Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit060

1285, 5 septembre.

Type de document: Charte: vente

Objet: Ma dame dite Totenue, femme de feu Aymeri de Dercé, chevalier, et les siens vendent à Aymeri de Escroal, valet, quatorze setiers et demi de froment et cinq chapons de rente sur plusieurs pièces de propriété pour le prix de quarante livres, plus trois sous de service.

Support: Charte autrefois scellée.

Lieu de conservation: Archives Départementales de la Vienne, H, Abbaye de Fontaine-le-Comte, liasse 26.

1 Sachent tuit presenz et à venir 2 que en la cort monsor Thebaut de Bomez, chevalier, segnour de Mirebeau et de Blazon, en dreit personaument \2 establi, 3 ma dame dite Totenue, fame iadis feu Aymeri de Dercé, chevalier, et Aymeris et Felipons de Dercé, valeiz, freres, filz et hairs de \3 la dite dame et do dit feu Aymeri de Dercé chevalier, 4 unt queneu et confessé en la dite cort que il unt vendu et otreié par els et par lor hairs et par lor successors, à mes toz jorz durablement, 5 à Aymeri de Escroal, valeit, et à seis hairs et à seis successors, 6 quatorze sextiers \4 et dimé de froment, à la meisure de Mirebeau, et cinc chapons de annuau et perpetuau rente; 7 leis quaus Pierres l'Avenu de Bracheisac \5 et Pierres Riveit de la Riveitere et Aymeris Lucas de la Riveitere et Johenne la Memine de Bracheisac et Regnaut Soudeien de \6 Bracheisac deyvoient aus diz vendeors, en tens de la vençon faite, de annuau rente en chaqune feste saint Michau, 8 si cum li dit vendeor \7 et li dit Pierres l'Avenu, Pierres Riveit, Aymeri Lucas, Johenne et Regnaut, en la dite cort personaument establi, unt queneu et confessé en la dite cort. 9 C'est à savoir: le dit Pierres l'Avenu par sey, quatre sextiers et dimé de froment et un chapon por raison de dous pieces \8 de terre assises à Bracheisac dos quaus une piece est tenant à la terre Thebaut Lonaher, valeit, de une partie, et à la terre Jahan Memin de l'autre \9 partie; 10 et l'autre piece est tenant à la terre Regnaut Soudeien de une partie, et à la voye par la quau l'an vait de la Riveitere au boys Guiart \10 de Rochefort, valeit, de l'autre partie; 11 et le dit Pierres Riveit par sey, sex sextiers de froment et un chapon por raison de une piece de \11 terre assise entre la Riveitere et l'Omeau Peitevin, tenant à la voye par la quau l'an vait de la Riveitere au boys do dit Guiart de une partie, \12 et au arbergement Aymeri Beriant de autre partie, et au arbergement Hugueit Coupe de l'autre partie; 12 et le dit Aymeri Lucas par sey, dous \13 sextiers de froment et un chapon por raison de dous pieces de terre assises à la Farrere, dos quaus une piece est tenant au arberge\14ment Hugues Coupe de une partie, et au champ dit Rogueit, segnour de Champabor, de autre partie; 13 et l'autre piece est tenant au dit \15 champ de une partie, et à la treille do dit Aymeri Lucas de l'autre partie; 14 et Johenne la Memine per sey, un sextier de froment et un chapon por \16 raison de une piece de terre assise aus Brueres tenant à la voye par la quau l'an vait de l'Omeau Peitevin au boys do dit Guiart de Rochefort de une partie, \17 et à la terre Regnaut Soudeien de l'autre partie; 15 et le dit Regnaut Soudeien par sey, un sextier de froment et un chapon por raison de une piece de \18 terre assise aus Brueres tenant à la dite voye par la quau l'an vait de l'Omeau Peitevin au dit boys do dit Guiart de Rochefort de une partie, \19 et au champ Johenne la Memine de l'autre partie, 16 rendanz les diz quatorze sextiers et dimé de froment, et leis diz chapons, des ores en avant \20 perpetuaument, au dit Aymeri de Escroal et à seis hairs et à seis successors dos persones desus nomees ou de lor hairs ou de ceaus qui tendront leis dites \21 terres por raison dos dites persones qui deyvent lo dit froment et leis diz chapons de rente annaument en la feste saint Michau en Mirebeau ou en \22 la chatellenie de Mirebeau en la maison do dit Aymeri de Escroal, si il l'aveit au dit Mirebeau, ou en la dite chatellenie; 17 à aveir et à aparcevoir les diz qua\23torze sextiers et dimé de froment et les diz chapons, des ores en avant perpetuaument, do dit Aymeri de Escroal et de seis hairs et de seis successors \24 sus les dites terres dos quaus le dit froment et les diz chapons de rente sont deüz annaument en la feste saint Michau. 18 Et fut le pris de la dite \25 vençon dos choses desus dites de quarante livres de moneie corrant; 19 dos quaus li dit vendeor se tindrent plenerement porpaié en la dite cort en \26 pecune nombree, heüe et reiceüe do dit Aymeri de Escroal. 20 Et se porront le dit Aymeri de Escroal et seis hairs et seis successors revengier sus \27 leis dites terres totes feyees que les dites persones qui deyvent lo dit froment et les diz chapons de rente ou auqunes de elles ou leis hairs de elles defandront \28 de rendre lo dit froment et les diz chapons au dit Aymeri de Escroal ou à seis hairs par auqune feste saint Michau au lou desus dit; 21 leis quaus diz quatorze \29 sextiers et dimé de froment et leis quaus diz chapons de rente, li dit Pierres l'Avenu, Pierres Riveit, Aymeris Lucas, Johenne la Memine et Regnaut \30 Soudeien unt pramis en la dite cort, 22 seigont ceu que chaquns de els en doyt rendre au dit Aymeri de Escroal et à seis hairs et à seis successors, au lou desus \31 dit, à toz anz en la feste saint Michau, des ores en avant, perpetuaument, par la fey de lor cors donee en la dite cort et sus l'obligacion dos terres desus dites \32 do comandement aus diz vendeors. 23 Li quau dit vendeor unt queneu en la dite cort eaus aveir fait lo dit comandement aus diz Pierres l'Avenu, Pierres \33 Riveit, Aymeri Lucas, Johenne Memine et Regnaut Soudeien de rendre lo dit froment et leis diz chapons de rente au dit Aymeri de Escroal et à seis hairs \34 et à seis successors, si cum desus est devisé. 24 Et tendront le dit Aymeri de Escroal et seis hairs et seis successors, des ores en avant, perpetuaument, leis dites terres, 25 sus \35 leis quaus le dit froment et les diz chapons de rente sont assis dos diz vendeors et de lor hairs et de lor successors, à treis solz de servise, sans autre \36 deyveir, sans autre costume et sans autre reidevance, rendanz à Luché annaument en l'andemain de la feste de toz sainz. 26 Ceites dites otreance et \37 vençon dos choses desus dites unt pramis li dit vendeor, en la dite cort par els et par lor hairs et par lor successors, 27 par la fey de lor cors donee en la dite \38 cort et sus l'obligacion de toz lor biens moubles et non moubles, presenz et à estre, en quauque lou que il soient, tenir, garder, ensegre, 28 sans enfraindre \39 et sans venir encontre par els ou par autres en tens qui est à venir, et garir et deiffendre les dites terres sus leis quaus le dit froment et li dit chapon \40 de rente sont assis, 29 au dit Aymeri de Escroal et à seis hairs et à seis successors perpetuaument, de toz et contre toz, aus diz treis solz de servise rendanz, \41 si cum desus est devisé. 30 Et unt renuncié li dit vendeor en icest lor fait, par els et par lor hairs et par lor successors, à tote ayde et à tot benefice de dreit \42 de cort de sainte yglise et de cort laie, à toz statuz de rey et de prince faiz ou à faire, à toz privileges donez ou à doner, à toz usages, à totes \43 costumes, 31 à excepcion de la pecune non nombree, non ballee, non solue, à totes excepcions et decepcions, raisons et allegacions qui, de fait ou de dreit, \44 porreient estre dites ou obicees contre la tenour de ceites presentes leitres par quey li presens instrument porreit estre destruit ou maumis en auqune \45 menere, en tot ou en partie. 32 Ceu fut fait et doné en Mirebea et seellé do seau de la cort au dit segnour de Mirebea, establi en Mirebea por lo dit \46 segnour, et jugié à tenir par lo jugement de la cort au dit segnour de Mirebea, à la reiqueite dos diz vendeors et dos diz Pierres l'Avenu, Pierres Riveit, \47 Aymeri Lucas, Johenne Memine et Regnaut Soudeien, presenz en la dite cort 33 en jor de meicredi avant la Nativité nostre Dame Virge, l'an de grace \48 mil dous cenz quatrevinz et cinc.