandement par les quatre quarterons de l'an, 23 c'est à ssaveir: cinquante solz à chascun quarteron. 24 E si tant \21 esteit chose que Deus feïst son comandement dau dit Henri le Breton sanz heir de sa char descendant qui vesquist, 25 les does davant dites maisons \22 deivent retorner à sire Oliver, prestre, ou à Joffrey, souzdiacre, freres dau dit Henry, se il esteient vif à celui jor, 26 à tenir e à aveir e à \23 espleiter tant cum il vivront e non plus, ob rendant chascun an au comandeor e aus freres de la dite maison dau Temple de la Rochele ou à lor \24 comandement les davant dites dis livres de cens, issi cum dessus est dit e devisé. 27 E emprés la mort dau dit Henry e daus heirs qui seront de lui des\25cendu e emprés la mort de ses davant diz freres, 28 deivent retorner les does davant dites maisons, e les places sus quei eles seient, au comandeor \26 e aus freres de la davant dite Maison dau Temple de la Rochele ou à lor comandement. 29 E sont e seront li diz Henris e cil qui emprés lui tendront \27 les davant dites maisons homme dau Temple e ou chaptain e en la garde dau Temple, il e les lor chouses. 30 E est à ssaveir que, ob les davant dites \28 dis livres de cens rendant chascun an, issi cum dessus est dit e devisé, 31 nos e li frere e li bien de la davant dite maison dau Temple sommes tenu à \29 garir e à deffendre au davant dit Henry e aus heirs de sa char descendant e au dit Olivier, prestre, e au dit Joffrey, ses freres, tant \30 cum il vivront, se li diz Henry moreit sanz heir de sa char descendant qui vesquist, 32 les does davant dites maisons e les places sus quei eles seient \31 contre toutes genz, franches e quiptes e delivres de toz deveir e de touz empaitremenz, aus us e aus costumes dau Temple. 33 E en garentie de \32 ceste chose, nos en avom doné por nos e por noz successors au davant dit Henry e à ses davant diz freres ceste presente chartre sayelee e con\33fermee de nostre sayau. 34 Ceu fut fait l'an de l'incarnacion Jhesu Crist .M./CC./ e seissante e sis ou meis d'octobre. 35 Nos adecertes Johan Gaucher \34 dessus diz avom apposé à cest present transcript le sayau de la dite seneschaucie de Xainctonge. 36 Ce fut fait l'an de grace .M.CC. e quatre vinz e \35 dis e nouf le vendredi avant la feste saint Lorenz ou meis d'aoust.