Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit091

1284, 15 décembre.

Type de document: Charte: confirmation de vente

Objet: Confirmation par Allés de la Vassallère et Perrenelle, sa femme, d'une vente antérieure à Hélyes Botentrept, le boucher, d'une pièce de lerre et un pré pour le prix de dix livres plus huit deniers de cens.

Support: Charte autrefois scellée.

Lieu de conservation: Archives Départementales de la Vienne, H², 22. — Prieuré de Lencloître.

1 À toz ceolz qui verront et orront ceites presentes leitres, 2 Geiffrey Lescrivain, gardeor et porteor dou seau Thibaut \2 de Bosmez, valeit, seignor de Mirebeau et de Blazon, à Mirebeau establi par le dit seignor, salu en Nostre Seignor pardurable. 3 Sachent \3 tuit cil qui sont et qui à venir sont 4 que en nostre presence personaument establi, Alles de la Vassallere, valeit, et Perrenelle, sa \4 fame, 5 unt queneu et confessé par davant nos, de lor bone velonté, sanz parforcement, 6 que lonc temps aveit ja passé, il \5 aveient otreié et vendu par elz et par lor hairs et par lor successors, en pure et en perpetuau vençon, à Helyes Botentrept, \6 le bouchier, 7 une lor piece de terre et un lor pré 8 la quelle piece de terre est vulgaument apelee lou Champ de l'Ome, tenant \7 à la terre Guyoneit de la Vassallere de une partie, 9 et à la terre Hugueit de la Chaucee, valeit, de l'autre partie; 10 et lou dit pré \8 est assis davant le herbergement dou dit Guyoneit 11 à aveir, à tenir, à posseieir et expleitter paiziblement, et à mais toz temps \9 pardurablement, la dite piece de terre et lou dit pré dou dit Helyes et de ses hairs et de ses successors 12 ou tot lou dreit, ou \10 tot lou poeir, ou tote la proprieité et la possession et la seignorie que li dit vendeor aveient, aveir poeient ou deveient, par \11 qaucunque dreit ou rayson, en la dite piece de terre et au dit pré, par le prez de dez livres de moneye corrant; 13 les quaus deners \12 les diz vendeors quenurent par davant nos elz aveir heüz et receüz dou dit Helyes en peccune nonbree et livree. \13 14 Et unt pramis li dit vendeor par elz et par lor hairs et par lor successors, par la ffey de lor cors donee en nostre \14 mayn et sus l'obligacion de toz lor autres biens moubles et heritages, 15 la dite vençon tenir, attendre, garder, enseigre \15 feaument et ffermement, 16 sanz enffraindre et sanz venir encontre au temps qui est à venir par auqun dreit ou par auqune \16 rayson, 17 et guarir et deffendre au dit Helyes et aus siens en tot temps la dite terre et lou dit pré quiptes et \17 delivres [de] toz deveirs, de totes costumes, de totes obligacions et de toz enpaitremenz, envers tote manere de gent, \18 18 ou oict deners de cens que le dit Helyes ou les siens en rendront et seront tenu rendre aus diz vendeors et \19 aus lor annuaument en chasqune feste saint Michau. 19 Et unt renoncié les diz vendeors, quant aus dites choses, sus \20 la ffey et l'obligacion desus dites, à tote ayde, à tot benefice de dreit de cort d'iglize et de cort laye et à toz statuz \21 de rey, de conte ou de prince ffaiz et à ffaire et à toz privileges donez et à doneir et à toz usages et à totes costumes \22 et à toz dreit qui est otreiez à ffames en ley ou en canon 20 et à excepcion de la peccune non heüe, non receüe et \23 à totes autres excepcions, decepcions, privileges, confirmacions, rayson et allegacions qui de ffait ou de dreit porreient \24 estre dites ou obicees contre la tenor de ceites presentes leitres. 21 Et enprés le contrait de la dite vençon, le dit \25 Helyes, par davant nos present, quenut que il aveit admoisonné et baillé, à annuau et perpetuau moyson de quatre \26 sexters de froment à la mesure de Mirebeau et de quatre manseis de rente, aus diz vendeors et aus lor 22 la dite \27 piece de terre et lou dit pré, à rendre des ore en avant dos diz vendeors et dos lor au dit Helyes et aus siens \28 annuaument en chasqune feste saint Michau. 23 Et en garantie dos choses desus dites, nos, à la requeite dos diz vendeors \29 presenz par davant nos et dou dit Helyes, 24 aus presentes leitres lou dit seau apposames, 25 et aus choses desus dites tenir, \30 attendre et garder, sanz venir encontre en nulz temps, les condampnames et passames par le jugement de la cort au dit \31 seignor. 26 Ceu ffut ffait et doné en Mirebeau et seellé et jugé à tenir en jor de vendredi avant la feste \32 saint Thomas l'apostre en l'an de graice mil dus cenz quatre vinz et quatre.. P. Peitevinz \33 prist l'outrey.