Téléchargement du document

Documents linguistiques galloromans
Corpus : (chPoit)
Responsable du corpus : -
Édition de la charte : -

chPoit053

1298, 10 novembre.

Type de document: Charte: renonciation

Objet: En reconnaissance de bienfaits reçus de Pierre de la Roche, clerc, Bouchart de la Touche, chevalier, et Lisabea, sa femme, renoncent à toutes les redevances dus par le dit Pierre sur l'hébergement de la Raffinières qu'il tient d'eux, moyennant le paiement par le dit Pierre de six deniers de franc devoir.

Support: Charte autrefois scellée.

Lieu de conservation: Archives Départementales de la Vienne, H, Abbaye de Saint-Hilaire de la Celle, liasse 67

1 À tous ceus qui ces presentes letres verront et orront, 2 Pierre Pevrel, escuyer, garde du seel dont l'en use en la \2 court le visconte de Chastelayraut, saluz en Nostre Seignour. 3 Sachent tuit que en droit personaument establiz, \3 4 monsour Bouchart de la Touche, chevalier, et madame Lisabea, sa fame, 5 requenurent soy avoir donné, quipté et delessé \4 pour eus et pour les lour, à tous jours mais, par don fait entre vis et sanz esperance de rappeler, 6 à Pierre \5 de la Roche, clerc, et à seens et à ceus qui auront cause de luy, 7 en recumpensacion des courtoisies et des services \6 que le dit clerc lour avoit desja fait, toute la foy, 8 l'omenage et quecunque devoir que les diz chevalier \7 et sa fame et chascun de eus avoyent et avoir poayent et devoyent, par quecunque cause ou raison, sus le \8 dit Pierre et que le dit Pierre lour devoit sus son herbergement, les treylles et les apartenances d'iceluy herber\9gement que l'en appelle la Raffinere; 9 les quelles choses par avant estoyent tenues du dit chevalier en foy, \10 10 et tendront le dit Pierre et les seens, desormais, les dites choses des diz chevalier et de sa fame et des lour, 11 à six deniers \11 de franc devoir renduz chascun an le dyemanche aprés la Saint Michel au Touschau, 12 sans foy, sans homa\12ge, sans double, sans ayde, sanz auqune autre redevance, obeïssance, service, coustume ne quecunque autre \13 devoir ne pour raison de mesures ne pour autre quecunque cause ou rayson. 13 Et promistrent les \14 diz chevalier et sa fame pour eus et pour les lour, par la foy et par l'obligacion de tous lour biens, presenz et à venir, \15 14 garir et deffendre perpetuelment, tant comme sires, les dites choses au dit franc devoir tant solement, si comme dessus \16 est dit, vers tous et contre tous; 15 et que desormais encontre la tenor de cete letre ne feront, ne ne vendront \17 ne por soy ne por autre en auqune maniere. 16 Et renoncierent en cest fait, par le lyen de lour foy, à toute excepcion et \18 à tout benefice de droit escript et non escript, à tout usage et à toute coustume et à tout previlege; 17 et maes\19mement, la dite dame à tout benefice de doayre et de don pour noces; 18 et eus generaument à tout quant que porroit \20 estre opposé contre la tenor de cete leitre et à tout droit, disant general renonciacion non valoir. 19 Et nous \21 le dit Pierre, à la requeste des diz chevalier et de sa fame, quant à ce, sometanz soy et les lour et tous lour biens à la \22 jurisdiction monseignor le visconte, 20 et à ce garder et acomplir, de lour volenté, par le jugement de la dite court \23 furent condempnez et jugez; 21 et à ces presentes letres le dit seel avom mis en tesmoig de verité. 22 Donné le \24 lundi avant la Saint Martin d'yver, l'an de grace mil .CC. quatrevins et dix uyct.