Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit078

1260, 6 mai.

Type de document: Charte: vente

Objet: Vente faite par Guillaume Bailer de Ligron et Benesour, sa femme, et les leurs de rentes en froment et en argent à l'Abbaye de Sainte-Croix.

Support: Charte autrefois scellée.

Lieu de conservation: Archives Départementales de la Vienne, H, Abbaye de Sainte-Croix de Poitiers, liasse 74 (carton 24).

1 À toz ceos qui veiront e oiront cestes presentes lettres, 2 Johans deens de Thoarz, sa\2luz en Nostre Seignor. 3 Sachez tuit 4 que Guillames Bailers de Ligrum e Bonesour, sa fene, e \3 Estenes, li filz au dit Guillame Bailer, e Osenne, sa fene, 5 ant vendu e otreié part davant \4 nos, à toz jorz mais sans rapeler, 6 à Dé e au convent de la Abahie de Seinte Croiz; 7 ceu est \5 à saveir: li diz Guillames Bailers e sa fene, treis prevenders de froment à la mesure de To\6arz e treis maailles asis sus une minee de terre pres do Pré Auger qui mout de Joffrey \7 lo Sec à une maaille de cens chaquin an à la Seint Michea, 8 e celle maaille rendrant toz les \8 ans li dit Guillames Bailers e sa fene e lor heir e lor successor au dit convent de Seinte \9 Croiz o à lor comandement, 9 e li convens o sis comandemens la rendrant toz les ans à la Seint \10 Michea au dit Joffrey lo Sec ou à ses hers ou à ses successors. 10 E por ceste venchun e cest \11 otrey, ant oü e receü li dit Guillames Bailers e sa fene trente e dos sos e sept deners de \12 la moneie corant, do quaus il se tenguirent davant nos plenerement porpayé. 11 E li dit \13 Estenes, filz au dit Guillame Bailer, e Osenne sa fene ant vendu e otreié à d[u]rableté \14 au dit couvent de Seinte Croiz de Peiters por lo prez de dez soz, dunt il se tenguirent \15 davant nos enterinement porpaié, 12 un prevender de froment à la dite mesure e une \16 maaille de cens asis sus tot l'eritaige que autent li diz Estenes do priolé madome \17 Seinte Ragunt de Pomer. 13 E ant promis e otreié li dit Guillames Bailers e sa fene e li \18 diz Estenes e Osenne sa fene, por os e por lor hers e por lor successors, lo dit froment \19 chaquins por sa ferue, si come ol est dit par desus, rendre e mener toz les ans en la feste mon\20sor seint Michea en quaucunque loc li diz convens de Seinte Croiz o lor comandemens vo\21drant e comanderant. 14 E ant obligé, por os e por lor hers e por lor successors, trestoz \22 lor bens moubles e nun moubles, presens e qui sunt à venir, à totes cestes choses \23 feaument e leaument tenir e garder sans enfreyndre. 15 E ant abrenuncié de lor \24 bone volanté, sans force, à tot usaige e à tote costume de païs e à tot dreit es\25crit e non escrit e d'iglese e de cort laye e à tote excepcion de doaire ou de don \26 de noces e à totes autres raisons qui lor porreient valer à cestes choses rapeler \27 e qui porreient estre obicees contre cestes presentes lettres en tot o en partie; 16 e qu'il \28 ne pochent mais venir encontre por nulle raison, il en done lor saigremens sus lo \29 Seint Evangere. 17 E nos, par nostre diffinitive sentence, les avum condampné à totes cestes \30 choses, e chacune par sei, tenir e garder à durableté e que il ne lor heir ne pochent \31 mais venir encontre; 18 e, à lor requeste, avum cestes presentes lettres saalees de \32 nostre seya. 19 Ceu fut fait lo vendredi avant la Ascension en l'an nostre Seignor mil \33 e dos cenz e seixante en meis de may. \34 20 E cil achaz e ceste conqueste furent fait e conquesté por faire toz les ans l'anniversaire \35 fau Garin lo Costre en la dite iglese de Sei[n]te Croiz de Peiters.