Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit098

1281, 22 avril.

Type de document: Charte: accord

Objet: Accord entre Henri Chevillon de Beauvoir-sur-Mer et les Hospitaliers de Jérusalem réglant leur différend au sujet d'un hébergement et d'un marais.

Support: Charte autrefois scellée.

Lieu de conservation: Archives Départementales de la Vienne, H³, 390. — Commanderie de Coudrie.

1 à touz ceaux qui cestes presentes letres verrunt e orrunt, 2 Henriz Chevillon de Beauvaer sus Mer, \2 saluz en Nostre Segnour. 3 Sachent tuit 4 que, comme contenz fust esmeüz entre religious homme e honeste, 5 fre\3re Thomas le Raz de la Sainte Meson de l'Ospitau de Jerusalem, tenant lou de mestre en France, e les ffre\4res de cele mesmes meson, d'une partie, e ge Henriz Chevillon de l'autre, 6 sus ce que le dit relegious \5 me demandeient un herbergement asis en la ville desus dite de Beavaer, en quel ge demore à pre\6sent, e un mareis qui est assis eu Marais d'Ardellen; 7 le quel herbergement e le quel mareys fut l'autre \7 feiz mostré par frere Pierres Furgez, jadis ballis as Habites, 8 par davant ffrere Pierres \8 Daudon, ballis de Faolle, e par davant Guillaume Hernaut, citeien de Nantes, arbitres esleüz de mei \9 Henriz Chevillon e dou dit ffrere Pierres Furgez; 9 les queles choses les diz relegious disaent \10 e encore dïent apartenir à eux e à lor meson des Habites par la donesson fete à lor meson \11 dessus dite de mon segnour Pierres de La Ganeche e de ses successours; 10 les queles choses fu\12rent feu Guillaume Chevillon e feuee Bonnefille Chevillonne, sa fille, au tens que il vivaent; 11 e ge \13 Henriz Chevillon disaye les dites choses apartenir à mei par reson de dreit heritage; 12 la quele chose \14 il me metoint an ni e en defensse; 13 à la parfin, le diz relegious e ge davant Henriz desus diz avon \15 pacifié e acordé des diz contenz en tele maniere que ge dit Henriz e Johanne ma famme ten\16drons e espleterons les dites choses tant comme nous vivrons, e le plus vivant de nous donon \17 e en feron les fruiz noz; 14 e suimes tenuz nous dous, e le plus vivant de nous dous, rendre chas\18cun an cinc soulz de cens e un mangier coustumal au ballis des Habites, qui por tens \19 il sera. 15 E aprés la mort de mey dit Henriz e de Johanne ma famme e dou plus vivant de \20 nous dous, 16 totes les choses des[us] dites e tout ce que ge dit Henriz diray par mon serement qui \21 plus doit apartenir à l'Ospitau, qui n'a esté monstré, 17 remandront e vendront à l'Ospitau quites e de\22livres de mei dit Henriz e de Johanne ma famme e de noz hers e de noz successors, senz ce \23 que nous il ouïssent riens demander par reson de nous. 18 E dou sorplus qui ne fuit pas \24 mostré, seré creüz par mon serement. 19 E est à savoir que ge dit Henriz, jurez sus les Sainz \25 Evangiles, 20 à la requeste frere Pierres Daudon, ballis de Faolle, e de frere Pierres l'Au\26moner, ballis de Nantes, e de ffrere Hodes Rigaut, ballis de Launaye en celui tens, \27 establiz procuratours especiaus as choses desus dites dou davant dit frere Thomas \28 le Rat, tenant lou de mestre, 21 di e desclere que un pré e terres arables, qui n'a\29vaient pas esté monstrees par avant, joinanz au mareis desus dit mostré, apartien\30nent à l'ospitau par la reson de la composicion desus dite; 22 les queles choses monstrees \31 e non mostrees e desclerees par le serement de mei dit Henri sunt assises entre le retreit \32 feu Pierres Chevillon, mon pere, e la Terre Raguez, d'une partie, e le marays qui fut à l'Engleis \33 en lonjor, d'autre, 23 e la chaucee devers la mer d'une partie, e la charau qui vait de la Bar\34donnerie à la Nullacerie en leour d'autre. 24 Encore di e desclere, par mon serement, que \35 un heraut, joinant au dit herberement devers le vergier Pierres Guillaume de la lonjor \36 de la meison dou dit herberement, des les pinon de la dite meson, ou est ma cheminee, \37 e dous fenestres ferrees e des la mazere, ou se tient ma quesine, 25 e des l'entree \38 de la meson jusque à la ruee quemuneau devers la meson dou Gemec, 26 appartient \39 à l'Ospitau, par la reson de la composicion desus dite, e plus non dou dit herbergement ne \40 d'autres choses. 27 E à cestui mien fet, ge dit Henri ay renuncé especiaument e espressement \41 à tout privilege de croiz prisse e à prandre, à tout dreit escrit e non escrit, à totes constitucions \42 velles e noveles, seit de princes ou de roys, 28 e à totes allegatiens e resons e enpechemenz \43 por quoi la tenour de ceste letre porroit estre destruite, anichillee en tout ou en partie ou en\44peree. 29 E en fermeté e en tesmoin des choses desus dites, 30 ge en ay donné aus dit procureours \45 cestes presentes letres saellees dou seau de la seneschaucie de Peitou, establiz à la Roche sor Oyon, \46 assemblement o mon propre seau. 31 E requis maistre Haennus Deridon, clerz, tenant e gardant le \47 davant dit seau en celui tens, que il l'aposast en ceste letre. 32 E ge Haenus Deridon, clerz, à la requeste dou dit Henri, apposay le dit seau en cestes letres anssemblement ou son propre seau. \48 33 E en ay le dit Henri Chevillon, requerant les choses desus dites, jugié e condempné par le \49 jugement de la cort mon segnour le rey de France de tenir les choses desus dites e leaument \50 garder, sauf le dreit mon segnour le rey e tout autruy. 34 Garanz presenz: Morice Chevillon, \51 Haennus Gauceau, Gaufrey Banare, clerc, Guillaume le Mercer e le dit Guillens de la parroiche ^[1] \52 de Beauvaer sus Mer. 35 Ce fut fet e donné le mardi apprés 36 quasi modo 37 en l'an de grace \53 mil e dous cenz e quatre vinz e un eu mays d'avril.

Notes de transcription
^[1] delaparroicheécrit deux fois .